優點:
1.優點先講個設計先,我買果部係香檳金IPHONE 5S,個樣真係好靚.
2.指紋識別功能,相當快而準確,重來無試過因認唔到而被逼輸入密碼解鎖.
3.慢動作錄影,呢個功能,或者好多人話無用,但係當真係用到上手,個體驗真係好唔同
4.快速連拍,每秒十張的攝影速度,最多可以連續影999張,影完可以做成逐格播影,仲會幫你挑選最好的相片.最重要係,影完唔會全部相一張一張分開晒放係相簿,搞到好亂,而係將全部相整合在一個獨立O既相夾中.
5.M7,呢樣係我買呢個機原因之一,本身喜歡運動,又唔想買運動手帶,M7個功能正好配合到我,而且跑步又唔想帶太多野出街.
6.最後一樣就係電量,比前一代IPHONE 5的電力好用左,不過不是進步太多.
缺點:
優點變成缺點,本來運用64BIT係一個創新優點,但可惜,到目前為止真係極少APP有64 BIT設計,而且運行1GB RAM,太少了.由於現時IOS 7有真正多工處理,在背景放設大量APP的情況下,有時會出現記憶體不足的情況.當然我只試過兩次,而且當時背景至少有二十多個APP運作,其中最食的我發覺是相機.如果影完相,退出埋個相機,咁其實問題就幾呼不再出現.
2.指紋功能"暫時"未能充份運用.未知APPLE會否在往後日子,將指紋功能與多一些服務和APP配合,若然會,這個就再是缺點,而變成優點.
評價:
IPHONE係我認為最好O既手機,我喜歡自由和快速.例如:我要影相,我就要即刻開始影,唔洗調呢樣又校果樣.IPHONE 的人性化,在生活上幫左我節省唔少時間.因為其自動的系統,不需要思慮太多.螢幕太細我又唔太覺,事關出街或跑步,呢個SIZE真係好,太大部都唔知放係邊.自從上年換左IPHONE 5之後,我就無對過手機講過粗口,之前係用ANDROID,至於邊部有興趣就睇返我IPHONE5果個感想.