Sony FE PZ 28-135mm F4 G OSS

1. 夠大枝，加埋個遮光罩，嚇得死人(新手都瞬間變專家)；
2. 每個環易於操作，自動或手動對焦一推就掂，電zoom配手動兩用，附加細細粒鑲個碼上去，易於分辨，據聞個電zoom係用咗新科技，真係好順；
3. 畫面算清晰銳利，係4光圈之下其實zoom下已經做到好靚的散景，加上有OSS防手震，配合A7II完全發揮五軸防威力。

1. 太大支！唔輕！拎出嚟成為全場焦點！(這不是優點嗎？見仁見智啦~)；
2. 最大光圈得4，一般係夠用，但夜晚低光就... ...；
3. 好貴(兩皮有找)，而且口徑成95mm，買ND鏡都窮。

講真，呢支鏡優點一定多於缺點，而且專係for拍片，成個操作手感都係好順手，焦段28-135係全片幅嚟計真係可以唔駛換鏡頭了，尤其時間唔容許嘅情況下，慳水慳力。至於出嚟嘅質素，絕對係有保証，色彩同銳利程度都好高，加上防手震，配合A7II個五軸防真係無敵(但追拍時跑動太快當然唔得)，對焦反應都好快，用過拍運動題材，追焦如果用自動(較AF-C同S優先)，有不俗現。當然，咁大支鏡，一般場合會顯得有啲誇張，尤其如果想唔驚動其他人，或者偷拍，呵呵，就你諗你了。我嘅配置係A7II加直倒加埋佢，體型龐大。另外，除A7系列嘅Full Frame用得，APS-C機種同Super 35mm都可以用埋，算係咁！