FUJINON XF 55-200mm F3.5-4.8 R LM OIS

-輕，配合X-T2唔加手把重量已經平衡
-操作感十足，托上手可輕易轉到變焦及對焦環，但不及50140
-防震得，200mm 1/30靠得住（可能小弟手易震...師兄唔洗講下句）
-全開光圈足夠銳利，要100%聞可收至5.6，全段最佳光圈
-色彩傳遞到位，變焦鏡黎講算係出色
-對焦算快，亦準，但有可圈點地方（見缺點）
-最後一樣當然係光圈，富士夠大方，以小弟認知其他原廠55200嘅鏡都F4起跳，而且未必係可用光圈

-對焦近嘅物體再去遠好易迷焦，反之亦然（但如果keep住影某距離範圍內嘅物體速度亦夠快，追焦都好可靠）
-呢支鏡最弱一環，散景唔算靚，有輕微二線性
-無WR
-200mm時加上遮光罩真的好長，車上用會有點吃力

有好多師兄對呢支同50230比較，貴三千值嗎？我本人係無後悔的，可能你上網狂搵sample比對，但其實長鏡唔同廣角，長焦於操控、對焦方面佔據好多分數，呢方面搵sample都係比較唔到，呢支光圈大2/3級，唔洗硬推iso，對焦亦比50230快同準，所以建議1516嘅師兄俾多3000無謂後悔同事後忐忑（當然睇你用途，你想用長焦上腳架專注影景嘅可以當睇左我一輪廢話）
係攝影領域多數係一分錢一分貨，極少有咁大隻夾那（除左富士支1855kit）

1.等於35系統的80-300，人像，風景，公園影下雀仔，通殺。
2.光圈比其他同焦段算大方，都f/3.5-4.8哦。
3.畫質，發色一流，可以好好利用長焦鏡帶來的壓縮感。
4.防震得。
5.唔算重，機身加手柄後，平衡度好好，咩？你話重左，沒微單優勢？餵，70-300焦段哦，大佬，已經算好輕身，知足啦。
6.現時價錢性價比高，我覺得XF接口，必備一顆，有更加多餘錢可以入50-140/100-400，不過價錢返幾返咯。
7.配合18-55，再加室內一支大光圈，基本夠你玩，影唔到靚照，反醒自己好過啦！
8.參考價格：X-T1 ＄5700+電池手柄＄1280+18-55＄3280+55-200 ＄4200+35 F1.4 ＄2700 全套萬柒蚊有找。

1.200焦段時，要伸好長，果樣差點。
2.唔系WR ，擔心易入塵。

由大機轉細機，希望降低重量，專注攝影樂趣，同時減少金錢投入，減輕心理負擔，又希望保持相片畫質，攝影興趣，富士系統係值得投資，優質鏡頭，機身軟體更新快，希望富士繼續努力，為我們提供優質產品同服務

係云云55-200鏡來講，好難得光圈不到f/5.0，f/3.5 - f/4.8可以當恆定f/4鏡，而且全開光圈已極sharp。

防手震超掂，唔肯定幾多級，但去電腦節打仗，係1/125s開盡200mm都唔會睇到手震。

解像度超高，配合Pro Neg. Std和42大閃係室內影model皮膚極滑溜，髮絲分明，成像回味再回味。

變焦環太緊，高速變焦有點難，我寧願佢做鬆D，再加lock。

講講對焦問題，我係X-E2用過呢支鏡，依家係X-T10用緊，比較之下我覺得支鏡本身唔係最大問題，最大問題富士早代機的人臉對焦唔掂，睇到個框都可以對唔到焦，之前係動漫展用X-E2喊三聲，電腦展轉用X-T10就好得多，只係影Monster的model時真係太暗對焦慢少少，其餘環境可以一下中。

始終唔係大光圈，入光較差，唔配大閃人臉會偏黃。

呢支鏡要配機，如果玩開X-E1或X-Pro1個代，就只能當佢係晴天鏡，上到X-T1或X-T10，才夠速度係室內用。

55-200呢個焦距，其他廠唔多重視，以前玩Sony同焦段個支真係得個平字，機身出jpg都充滿紫邊。我二手買入呢支鏡，比Sony個支貴少少，但估唔到富士咁重視呢支鏡，係二手店試鏡已經睇到呢支野唔惹少，立體感同成色同我以前支70300G比，可以講係平起平座。

呢支鏡有防震為成像加成，我帶埋35.4去電腦展，35.4無疑入光率高好多，但有防震真係可以數毛數得更開心，對焦亦因而更準。

呢條link內有55-200在電腦展影的model相，希望大家鍾意：https://drive.google.com/folderview?id=0B-cOGGTNiUnEfmd3VUhDZ3llRGs2a2k1cm4zNF9ZUVdsSW1tYUl2SVUyYWtEazZ6Z3B5MjA&usp=sharing

顏色是超準的, 色寛好高, 我曾把模特頸上7彩珠鏈所有色彩拍下來, FF機都未必做到
超sharp, 仲要鏡中鏡邊都甘銳, 去到200仍然正, 只是沒55那麼sharp
估唔到光位暗位細緻度都有, zoom鏡來說唔容易
防震好得, 用1/15都咩問題, 再低D仲OK
抗逆光一流, 對住太陽都交到功課
低光, 室內環境都掂, 唔會因此模特面灰灰和面青青
散景都幾順, 55/3.5 有少少散景, 上到100開盡光圈散景已壓縮得好勁
made in japan, 產品信心之一, 買水貨都未駛驚

自動對焦靠唔住, 經常迷焦, 信佢會失手, 暗環境常對唔到, 要有用手動對焦心理準備
都幾重, 配XE-1比例一般, 不過好野好難輕
我買水貨4900, 跟住趺得都幾快, 買富士產品真係唔好急, 等一等先買已平幾百

我用支鏡配XE-1, 出來影像是非常好, 那些黑角變形紫邊問題都沒有, 可見富士的光學工藝高水平, 光學而言,日系牌子鏡相若焦段似乎只有N記可比, 色彩而言, 對比我那支奶鏡50/2亦都唔會輸, 有時我會關左防震再將相機sharpness調去+2, 真係sharp到無朋友, 比我女友DUP我點解影到佢有暗瘡. 要執清楚先好交貨
對焦是不滿意的, 富士一向的問題, 網上見如配XE-2或XT-1會改善很多, 以對焦能力而言是所有牌子包尾, 如不慣用手動對焦的要考慮清楚, 想買來打雀是有點困難. 買來影人像卻是不錯的, 我試過用它和另一支奶鏡交替影人像, 除了光位暗位細緻度比不上之外, 其餘都輸不了多少.
現時買富士鏡頭好雞勒, 鏡是靘但唔平亦不保值, 買時4900 但入支2手leica R 90/2 都只是5千幾, 仲非常保值, 最怕富士有一天出FF無反, 要把所有買左鏡頭要換晒

55-200mm焦距對遠攝很足夠, 考慮到它是配aps-c系統
質素比想像中好, 全開光圈都sharp, 色彩鮮艷, 散景優美
對焦方面, update完最新version會快一倍, 而且冇咁易迷焦, 都算快
對焦速度就似Canon的EF-S 55-250差不多吧, 比想像中快了
用左兩塊ED鏡片增強遠攝質素都算幾有誠意
4.5級防震令到支鏡更加實用, 基本上1/10s也可以影到(每個人手震程度不同)

對焦可能跟35.4差唔多, 但有機會迷焦, 特別係暗位及對比低的時候
由於對焦慢, 追焦能力成疑, 要用AF影飛緊既鳥基本上係冇可能
變焦環改成了橡膠, 但其餘鏡身係金屬, 感覺有點奇怪
沒有內變焦, 感覺好容易入塵

對Fuji用家來說, 無論你是X-Pro1, X-E1或即將買的X-M1, 都是必入的鏡頭之一
唯一一支原廠遠攝鏡, 再配18-55就足夠應付大部份既攝影場合了
55-200的畫質絕不會令大家失望, 以後去演唱會影相拍片唔需要再拎咁大支大白炮了

1.最大光圈值和其他廠家55-200基本持平，但係此鏡開盡最大光圈就已經非常sharp！
2.富士兩支變焦鏡的對焦速度都唔錯（不過當然無單反甘快啦），比定鏡快好多；而且對焦都幾準，我用一直用最大光圈在X-Pro1機身上影相，好少出現走焦情況，d相ge對焦準確率可以達到8-9成；
3.廠家標稱4.5級防震，實際使用的確無吹虛，200mm，1/40s快門都非常穩陣；
4.一set有齊長遮光罩

1.變焦環有d緊；
2.反差度唔大時對焦會有時拉風箱；
3.X-Pro1機身用唔倒OVF，取景框只可以定在55mm端；
PS：如果可以上腳架環就正喇～哈哈！！

最強的55-200！！
XF55-200mm，現時系Fuji X裡面唯一一支原廠的長焦鏡，用料同其他XF鏡頭一樣都係金屬鏡身，感覺非常紮實聚手，一摞上手就會知道支鏡一定系落足料；
原本用開單反變焦鏡都會習慣將機身銳利度調高小小，但係尼支鏡銳利度+1（影人），返到屋企睇翻d相感覺too sharp，RAW之下我恢復銳利度為0已經非常非常滿意——依樣野系真係令我最為驚嘆！
色彩保持富士一貫風格，基本上同18-55的質素；全焦段無發現嚴重ge變形同暗角；7葉圓形光圈虛化效果好好，散景非常柔和，有d奶味，哈哈！
大家唔好比距55-200個名呃左，個人覺得尼支鏡質素好高， 可以講系一隻小牛鏡，絕對無“初階”。