新聞互動
沙巴有豐富嘅天然資源,附近又有好多個小島,擁有超靚嘅日落同海灘,仲有機會可以同長鼻猴、螢火蟲同埋大王花有近距離接觸,甚至連東南亞第一高峰 - 神山都座落於此!嚟沙巴要去邊度玩?等KKday話你知啦!
嚟到沙晚,千祈唔可以錯過探索原始山林嘅機會!沙巴除咗係長鼻猴唯一嘅棲息地之外,仲可以一訪未被破壞嘅螢火蟲景觀,係漆黑嘅環境中睇住螢火蟲發出點點嘅光都係一個相當獨特嘅體驗~
需要注意嘅係紅樹林景區無散客接待處,要跟當地嘅一日遊團先有辦法走訪喔~
1. Kawa Kawa紅樹林:Kawa Kawa紅樹林
2. Weston紅樹林:威士頓紅樹林
3. Kilas紅樹林:克里亞斯紅樹林
4. Garama紅樹林: 嘉拉瑪紅樹林
亞庇嘅市立清真寺起係里卡斯灣(Likas Bay)嘅人造湖上,因為好似漂浮係水上咁,所以就有「水上清真寺」嘅美名。一場嚟到,不妨去參觀吓呢個當地嘅重要宗教中心,入面可以容納倒一萬多名教徒祈禱㗎!
▵開放時間:平日 08:00 – 17:00(星期五除外)星期六 09:00 – 11:00
▵入場費:免費,租服3馬幣
▵交通:巴士5A線,票價1.5馬幣
▵地址:Likas bay, Kota Kinabalu, Sabah Malaysia
▵提醒:男女要著長袖衫褲
▵網站:http://www.mbr.sabah.org.my/pendahuluan.html
加雅街係沙巴首府亞庇嘅主要街道,成條街都係由傳統建築組成。每逢星期日朝早,都會有各式商品出售,由水果蔬菜、碗碟盆栽,到各樣古玩、衣物、書等等,應有盡有,係個非常熱鬧又有當地特色嘅市集!
▵開放時間:星期日 06:30 – 13:00
▵地址:加雅街 Gaya street
丹戎海灘被列為世界上十大最靚日落海灘之一,各種形狀嘅火燒雲配合流動嘅海水構成錯落有致嘅層次因而得名。
▵開放時間:公共開放 免費進入
沙巴博物館前身係英國殖民時代嘅政府官邸,入面展示咗沙巴豐富嘅歷史文化。裡面仲設有一個多元文化村,透過以前嘅器具、擺設嘅方式,帶你回到過去!
▵開放時間:09:00 – 17:00
▵入場費:15馬幣
▵地址:Sabah Museum administration Jalan Muzium, 88300 Kota Kinabalu, Sabah, Malaysia
▵電話:(60-88)253199
▵官網:www.museum.sabah.gov.my
鮮紅色嘅大王花只可以係婆羅洲搵到,佢係世界上最巨大嘅花種,想親身睇下大王花有幾咁霸氣?就等森林管理員帶領住你一齊探險喇啦!
▵開放時間:08:00 – 15:00
▵門票:成人5馬幣,18歲以下2馬幣
▵地址:SA3, 89650 Tambunan, Sabah, Malaysia
▵電話:+60 88-211 732
去沙巴唔去小島,咁同無去過有咩分別?!藍藍嘅海水、白淨嘅沙灘同倒映水面嘅椰林樹影,絕對令你有個完美嘅假期!
美人魚群島又名為曼塔納尼島(Mantanani Island),因為曾經係附近嘅海域發現兩隻野生海牛而得名。嚟美人魚島潛水,除咗有機會遇到海牛之外,仲可以見到成為海底生物家園嘅沉船!係清澈嘅水中飽覽海底風情,並係三艘古老沉船之間同熱帶魚一齊游水,諗起都興奮!
因為島嘅環狀外型好似戒指咁,所以就叫環灘島啦。以前係私人海島,島上嘅設施質素比較高,價格亦相對貴。而「戒指」嘅象徵,就令呢度成為唔少情侶、夫妻嘅蜜月勝地。長長嘅白色沙灘同蔚藍嘅海洋同天空,係圓環嘅環島海灘下,好似望唔到盡頭,喻意愛情長長久久。
迪加島由幾個泥火山所噴發嘅泥漿堆積而成,美國電視劇組「生還者(Survivor)」係呢度拍攝野外求生節目後,又有人叫佢做「生存之島」。島上保有原始嘅樣貌,除咗可以浮潛,仲可以體驗火山泥浴,係一個不可多得嘅叢林島嶼。
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。