-高倍率天涯鏡
-防震一般般
-畫質較佳

貴

挺好用的天涯鏡，想入手天涯鏡，不妨考慮一下

貪佢焦距方便,機身輕細

見用後感

本身有ff同部無反,諗住去旅行買支天崖鏡用,但用時發現經常令部無反相機hang機,以為過熱或firmwire問題,但返來打去cs,佢話支鏡啱單反用多D....
我唔覺資料有提呢樣野(可能我睇漏,同埋我用其他單反鏡頭都無事),sales 又無講,真係無言,晒左D錢.....

1. 16mm wide過18mm，數字上叫做有d優勢。
2. 對焦快過18-270多多聲，用咁耐無乜拉過風箱。
3. 成像比18-270 都有進步。
4. 外型都叫靚仔左。(但膠始終係膠)
一句講曬，可用。

1. 最大問題係造工！講個故事俾大家聽：之前入過支18-270，無跌無剩，用一兩年個變焦環就會卡死，但當時我響日本讀書，結果無整，響日本直接入支16-300，結果三年後又出現同樣問題，一支就話個別例子，兩支都係咁？t記又話非行貨無單唔整，結果而家屋企就多兩件垃圾。上網睇forum，原來呢個係t記通病，呢d造工，出幾代都無進步，搞幾多花臣都係假，話之你出支10-400都無用啦！
2. 成像真係非常非常一般，散！

用過兩支t記，怕怕，唔會再用呢個牌子。

以數千元的鏡頭來說，算是合格。
帶去旅行，輕便。

用長距拍出來的畫面質素很一般，
用開高質L鏡的玩家，不必試用，相差都幾遠。

算就手，易用。

- 用Canon 100D 及EOS M 無走焦
- 用於100D 時對焦幾快
- 16mm 有變型但未算很嚴重
- 300mm f7.1 - 8.0 畫質OK, 不含糊, 其實6.3都可用
- 防震嘛,.... 大約3級
- overall OK sharp
- 外型比舊式金圈tamron好睇
- 唔算好大支
- 有少少Macro, 0.34x 放大率

- 呼吸效應 focus breathing 比較嚴重, 用300mm 時近距離Focus得返200mm左右, 如果focus 5-6米外大約有230-250mm, 當接近無限遠focus時會有返300mm焦距
- 300mm 畫質唔差, 但比起我支55-250 STM差一個level, 即係excellent 同good and very good 之間分別
- 用300mm做macro時, 一來其實同200mm 做macro基乎無分別, 二來畫質有較明顯下降, 如果影花花草草蝴蝶都可以, 但要影數毛毛既野就會同真macro有D 距離
- 300mm 其實係等效480mm (canon計), 防震其實可以再好少少
- 開左防震時, 你就算有落腳架, 當你要影slow shutter (e.g. 0.5秒) 你就要小心, 因為個focus point會少少游黎游去好似企唔定咁, 但關左VC就無事
- 用唔到落EOS M3, 用落M1 又太慢......局住換部100D
- 光圈係少少細, 但100D 有multiframe NR, 可用ISO3200 頂住

2900買二手, 各大評測對鏡頭sharpness 都給予中上評價, 比上(定焦或鏡皇)不足, 但比下(一般kit lens或18-270, 18-200)就有餘. 有小廣角, OK 遠攝, 小macro, 呢支鏡, 買個方便, 合格有餘畫質, 同100D 係好好既配對.

如果遠遊, 我會選佢 + sigma 30/1.4 + sigma 8-16

-可攜性高
-全時手動對焦, 無論set 左 AF 或 MF
-手動對焦環輕柔暢順

-畫質只屬合格多DD

好多重點之前 D 師兄都講晒咁滯, 我之所以上呢支鏡主要用來拍片(A77M2), 但就硬照而言, 平心而論,畫質好不了我之前用緊果支同廠18-250mm(A18) 很多, 不過支A18無全時手動,拍片時很不方便, 因為AF周不時會對左落D閒角度, 一定要MF先唔會誤中副車。咁啱見屯門張無忌有果支鏡, 入去問下試下就落左搭嘞, 不過都好抵, $4090, 恆生咭18個月分期都係加$90, 一樣有$120 cash dollar, 仲有$300即場購物回贈, 買家電都得, 計起上來=$3670, 咁強的機動性, 不錯的畫質, 抵用!

Ultra Wide 的 24mm 至 Ultra Zoom 的 450mm (以 Sony Nikon 計) 及以不算重的扎實造工與質感包圍, 準有未來感覺。相片質素良好，色彩飽和度剛好不會過火。

近5K買入雖有五年保但仍覺得貴。
其它變型失光等我覺可接受，其實高級鏡多少也有其訣点，以天涯鏡計，比我以前侈18-250已有很大改善。
*我當然不會用高級鏡同它比.... no meaning!

我用sony mount, VC 系 built in, 呢支鏡真係好正，一支做到over 95%的場境！450mm 真的超人；曾有師兄教我影黑夜天空月亮等大特寫, 我用這鏡手持成功率也很高，多謝那位師兄。24mm 就不用講可影更多，也可避免多個尷尬企位。我喜歡科技及机械人，拿上手就好像拿了變型金剛 gundam (可遠射又可近身close combat) 之類玩具的興奮，但又不失它的專業質素同交足貨。又滿足又滿意！

見comment

見comment

首先聲明我冇買支鏡，本身太太部 100D 用舊一個版本 18-270mm PZD（B08), 那天與太太出席龍仔攝影會東平洲旅行，騰龍阮生借了我玩一會，已經有了大概，跟住有個朋友買咗，我又借咗佢玩咗聖誕新年幾日 （賤格～！XD）所以佢所有範圍成像表現都試哂。

這篇我主力都係講這個版本跟前一版B08 相比進步在那裡，放心，雖然食咗龍仔一餐，但都會中立去講一講好處及唔好處。

首先講tele, 舊版 200mm 以上都幾鬆散，不過因為價錢低，同埋天涯鏡特性 － 叫做有係度唔代表你一定用得著，但呢支新鏡則不然，我果日在船上用100D + 300mm 影番東平洲岸上個郊野公園牌，用最大 6.3 光圈都非常清晰，同埋在船上係郁，你都明白係震緊，我比較過有開及冇開VC 效果，應該非常接近CANON IS 4級防震 （差少少而已）

跟住用長焦影人，其實舊鏡在這方面壓縮景深效果都可以，我用 135mm 至 200mm 中焦試，都係較前鏡進步咗。另外用廣角端 16mm, 變形控制好咗，拿！留心，舊鏡係 18mm , 你發現D 直線係走哂位，不過算啦（天涯鏡），今次出到 16mm, wide 呢2 mm 可以保持到已經「老舉過年」，但可以係好咗，你可想而知進步有幾大？

在比較上唔知係咪今次支鏡加咗 2塊 LD 低色散鏡 ，成像銳利度好咗，紫邊情況改善咗，都係會有少少，但唔係嚴重囉。

支鏡拿上手，做工紥實過之前支B08 好多，最抵死係唔覺得佢重好多，大家知道天涯鏡最重要係輕及細，呢支嘢配 100D 真係極度絕配，所以我教朋友買100D 死人都要個40MM 定焦餅鏡，要zoom 不如買呢支或B08，水準及焦段可用性點都好過支18-55 kit啦。另外佢個鏡筒冇B08 咁易跌出來（可能新鏡），唔駛下下扣個lock 掣，另外，個hood 明顯實凈及易安裝過上一代B08，玩過 Sigma 18-250 及Canon 18-200, 呢支都算係天涯鏡的皇中皇。

不過有兩點要反駁各位師兄：

第一，支鏡水準係好，但絕對唔係紅圈L 級數，好簡單咁比較，大家去毒氣室叫佢拎支 10-22mm 比你試（你帶埋SD 咭），大家用 16mm 試，你會睇到相片質素分別，10-22mm 先算接近L 鏡水平，如果同真正L 鏡比（唔好講咩紅圈虛榮感，講番相），應該仲有好大距離，尤其有螢石果些 L 鏡，這個天涯鏡在現階段未必做到。

第二，大家話價錢平，咁我覺得看用什麼來比較，雖呢支鏡較當初出道 5K時回落，加埋有龍仔現金券都可能 4K頭，事實在同類天涯鏡仍貴少少，所以我係唔會入手，始終支 B08 又唔係好差，光圈較細d 就一就, 水準已不錯, 只係呢支係再好D，最大光圈嘅可用焦段範圍大咗, 唔駛就住用, 不過既然支B08 又頂得下，所以佢跌到3K零我至會考慮入手比太太用，而家個價位我覺得仲有得跌，反正唔急用，等下先囉。

另外，支鏡又係made in China, hood 係菲律賓，相比SP 或之前D 舊龍仔鏡係Made in Japan，呢支4K幾都唔係JAPAN，感覺唔係幾好。

總括，呢支鏡係好鏡，當然不要跟紅圈L 或同廠SP 級相比，如果價錢再減多1 K至 3000 零便更好了。

16-300包括ultra wide到super tele,一機一鏡走天涯
Full time manual focus override
Macro (~1:3)
三級左右防震
16-100焦段中心及邊緣成像優異，與紅圈無異
Bokeh 不錯
細支（比上代及canon白鏡28-300/35-350/24-105）
內對焦，用polarizer無問題
有對焦尺睇落夠pro
五年保養

200以上成像較差及紫邊可見
Barrel distortion (16mm) pincushion distortion (50-100mm)

二手買入配100D
所有紅圈有的新科技它都有了(防震，靜摩打，內對焦，微距，manual focus override,防水滴）
造工也不錯，比上代及24 105輕及細

16mm可作ultra wide用
於16-100焦段解像度及distortion表現跟24 105L差別不大，變形較大是常識吧（少執即可）
100-200可作人像用，200以上作contingency用

但作抓拍鏡這支為皇受之無愧

18.8倍变焦,距離呎內藏,不怕自動對焦時手指觸及,用67mm filter,節省$$.

Lens hood 太短,300mm時,在亦光下 易入光 ,最長焦距時只有6.3光圏,雖然有VC,但幫助有限.

之前已用过同厰18-270,相比之下,此鏡做工更好,相片色彩鲜明,個人覺得在解像度方面,廣角比較岀色,在長焦距時,質数稍為下降,不过以18.8倍变焦而言,是可接受的,16-300mm,相當於135的24-450mm,係一枝相當好玩的鏡头,要一鏡走天涯,此鏡是首選.