Apple iPhone 5S

評測報告

實拍照片

金屬感強
名牌
私隱較高
單手可操作
電量可接受（我是中用量戶）

無得換電（我用尿袋）
自閉（私隱高）
Mon細（我鍾意一隻手操作）
貴，但二手價高

我是安卓用戶（用過note2, htc one x, htc desire)
轉會是因不能接受無聊廣告
加上單手用的手機選擇不多（手細）
用咗三日，感覺不夠安卓機多元化，但適合我這類懶人
我認為手機是應單手撥打的

造工精細 手機界的No.1 有如一件藝術品 手感超凡
系統運作流暢 簡單易用
機身細 可單手操作
Retina Display始終都係睇得最舒服(For me)
慢鏡頭真係好好玩
指紋解鎖 開機解鎖超快
拍全景照比I5更易
保值始終都係Apple機最好
其他好處未能盡錄.....

缺點???
其實有咩缺點???
既然知道佢得戈4寸mon你又要買???
既然知道佢電量小無得換電你又要買????
既然知道佢無得插sd卡你又要買?????
既然知道佢要用iTunes過資料你又要買??????
既然知道佢藍牙係自閉你又要買?????????
既然知道佢賣得貴唔值里個價你都仲要買??????????

喂大佬 知道都仲要買 咁就證明對你無影響 唔算係缺點啦係咪先???

之前曾經用過iPhone4, 亦係第一部Apple Phone, 初時已經對Apple有好深的印象
覺得IOS系統非常流暢, 簡單易用, 部機造工又靚, Retina display畫質優越
講真以當時黎講真係無可挑剔
及後因為Galaxy Note的出現, 我就將手上的4放左換G Note
初時覺得G Note好正好大部, 好好玩,
但之後就發現個系統完全俾唔番以前用iPhone的感覺
一時快一時慢, 仲不時死機, 之後我學刷ROM, 希望可以解決問題
點知越刷越衰...... 最後用左1年半後就壞左
正當戈陣, 我就決心要重返IOS, 但iPhone 5得戈4寸mon
一時由5.3寸落番去4寸, 肯定會唔慣
所以我就決定入New HTC ONE, 講真里部機真係唔錯
HTC Sence真係好順, 無左Note時快時慢的感覺, Beats Audio聽歌幾正(For me)
影相又唔錯, 但用落發現始終都係爭d野, 真係唔知點講好, 總之就爭d野啦.....
到左上個月, 5s終於有得預訂, 我叫朋友幫我訂左部32G Space Gray
到左上星期五, 我朋友黎澳門探我之餘順便俾埋機我
一開盒戈下, 我終於搵番當年iPhone4開盒時的感覺, 既緊張又興奮
攞上手, 心裡不停咁唸 :『點解Apple的電話可以整得咁靚????』
開機之後第一時間整指紋解鎖, 里樣新功能真係好有趣
以前4開機連解鎖要2秒(無密碼), 依家1秒都唔駛(最快時間)
到第二朝番學, 同學們見到5s, 就成班一齊圍住我
睇咩?? 試咩?? 當然係指紋解鎖啦

其實講真Apple仲有D優勢 齋講個系統 Android有排都追唔到
盡管Android4.3優化得幾咁好 但同IOS7都仲有一點距離
最最最最重要的就係IOS好易上手 好多設定都好簡單
唔會好似Android咁左set右set 簡單事情複雜化....
我覺得Android4.3之後應該要學下IOS咁點樣去簡化一D設定
論造工 我只能講暫時都係iPhone最好
其次周邊配件又多 優質app又多
仲有d好正的大作Android都無得玩 (例: IB3)
雖然只係行雙核 但我發現打機仲順過D所謂的4核2G RAM機王
受惠於IOS里個優良系統 就算iPhone的配置差過Android機王
都可以有比Android機王更好的效能同運算速度

Sorry 我唔係話Android唔好 只係係里2年黎我發現 我係唔適合用Android

-順,雖然android不斷加強硬件,但都係唔夠iOS順,呢個亦都係我返返去iPhone既主要原因
-系統穩定
-細mon易攜,有D人覺得愈大mon愈好,但我覺得手機始終係手機,太大部反而好難放入褲袋,而且就算俾到5.6吋,拎黎睇電影都唔係咩享受,老實講,十吋iPad都只係僅僅夠,我覺得ipad mini都太細,相反,4吋用黎whatsapp,玩下益智game就岩岩好,而且同我舊既4.7吋one x相比,睇youtube個感覺其實差唔多.
-touch ID好實用,好過三星D可有可無既gimmick 功能.
-retina display而家唔係最清既mon,但唔代表佢差, 色準(雖然有少少偏黃,不過無比較唔多覺),亮度都好夠.
外型靚,係我心目中係最靚既手機設計,而且金屬機身又高貴又rigid.
相機唔係我唔係太熟,但日常使用我覺得部部電話都差唔多,5s我唔敢話佢係最好,但一定唔差.
app store好多高質素既apps,而且有Dandroid係無或者比較早出,又唔似android成年個排行榜都無點變過,而且又成日有限免.
電量其實ok,開mon時間大約5-6個鐘,其實我覺得唔係電話d電唔夠,係D人愈黎愈沉迷自己部手機,一日用5-6個鐘,即係你日頭有1/3時間都係對住個mon,好明顯已經係沉迷.
-backup and restore好方便,而且所有app既資料都會備份,又可以用icloud係唔同既iOS機share個進度.
-錄音質素高,通話清晰
apple 係香港有三間門市,買accessory同repair都好方便.
-其餘都係咁上下,人有我有咁

-我覺得ios7係未完成品,雖然ios都係比android穩定,但比起ios6真係易crash左好多,有時重會白蘋果,不過相信更新後會fix左d bugs.呢個係最大既缺點.
-touch id 如果污租左會降低成功率.
-客觀地講入歌的確比較麻煩,不過對我黎講唔係問題,因為我用kkbox^^
-speaker都大聲過同好聲過htc one x,不過最好可以最大聲D同埋好似one咁立體聲

大約三年前,我第一次用smartphone,當年係用iPhone 4,當時iP4都幾慢,而SAMSUNG既galaxy s2真係好快,又雙核,又1GB RAM,當年黎講真係超班,所以我用左一個幾月就賣左IP4,換左S2,當時都無咩後悔,因為真係快左好多,係個Mon唔得,所以之後換左One x.
One X個MON好靚,可惜android唔夠2GB RAM唔會順,而且粒tegra 3唔係幾夠力推android.
雖然換左android,但都係忘記唔到iphone既穩定同順暢,所以最後都係返返iPhone,而最後佢都無令我失望.
我鍾意iphone,唔係因為佢無缺點,樣樣野都完美,而係因為佢整體上係最好,無論速度,穩定性,mon,相機,通話質素,等等等等,都絕對係水準以上.
整體黎講,5S絕對係水準之作,繼承左IOS既優點,亦加左D實用既玩意,我個人認為係現時最好既手機!

1. 可以講一句今次舊電好好多...
我唔玩打機, 一天1-2小時CHECK EMAIL一次, 間唔中WHATAPPS一下, 間唔中微博一下, 電話一天20分鐘左右, 一天8小時計舊電仲有65%以上
晚間差足後冇駁住電關哂所有APPS 一晚天光 98% 神奇!!!

2. 指紋開LOCK: 十分方便, 呢個超正

3. 新既O/S 要升呀 介面比以前方便超多

一向蘋果作風, 接受唔到既朋友...SORRY
世界一樣米養百樣人, 機比機 人比人 我冇呢D閒情
要打機: 可以係屋企打電腦/打XBOX 之樣.......大把選擇 可必做低頭自言自語傻人呢?
行街睇TV/戲我怕PK死/比車撞死, 咁辛苦? 係屋企有電視機啊.....
食飯習慣對住人講野唔係對住部機咁冇家教.....

我由3GS > 4GS > 5GS 其他全世界都知道既唔想再講
但可以講5S 個進步 比 3GS > 4 或者 4GS > 5 明顯好好好多倍

啱手型
一鍵可按晒
舊版ios7.1.2好用過新版ios9

主觀覺得冇

近期係屋企搵返部蘋果5s,打開部電話睇原來係舊版本7.1.2 咁我就攞嚟用啦 用囉感覺上仲好過蘋果6 點解咁講呀 因為我自己一向唔打機主要用嚟上網WhatsApp 微信 聽歌 蘋果6對比順好多 可能係舊版本嘅原因 現時嘅我覺得系統去到9 好食電 又唔順 只係覺得屏幕大咗已經無其他改變左 雖然我果報只有16來雖然我果報只有16gb 但係我已經夠用 總括嚟講我個人認為 現在嘅蘋果6比唔起5S

外型靚,輕身,薄,扎實.喇叭夠響,有指紋解鎖.
搭電車,地鐵或者出街既話單手操作冇問題.
影相對焦速度係極度快.可以瞬間影1X張.
我本身少打機,但都會DOWN番1-2隻遊戲,但我用咁耐都冇HAND過機.
開左飛航模式都可以開WI-FI上網,而且係飛航模式好慳電同吾會有電話打泥.
下拉式選項好方便同實用.尤其係個電筒功能.亮度是OK的長期也吾會熱.

冇BACK制,用開ANDROID既朋友會吾慣,我就係其中一個.
藍牙吾可以傳其他野.鈴聲設定比較煩,過檔案要用itune/itools.
要破解左先多野玩,但會冇左保養. 如果個MON再大多少少就好啦.
我買果部個MON有少少偏黃. 同埋每次入app store 下載野都要輸入密碼或者用指紋解鎖. 用完HTC M7 同LG G2之後再用iPhone 5S既時候就發現個MON有少少濛.

iPhone 5S 真係一部好機,細細部又輕身,喇叭拍得住HTC M8,外型又勁靚仔,當你吾用既時候又可以當做一部iPod 又慳電(前提要開飛航模式).配件 穀又多 可以經常換造型.