講真，小編由細到大嘅其中一個夢想就係踏足非洲大陸，但非洲咁大應該由邊度入手好呢？大部分人第一次踏足非洲都係由尼羅河開始，而小編就推介「南進」路線，由南非嘅首都「開普敦」出發探索非洲大陸！
開普敦（Cape Town）其實係南非嘅首都同行政中心，係大家熟悉嘅「好望角」所在地，亦係一個出名嘅旅遊城市。究竟開普敦有咩咁特別？等小編推介幾個在地人認可同推薦嘅景點等大家睇睇！
查普曼公路係沿住懸崖建立嘅一條海岸公路，作為全球最長之一嘅海岸公路，沿途除左可以感受大西洋嘅威力，亦可以欣賞到舉世聞名嘅景色。查普曼公路係唔少車廠廣告取景嘅地方，亦係攝影發燒友聚焦點，公路沿途有唔少觀景台可以等大家影翻夠本！
#桌山空中纜車 （Table Mountain Aerial Cableway）
桌山對於南非人呢講，就好似獅子山喺香港人心目中咁重要。桌山由於地貌奇特，又叫做「上帝的餐桌」，喺2012年更加入選世界新七大自然奇景。想去桌山，可以搭空中纜車，個纜車係比較少有嘅360旋轉纜車，沿途更加可以飽覽成個開普敦市景同桌灣 (Table Bay) 嘅景致。
小編提提大家，要上桌山就唔係咁簡單，因為你要先經過天氣呢層考驗！出發前記得先上官網睇下當日嘅纜車狀況 （http://www.tablemountain.net/）。
#3 好望角 （Cape of Good Hope）
好望角相信係最多人認識嘅南非景點，過往是好多航海路線必經之路，亦係出名多風暴嘅地段。而好望角附近嘅Cape Point，係個觀賞大西洋同印度洋交匯嘅最佳地點。想去山頂睇燈塔嘅朋友可以搭小火車，全程大約600米，感覺類似山頂纜車咁。
#4 長街（Long Street）
位於市中心嘅長街係開普敦比較出名嘅購物區，可以發現唔少具有歐陸風采嘅建築。長街之所以叫長街，係因為條街全場接近4公里，個度雲集cafe同特色小店，仲可以買到非洲當地手工商品同手信。
#5 西蒙鎮 Simon’s Town
西蒙鎮位於開普敦附近，係南非海軍總部所在地，亦係其中一個出名觀賞企鵝嘅地方。你無睇錯，企鵝其實就唔一定生活係冰天雪地嘅！「企鵝海灘」係西蒙鎮最出名嘅景點，遊客可以輕易見到上千隻企鵝喺海灘一帶衝浪、曬太陽同覓食。
>>>【發現開普敦】桌山與市中心半日遊
>>>【自助必備】開普敦觀光巴士 1 日、 2 日卷
▲認識KKday▲
KKday-世界旅遊體驗網站，在全球 54個國家，174 個城市， 有 6000多種不同的行程與體驗。
KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com
KKday Facebook: KKday
