ching 已講

ching 已講

之前放咗支心愛龍仔 90 微，有點後悔想再入手，但冇理由買返一樣。本來都有budget 買二手紅圈IS 版，因為入手幾支紅圈後，個人虛榮心態已減弱很多，在入手前看過很多評論及測試，但很少人將此鏡與IS 紅圈版比較（或一面轉講IS 好好多），只是說你距微距冇防震死亡率高云云（鬼唔知阿媽係女人），很少講到畫質本身比較。

咁啱有位ching 平讓此鏡，所以不妨買來試試，唔啱又放番出去最多蝕少少，結果都玩咗幾個星期影人及影物件，中間都有做攝影師老友指導點玩呢啲鏡（佢都試咗），最後昨天有機會同佢及友人去番禺蓮花山影花及昆蟲（可以看看我的相），畫質真係嘩一聲（影豆娘），好正！

難對焦問題，我個人覺得因為冇IS，微距個落點太準因為手震在移動中佢就對錯焦了，在穩定情況如腳架或有輔導借力下，都好快對到焦，但我覺得用此鏡你不如用手動算了，因為影蟲影花你要快手，有風就郁，手動對到焦距再按快門成功率係高很多，你等自動對焦成功分分鐘蚊都瞓著。不過唔係佢自動對焦功能有問題，只係NON IS 微距的特式。

同樣地，影人像，有人話用微距影靚女就塊臉乜粒粒都出哂，我昨天跟老友學到嘢，佢用呢支鏡在茶樓同我兩公婆拍咗一張，個衰佬冇同我講點解影到我地咁正，雖然九成九係我兩公婆都個靚仔靚女（哈哈！），但佢影到出來有一陣奶油面少少模糊咗少少少少，恰到好處，其實技巧都係用手動對焦，唔駛對到咁正，鬆返少少咪做到囉，影人，梗係唔駛影到咁清楚我捱幾晚夜爆幾粒瘡咁清楚，影到咁返去都係PS後製，不如在落鏡果下調一調啦，加埋大光圈，所以呢支百微你識咁用影人像真係sharp 到爆！

當然要跟我另一支 85.8 及小小白比，就像比下去，100mm 在FF 機這焦距未及小小白能做到壓縮景深效果，色彩也不及小小白豐富，跟 85.8 一樣，出來的相色溫較冷，不過可以用WB 調䁔一點，甚至自定ICC profile，或影RAW 自己返去用DPP 調，也不是什麼問題吧？

睇到呢度我知「資深」ching 想駁我乜，啱丫，微距就係微距，攪乜鬼嘢人像鏡，我以上話有時帶咗出來可以頂住做人像鏡（焦距都可以又大光圈），紅圈50.2 及85.2 唔講，影人梗係用番 85.8 會好啲啦，光圈更大，焦距也更好，有人會拗話1.8 光圈好難handle, 用2.8 合適，哎也，咁咪用85.8 較深番少少景深咪得囉？所以買微距鏡真係唔好有個心態諗住「多功能」冇蝕，性價比更高，人像鏡便是人像鏡，微距鏡便是微距鏡。

之前上毒氣室只係試咗兩次玩IS 新百微，的確容易得心應手嘅，但我好認真去比較過兩者畫質（以成功例子比較），真係相差無幾，但呢支始終係老鏡，在技術方面與新百微很唔同，如果你睇唔明我上面講嘅嘢，可以講呢支鏡都幾難用，情況像用天涯鏡一樣拍到好相，但你要用技術包括經驗去就，當然用舊百微影到好相機會絕對比天涯鏡高得多，以及失敗率一定較新百微高得多。就算上星期沙田新城市我用來拍汽車女郎，啲女仔唔係企定你影，一郁又殘影，果時你發現IS 係有佢個價值係度，快門真係可以慢三四級都得。

大家入手新舊百微還有一個考慮是，你究竟係咪需要一支微距，我見好多二手鏡真係好新凈，原來佢地真係影過兩次花就放咗入防潮箱冇理過，呢點真係要好好三思一下自己想點，都係果句，新百微平咗好多，但二手價太接近一手了，呢個時間入新百微二手很不值，不值到我曾去買支行貨算了，反正大舖都係賣5000 幾，分分鐘R 到禮品或簽咭獎賞，二手都近五千，我使用微距鏡的頻率真的不值花五千元去買。

所以用一半更少價錢，我入手了這支NON IS 百微，講真，相對下性價比很高，因為便宜，但重覆一次，付得起也沒所謂的，不如入新百微，無謂入手咗又心思思去想不夠人地紅圈型仔，又要就呢樣果樣，錢最緊要花得開心啫，CANON 「用錢買技術」我都成日做㗎啦（我又唔係專家，我用家啫），否則拎番部G 12 都拍到沙龍啦係咪？問題你有冇心機去影啫？如果真係成日有腳架（單棍都好），呢支舊百微真係好鏡，2K零係超值。我自己覺得唔需要再買IS，當然，如果新百微係3.5K 又別論，但到舊百微又跌破2K啦，總之，係新百微半價或以下，又識得用便非常值得入手了。推介此鏡！

1. 夠sharp
2. 冇變形 (始終係微距鏡)
3. 2.8光圈中間成像已很銳利
4. USM快 (同L版冇明顯分別), 有D人話佢慢, 其實應該留意一點, 微距鏡對焦9成9都比非微距鏡慢, 所以比較快慢一定要同返微距鏡比先有意義
5. 1:1 Macro (廢話 =.=" )

1. 好少人提到的一點, 抗逆光能力弱, 逆光時好易有光班, 就算加左hood都係咁...
2. 用係apsc機時, 焦距變160mm, 比較難用
3. hood要另買

一枝唔錯o既鏡頭, 用左三年依然冇打算放佢
用黎影product, 影花, 影snapshot, 甚至乎開盡2.8光圈影人都試過,
平均表現理想
當然, 我相信L版會比佢更好, 至少有IS, 抗逆光表現更理想, 仲防水滴防塵
不過都係$$$的問題
lay枝鏡以咁o既價錢絕對交足貨

對比百微L平成半(2手)

is.....Orz

自己用來影靜物/死物多,講真,is真係唔多需要,開大光圈都唔使擔心,真係怕手震就set腳架.
亦用過外出影景,d色ok鮮.但唔好影人,會影埋d豆皮暗瘡 ><
想入門微距唔使講一定係首選,但如果影d蝶呀魚呀,還是建議百微L,到時你就知is係好有用.

- Very sharp especially on close object
- Good price
- Good looking (only with the hook)
- Light weight

- Need some time to know the character of the lens as you will not use it very well when you first try? Why? Buy and have a trial, son!

It's a really good lens, you will not regret if u have this lens, never ever!

影花影昆蟲一流
2.8光圈,影出淺影深
微距一流
可以在電腦放大來欣賞

對焦有少許(不果段)遠焦至近焦
大至無問題

3千元2手買入,用左2天唔想拆落嚟換鏡
無買錯

成像夠利 , 色靚 !!!
經濟實惠 !!!!
如果平時影開靜態商品照的朋友 , 依枝鏡係低成本高效益 !!!!

我新舊二枝都擁有 , 如果同新版比較 , 只係輸0左個 IS .... But 價錢搭夠 , 落腳架可以解決問題 .

1 個字 - GOOD !!!
極度推薦 !!!!

優點
- 手感好、成色靚、銳利，影花影蟲影人都未試過失望。相比巳擁有嘅Ｌ鏡有得 fight

缺點
- 冇乜

我的最愛

解像度極高, 色差, 光學表現都可話係佢5係第1 都冇人可話第2 佢5可同180L比相比起佢就係性格比高
內對焦
加上手感一流
全時手動對焦 (5似龍仔個支咁要拉一拉 先做到)
影人影MARCO 一流 影人個時要把SHARPNESS 減一減 太利了
出左成廿年 我出世到家下
當然話佢冇改都厄你 不過光學上冇改過 只係家左USM 又可快左對焦 改左個樣 同有D5太大改變 光學上都有廿年 就如原廠支50F1.4 都係 CANON 對於支鏡個質素有信心先5出MARK幾 大白都係一樣
值得留用
都5明白有D師兄 話支鏡色水淡 淡? Y5係部機到SET一SET呢? 我都係咁SET左個係比支百微專用 D色水好左 見到專用就知我幾錫佢

色比較淡左D
冇HOOD~! C記要L鏡先有 黑人憎 個HOOD 又5平...\"/
腳環 都係要L鏡先有 (小小白都冇送) 如要百微個個環 要上CS訂(約1198$)去鴨記買個130$就得 不過原廠個個特別 佢係方便你打直同打橫 好快轉到 5似副廠要轉鑼絲 有咩5同 成千$ 同百幾$ GE 分別LA 自己鐘E LA ^^"
冇防震瓜 可能敵對個邊出左支有VR 點都係覺得有個IS 就好 5洗下下落腳

平時D 師兄就當佢係草 一到花展就當佢係寶 唉...
可能係MICRO 世界5係個個鐘E
不過以呢一支鏡真係性格比高...同樣
希望大家了解左支鏡 先
有D缺點係可改到 就如色淡 如果因為色淡就話支鏡咁咁咁..我諗 呢個人影相好極有限
有時係機到TUNE一TUNE 就可改善
希望我GE意見幫到想買呢一支鏡GE人

解像度極高, 色差, 光學表現very good. f2.8大光圈,USM夠靜夠快.可做人像鏡,如全片幅機更好. Macro 1:1, 雖然唔係紅圈鏡,但有紅圈鏡的質素. 內對焦設計,對焦時不會向前伸出!

腳架mount 要另購, ｈｏｏｄ又係???

景深淺超正. f2.8都好sharp!
隱藏的L鏡,果然名不噓傳!
第一支Macro鏡,感覺好好.
整體而言,冇後悔買到這支鏡!!
真心值得推介!

f 2.8 大光圈 , 解.像度極高 , 色差 , 光學表現算是無可挑剔 , 夠靜 , 又可做人像鏡一物兩用低玩 , 全片幅機也可用。

年紀唔細 , 快出mark || , 鏡身大了一點 , 無 IS 技術 , 解像力不及EF-S 60mm 。

平 ,靚 , 正 ,出外影相帶少支人像鏡都得 , 人像鏡中 85 mm 最常用 , 第二支非它不可 , 加入 IS 就方便D , 如 Nikon 支AF-S VR Micro ED 105mm F 2.8 G (IF) 先至正....