Sigma 150-600mm f/5-6.3 DG OS HSM | C

實拍照片

1. 不用七千就能入手的150mm-600mm大炮（15年9月行價）

2. 一塊螢石級FLD及三塊SLD鏡片的光學質素製造出價錢以上的驚喜，看MTF圖已經說得很清楚。就算加上原廠2X，400mm前都有不俗畫面。

3. 以600mm焦距來說，2kg真的輕到不得了（只有反射鏡能超越）。在日光下手持600變成可能，對生態及自然風景攝影帶來了不少機動性，即使不計價錢，相比起原廠神鏡，就是多了一個可能性。不方便、拿不出去的，即使再強都是局限了創作空間。

4. 鏡頭用料扎實手感十足，無論是鎂鋁合金的鏡身或防塵防油污的前玉都顯示出並不是Sport版的次品。防塵防水滴的構造算是中品以上。

5. 重心平衡不錯，配合5D3機身安裝在腳架上無前重後輕或前輕後重的情況，對穩定性及安全性有重要的作用。

6. 成色準確，沒有sigma以往偏黃的情況

7. sigma新皮，相比起舊皮不易出現甩皮狀況。

8. 9片圓形光圈，虛化漂亮及明顯。

9. 有變焦鎖，不用擔心大炮頭會因地心吸力而給你"自動變焦"。

10. 內對焦設計，對焦時前端不會旋轉。

11. 95mm鏡頭加上巨大的105mm遮光罩霸氣十足

1. 同一setting下，比Sport版暗大約三份一個EV
2. 對焦速度比Tamron SP 150-600mm F/5-6.3 Di VC USD慢，但光學質素較高。
3. 光圈全開暗角明顯，收到f8可以解決。
4. 光圈細，日光鏡，得f/5-6.3，但係七千唔使，仲想點。
5. 對於600端，OS作用不明顯，仍然需要日光加持，加快快門才可手持600。

雖然這支Sigma 150-600mm f/5-6.3 Contemporary在國際上有不俗評價。但香港就好似比較無人氣。可能本地主流長焦打女打蝶，超長焦打雀。打雀則原廠較多。加上香港夏天多雨，秋冬霧霾，超長焦比較少人買。（Sigma毒氣室又唔方便又要book...要試唔係容易，除非搵friend借...）

這個焦距並非是市場主流，超長炮主流亦傾向以原廠為主，和幾萬入場的原廠定焦相比，原廠使用者可能會睇唔起這些"入門玩具"。

但對於業餘使用者來說，我覺得這是一個非常好的長焦大炮入場體驗，開拓全新的創作空間和題材。而且畫質確是不俗，對於絕大部分人來說，這器材都不是限制創作的瓶頸，絕對夠用。但錢就唔會夠用。（嫌多的人可以俾D我...）

對於防震不足問題，在低光低ISO情況下，堅持唔落腳手持600或以上影快速物體的人必定有一定技術。那些師兄可能需要f4或更大光圈，那是十倍價錢以上的產品線，不是同一市場。對於一般人來說，更重要的是負擔得起亦能拿出去用的東西。而最重要的還是個人技術，要手震的，無論多少級防震都是一樣。買機從來不會送技術。

這支鏡頭不適合低光環境和影快速物件。但是卻在"有一定的光學質素而可携"為前題下為業餘攝影者提供了一道低門檻的大門去探索超長焦的樂趣。

1.價格不貴

2.鏡身質感佳

3.各焦段都可以鎖定

4.重量跟同焦段的Tamron 150-600相比較為輕盈

5.景深.散景表現亮眼

1.鏡身雖有質感，但若不幸刮傷，外觀應該會很明顯反應出來

2.OS不給力，感覺不出有4級防手震的實力，預估大約只有3級

3.若是被攝物跟背景之間的對比不明顯或是亮度過暗，即使D750暗部對焦能力可達-3EV，仍然會頻繁發生鏡頭不斷拉風箱的問題

4.雖然有C1.C2可供User自訂，可針對對焦速度.精準度.防手震.對焦範圍等做調整，但需使用者另行購買或租借USB Dock才能做設定

5.腳架環底座設計過短，不方便拍照移動時抓取

6.變焦環轉動方向跟N家鏡頭相反，習慣需要時間

畫質就不提了，基本上跟價位差不多的Tamron 150-600相比，大致上差異不大

而外觀上不管是鏡頭質感還是數據都很亮眼，但實際上使用起來卻不是那麼一回事

尤其是換成Tamron 150-600後，反而更加覺得T156遠勝S156

而最大優勢的焦段鎖，並非是使用者自行解鎖才能打開的設計

只要出一點力氣就可以轉動的焦段鎖，設計上雖屬好意，但也就有點失去了意義

重量的確比Tamron 150-600mm較為輕盈，但差距並不大

腳架環設計上，Sigma 150-600C的腳架環底座真的過短，不太適合手提行動，反而浪費了它重量輕盈能手持的重點

我自己是去買了一個支援Arca Swiss格式的通用L型快拆板，然後將它分解成獨立的兩部份後，再裝上腳架環底座當成10cm左右的快拆短板

除了延長底座，方便手提行動以外，也便於平常上雲台時使用

最後就是讓我很感冒的OS防手震

雖然說是4級防手震，但就我實際拍攝，快門大概只有在3級防手震之下才能有較高的成功率

當然不敢說一定都是鏡頭的問題，可是之後換成Tamron 150-600mm，對比卻很明顯

而且，

其實它的作動很不明顯，雖然使用C1.C2的自訂功能可以調整讓它作動明顯一點

可是必須要多花一筆錢購買或租借USB Dock，這點也許不是壞事，但我個人不太喜歡這種處理模式

色比TAMRON好對焦亦快D價格又平D!
支鏡真係快.靚.正!我本人由TAMRON150-600
轉SIGMA 150-600比較下C版都已經優勝了!

都幾重下啦!其他沒有了!

本人有CANON 428都覺得這支鏡,快.靚.正!值得擁有!

600mm夠遠。小雀仔都影到,幾愉快。如用apsc機仲遠。
外皮個樣幾好,好過舊皮好多。外觀pro。
又係唔打得都睇得!!

鏡身粗過T150600。
就咁拎住粒零鐘死梗。
zoom方向(同nikon相反)對於我用貫nikon的我確實仍每次zoom都要用腦思考&望吓個D數目字。

經過選擇困難症過後。點過S150600c燈!接下來係荷包干硬化!!
嚟嚟去去唔係原廠&副廠。當拋開虛榮就能見到自己所需!我要銳利、樣唔衰、色要啱我!當然最好係80400VRII。但我又唔出咁出血!
S150600c色一貫sigma色但唔偏黃,係600mm段解像明顯好過s150500os(我用過)但不及nikon afs 384D(我用過)此是正常,zoom鏡嘛!
OS亦明顯係好過s150500os。
S150600c係環境暗D時,我用D750真係難對到(就算鎖焦段亦一樣),可能焦距關係掛(nikon afs 384D亦一樣)。又或者用D810或以上好D掛!
最近焦距要2.8m的確有D遠!
E碌嘢其實我主要用途係用嚟影小朋友踢波。焦段的確非常合用。用70300都差D唔夠遠!
我係城城買有三年保,最重要係仲係平過樓上舖又可同T150600即埸比,認真方便變幻莫測嘅我嚟購買!

1）畫質銳利，以呢個價錢絕對收貨
2）行貨價錢平，全新6千頭抵買
3）重量比S版輕
4）可以自訂模式同更新，非常重要

1）OS未能做到其他廠咁穩定，絕對唔覺有4級防震有點呃秤，要使用動態防震先有較好效果。但要比錢買USB DOCK
2)個HOOD 好易整花鏡頭前端位置，新鏡使用兩天就花了，心痛
3）腳架環握位太短啦，根本唔方便，而且唔明點解唔加埋凹槽，方便使用腳架

我係2015年購入第一批嘅版本，畫質感覺唔銳利而且有走焦，之後出掉，之後聽聞係因為果批有問題所以先咁樣，最近重新入手，發現畫質進步不少，比以前銳利，開心使用。
巿面上嘅長炮zoom 鏡我都用過（除左canon同sony）, 以畫質計nikon200500排第1，而sigma150600C只係輸少少比佢，T記150600g2排第三，雖然g2係新過C版，但畫質絕對唔夠C版清晰同銳利，行貨仲要貴過人，失望。
呢支Sigma鏡用係nikon1 v2 到有千幾mm，加埋1.4仲有2千幾mm，非常之好玩，而且質素唔差，絕對值得擁有👍🏼👍🏼

1. 重量: 感覺上唔太重。我比較瘦，但手持幾個鐘打雀都無問題。150-600mm sport 試過太重了，不適合手持。
2. 質感: 唔會膠，感覺似皮，但一定唔係金屬鏡筒，造工都紮實嘅。腳環可除變膠圈。防塵防水滴，金屬mount。
3. 操作性能: 對焦環大小適中，可以manual override對焦及分段lock。HSM摩打對焦速度無咩問題，都靜嘅。配合7d mark 2 可 AI SERVO 追焦及用足61個對焦點。和7d mark 2 合用個焦距有成960mm (1.6 x 600mm) 。未有走焦情況。防震OK (MODE OS 1)。
4. 影像質素: 色彩自然準確，飽和度高。
5. 整體表現: 考慮埋價錢呢支都有4分半嘅。

1. 95MM FILTER 好貴。
2. 支鏡有兩個自定MODE，但要俾多4舊買USB DOCK 先設定到。
3. 不是恆定光圈。
4. 不是大光圈。

日本製。試了1個多月，效果都滿意嘅，不過就要付出金錢(FILTER)同體力。日間打雀，數毛都無問題嘅。暫時焦距都夠用，不用心思思買增距。雖然話可手持，但影足1日，第2日對手會好攰。