16-55, 等效24-83mm
風景人像都係一支岩岩好嘅標準鏡。
大光圈，靚畫質
富士紅標，唔會令你失望，只要你拎得起就得。

貴啲
重啲
舊啲
冇防震

當時由16-80轉過黎16-55，
犧牲左55-80一段，同埋防震，
換來2.8光圈，
但係睇返啲相，值得。

快,利,準,色靚直出可用.

重,貴,沒有ois

快,利,準,色靚直出可用。重,貴,沒有ois。用左HX1天衣無縫！用在XT30 mkii頭重尾輕。值得擁有,我之前長期持有16-80 4和18-55 2.8-4,.以上兩支standard zoom根本是玩具,各方面不能與16-55 2.8相比。推介一步到位,節省資源！！

- 全開2.8光圈都好sharp
- 反應極快
- 金屬鏡身，真材實料

- 無防震，致命傷
- 鏡頭積積較大，即使用X-T系機都有不平衡狀況

影相反應好快，拍片亦好，但想拍vlog就唔好諗，一係用有防震嘅機型，除非落cage或用腳架。

以X-T2/3一機一鏡整體仍然比full frame 輕便，但已不能用「輕身」形容。去旅行的話，算啦…16-80可能係更好選擇。犧牲一級光圈換回防震、多25mm焦距同輕便性，值得。

冇防震機的話，呢支鏡最好應該點用呢？真係用嚟影相，畫質好得。拍vlog…隻手夠力又夠定就ok。

總結：造工同拍攝畫質一流，但預重身少少。

如題，影人嗰陣主體好突出而且非常sharp。
玩過CNS大三元就知佢唔算重，但要配h1或t4先會平衡到。

缺點喺優點面前根本不值一提

富士用家必入一支標準zoom，一定冇後悔

對焦快，成像銳利，顏色超班，焦段實用

冇防震係最大死穴,解決方法：用XH1or XT4
好多人話好大好重，但對比其他廠嘅無反鏡頭，絕對係正常冇問題

對於已有全部定焦嘅人來講點解仲要入依支呢，因為貪佢方便帶一支出街可以唔使成日換鏡頭，特別係帶住小朋友嗰陣時，又想影啲相出嚟有返咁上下質素

對焦真係快，準
比1855空間感明顯強好多
色彩不用說，紅牌，信心保證
老老實實1855同1655色彩還原度已經好接近， 咁1655仲有啲乜嘢係贏㗎呢，值得買嘅呢

有兩點

在光圈全開嘅情況下
由中心至邊位都銳利，1855的話，中央環好， 邊位就略嫌乏力左少少
反差同對比度都畀1855理想

重、冇防震， 大佬呢啲野人哋個spec有講㗎喎
你買嗰刹那係接受咗先至買㗎嘛， 唔明白其他師兄點解會覺得呢d spec一早有提及嘅嘢 係缺點

但係支鏡咁嘅價錢咁嘅重量而又冇防真呢一點就有啲雞肋喇

首先要補充一點先
數係人都識計， 不過有一點好多人都忽略咗
16-55 f/2.8 放落去aps-c度乘1.5
焦距的確係等於24至82.5， 但係光圈2.8呢樣嘢係冇變嘅， 若論佢光圈等於f 4.2， 呢樣嘢就值得商榷， 其實個光圈值係冇變到嘅， 佢嘅吸光度的確係f 2.8嘅吸光度， 只不過係個散景值， 佢只係等於一支ff 嘅4.2散景值


呢支鏡 畫質的確係冇得輸， 但係散景同定焦比相差仍然甚遠，所以如果要用佢愛嚟搵食， 如果純以人像攝影黎講， 就勉強咗少少喇

我見一啲用富士嘅職業攝影師， 佢哋影人像嘅時候都係用返定焦鏡

所以總括嚟講呢支鏡， 其實都係一支風景鏡， 一支非常之唔錯嘅廣角至中距風景鏡

其實明白嘅， 點解富士出一支咁好嘅鏡而又唔畀防震佢， 其實都係市場策略嘅一種， 其實各位師兄這不妨諗一諗， 如果呢支鏡頭防震的話，H系列我諗會小左好多人買😂

咁究竟呢支鏡值唔值得買 , 老老實實睇用途同畫面上嘅追求啦， 大大塊紅牌， 畫面上的質素當然不用懷疑， for商業用途當然冇問題 , 問題係商業用途都有分好多泛㗎嘛， 人像攝影就唔係呢支鏡嘅強項咧， 但係旅遊、風景、商品、生態、生活... 呢類型嘅題材呢支鏡就勝任有餘👍

如果我自己的話 , 例如日常生活或者街拍 我仍然係會用返18 55 ， 始終有傳統ff單反轉落富士aps-c機身， 都係求輕身啫 ，但如果畀我知道有啲靚嘢影例如去行山， 有靚風景 ，展覽， 呢類型嘅場合， 當我希望有更加好嘅畫質嘅時候， 我就會攞支16~55出去

買咗~唔後悔
用過之後~覺得係咪一定要買~ 我又覺得唔一定

但for追求畫質嘅朋友 , 我仍然推薦此鏡

做工好
全開光圈有23 1.4 8-9成功力
收光圈已經等於定焦級數
全天候鏡身
對焦靜

大。重。冇防震

對於依支鏡我冇咩挑剔。畫質富士系統中頂級。網上大部分人話xf1855有佢8成功力。我覺得太過誇大1855既能力。我玩相機一向定焦為主。買xt2時跟左支1855。一試底下覺得1855言過其實。畫質唔係差但冇人地講得咁好實際同xc1650差唔多質素。所以好快就放左入定焦。近排富士回贈就入左xf1655。一試底下畫質直迫定焦。比大部分舊鏡定焦更加靚。用佢對比過35 1.4 /23 1.4 1855 幾支F4/5.6光圈底下肉眼睇冇咩大分別。1855跟本追唔上。個人觀感覺得依支鏡太遲買有買貴冇買錯。1855優勢在輕啲細啲有防震本質上跟本就係支kit鏡話有1655 6成功力我信8成難免過分左。如果有要求既人唔好諗1855啦1655一定比1855好好多。一分錢一分貨

－畫質極佳
－造工札實
－防水防塵
－恆定光圈
－外變焦

－重
－口徑大
－沒有防震

鏡頭質素毋庸置疑，明顯比18-55好，而且防水防塵。可是，由於沒有鏡頭防震，加上價錢比前者貴上兩倍，焦段僅差2mm，因此本來使用X-T2+18-55組合的用家沒有太大意欲升級。假如你使用X-H1，那麼就不同說法了，不但可以讓機鏡變成真金身，下雨時可以不用左支右拙地拍攝。而且也補回了18-55廣角端的不足。以前不夠用，現在卻變得恰到好處。配合50-140使用，基本上旅行時不必帶其他鏡頭。
16-55的問題在於重和粗。X-H1+16-55的重量比起以前用的Olympus單反連鏡還要重，失去了無反的原意。而77mm的口徑......是我有生以來口徑最大的鏡頭。雖然我不介意重，也喜歡那種實在的沉重感。然而，以今時今日的科技，其實是否可以把鏡頭做得小巧一點？
總結，如果你手上有XH-1的話，此鏡可以徹底解放，保證稱心如意。假如你只有其他機身，用回18-55mm可能更化算。

1）全開光圈夠sharp可用，18-55 果支收兩級光圈都未夠sharp。

2）金屬鏡身，手感極佳。

3）影function event 快速取景方便。輕微收一級至F4 已sharp 爆。

4）對焦速度快，但仍輸 23/2、35/2、50/2、90/2。

5）55mm 加2.8 可以有淺景深，勉強夠用。

1）重。前後入左三次呢支鏡，但太重放走曬。等效FF 24-85/F4, 咁既重量如果係搵食嘅攝影師用RF 24-70/4 L丶EF 24-70L 重量唔差大多。咁如果我係多修用家或攝影師，係呢個焦段上不如用番Canon 算。

2）個人是普通用家丶較少機會需要快速取景，我用23/2或35/2是可以代替呢支zoom。

3）光圈2.8對我來講算細光圈。自問屋企燈光足夠，但晚上用F2.8肯定不夠用，需要配神牛閃光燈打Bounce 。即使是飛閃，部機加支鏡在加200g 閃燈發射器，其實都唔輕。
日光鏡。

4）16mm Raw 檔明顯變形，要靠軟件修正。

絕對同意之前某位師兄所講，呢支鏡較適合專業攝影師用丶揾食用。

專業攝影師有體力，亦需要快速構圖，呢支是為佢地而生。

我不同意無反是為輕便而生，但無反Apsc系統在重量上理應與dslr FF 有明顯分別。富士xf56 或以下的定焦配任何機身可以做到呢點，但偏偏xf16-55 唔可以。

富士應該出支輕便d既 16-55/4或 16-80/4，並改善廣角端變形情況。

好鏡一支，但絕不推薦一般用家使用。

目前機身我用X-T2，之前用過Canon及Nikon FF機、Pentax APS-C機等，呢支鏡一出我就考慮，考慮左好耐好耐。

睇左好多外國、台灣、本地既Review，呢支鏡評價較50-140為差，很多人都認為18-55既性價比高，16-55WR真係唔係一個Must。包括：18-55有OIS、畫質已經好好、wide段都有F2.8，太多理由唔買16-55。

咁呢支鏡比咩人用？用左一段時間後，我覺得答案係職業攝影師 (假如真係有人用X-system搵食) 及追求極致畫質既人。

老實講，18-55已經有呢支鏡既7-8成，真係好抵用，對好多人來說真係無必要upgrade。但如果你睇到呢兩成既重要性，咁買呢支鏡絕對值。

與18-55相比差在以下部份（排名有分先後）：
＊對焦速度、準度、追焦能力 (很大分別)
＊畫質 (放大睇好明顯。18-55都搵到有d位soft，但呢支真係全sharp，恐怖)
＊恆定光圈 （有時太暗需要用到F2.8時，18-55我只當係一支純F4既鏡，光圈轉來轉去好麻煩。當然，如果影studio用細光圈時，兩者既分別會拉近，但sharpness真係仲有距離）
＊變焦環超順
＊手感及擁有感（呢個因素我買之前無諗過，但用左之後甚至讓我用定焦都少左）

以上既部份如果你都唔太care，真係唔好買。但相反，我好開心賣左18-55換左16-55，整體既使用感覺真係唔同左，呢種感覺值唔值7K？當然值！