講起日本人氣怪獸，哥斯拉（Godzilla）認了第二，相信無其他敢認第一，已經 60 歲的哥斯拉再次以破壞王姿態出現在新電影《真‧哥斯拉》內。新電影由日本東寶炮製，並由經典動畫《新世紀福音戰士》名導庵野秀明擔任編劇及總導演，單是牌頭已經無得輸；加上史上最巨型哥斯拉這個賣點，難怪日本開畫至今票房已衝破 53 億日圓！人氣誇成咁，玩具精品自然揀啱 Timing 推出，日前由原型大師酒井裕司(酒井ゆうじ)打造，高達 1 米的超巨型哥斯拉模型便宣告上市。
雖然體形同新版本一樣 Sell 大，但它卻取材自 1989 年 12 月上映的哥斯拉第 17 部作品《哥斯拉 vs 碧奧蘭蒂》(按：台灣又叫《大恐龍》，求其到呢…)。作為「平城七部曲」的代表之一，雖然此作普偏被「哥迷」評為故事支離破碎、無頭無尾，但它打得好睇，更是奠定平成哥吉拉獨特造型(雙排獠牙)的第一部作品，因此論到經典，它絕對佔上一席。
模型以 1:80 比例打造，高1米、長 1.5 米，足有半個成年人高，放在家中絕對霸氣十足！模具則由酒井老師親自製作，橙紅眼睛、雙排獠牙，鱗片、背鰭、尾部，以至手爪腳爪等等多處細節，在大師手
惟留意一點，此模型需要玩家自行組裝，而且更會以「灰模」派街，換句話無得偷懶需自行上色，絕對考驗功力與耐性，習慣即拆即玩的話就未必畀 Like！它的發售日期預定為 2017 年 1 月，參考零售價為 ￥140,000（約 HK$10,443），同外觀一樣咁有份量，絕對稱得上天價玩具！
