文：Tony Lam
若然閣下腰纏萬貫，百萬當係碎銀，最愛買限量品，買嘢從來唔睇價錢嘅話，咁以下介紹呢部車就好啱你買。全球限量 24 部、全球惟一顏色、二千幾萬港紙、0-100 km/h 只要 2.9 秒，夠唔夠吸引？
所講嘅係 Aston Martin 於 2015 年日內瓦車展所發表嘅 Vulcan，這部全球只得 24 部嘅超跑，配用咗一副 7.0 公升 V12 自然吸氣引擎，最大馬力達至 800 匹，加上一台中置 Xtrac 六前速序烈式波箱及後輪驅動布局，結果可造出靜止加速至 100 公里 2.9 秒嘅成績，性能絕對位例當世超跑中的頂級境界。
要知道世界上有錢人多的是，通常呢類限量超跑一推出幾乎已可即時賣晒，Aston Martin Vulcan 當然不例外，當中美國市場就買咗三部，而今日其中一部就宣佈再度進行拍賣。回顧當時呢部 AMLVULCANXXXXXX07 編號嘅 Vulcan 以 340 萬美元成交，今日再拍賣時嘅估價將會降至 270 萬美金，其賣點則是 24 部當中惟一「午夜紫」顏色。不過，就算閣下買咗都唔好諗住可以揸出街威威，因為呢部完全係落場車，買咗你都唔會出到牌行街，只可以俾你落場玩或者放喺屋企個後花園當擺設。
