【澳洲】悉尼十大必遊景點

去到澳洲，基本上悉尼係必去嘅城市。雖然唔少人都應該去過者聽過悉尼嘅唔同景點，不過其實悉尼仲有值得一去嘅地方架，小編今次就列出十大景點比大家參考下啦。

一、  悉尼歌劇院

基本上呢個地方人人都會去下架啦。呢座悉尼市地標喺20世紀時係最具特色嘅建築之一，同時係世界著名的表演藝術中心。劇院設計者為丹麥設計師–約恩烏松，建築工作由1959開始，1973年大劇院正式落成。2007年，悉尼歌劇院被聯合國列為世界文化遺產之一。

交通：乘坐Bankstown Line 火車至Circular Quay站，步行5至10分鐘左右。

二、 港灣大橋

「衣架」可以話係悉尼另一個地標。港灣大橋係悉尼嘅主要橋樑之一，連接悉尼商業中心同北岸。「衣架」連埋隔離悉尼歌劇院嘅景觀就係我地網上最常見嘅悉尼風景。如果你唔想就咁打個卡就走，可以試下攀爬上港灣大橋頂！當然唔係叫你好似蜘蛛俠咁飛上去，其實攀爬上港灣大橋都係一項熱門活動黎，有曬安全設備提供架！

>>【世界最高鐵橋】攀登雪梨港灣大橋

交通：乘坐Bankstown Line 火車至Circular Quay站，步行5至10分鐘左右。

三、麥覺里夫人的石椅 (Mrs Macquarie’s Chair)

位於悉尼皇家植物園有一張喺岬角岩石上雕成嘅石椅，係當年一班釋囚為總督勞克倫麥覺里嘅夫人所建造而成，麥覺里夫人以前就係坐喺呢到眺望港中來往嘅船隻，掛念回國術職嘅丈夫。

交通：乘坐441號巴士至Art Gallery Of NSW站落車即到，如果唔怕遠可以乘坐Bankstown Line 火車至Circular Quay站，然後行二十至二十五分鐘左右。

四、達令港

達令港係悉尼商業中心區西部城區嘅大型休閒與行人專用區，由從唐人街北起，沿住海扇灣兩岸，由東邊國王街碼頭延伸到西邊派蒙城區。悉尼水族館、澳洲國家海事博物館、電力博物館、索普水上活動中心等，都喺達令港附近，所以一直都有唔少遊客去達令港。

交通：乘坐輕輕鐵至Pyrmont Bay或Convention Centre站，步行5至10分鐘左右。

五、悉尼海洋生態館

悉尼海洋生態館主要由一條玻璃隧道同埋一個人造大堡礁珊瑚環境組成。館內擁有多種澳洲水生生物，總共有大約650種、6000條來自澳洲嘅魚類同海洋生物。如果想近距離睇鯊魚就岩曬你，因為佢地會隔住玻璃喺你頭頂游黎游去，雖然一定安全，但都咪話唔驚。

交通：乘坐渡輪往Darling Harbour Aquarium Wharf站下船，或由達令港步行區沿著海邊散步半時。

>>【悉尼市區一日遊】達令港、悉尼歌劇院、港灣大橋

六、藍山國家公園

除左市區，悉尼郊區同樣值得去下。著名嘅藍山國家公園有三姊妹峰極其宏偉嘅景觀，交通設備方便，有各式各樣嘅纜車同火車穿梭公園，唔洗怕行到氣喘之餘仲可以從高處欣賞園景。仲有得餵袋鼠，同樹熊超近距離接觸。無論係大人定細路，都一定盡興而歸。

交通：乘坐火車至Katoomba站下車，然後透過國家公園內的運輸進行遊覽。

>>【限時優惠！藍山國家公園一日遊】纜車、三姊妹峰、鐘乳石洞、野生動物園（含中文導遊）

七、獵人谷

獵人谷係澳洲最古老嘅商業葡萄酒生產地區，擁有超過五十個大大小小嘅酒莊，七千幾畝葡萄藤地，每個酒莊都各具特色。除左酒莊，獵人谷仲有個獵人谷花園，入面如同童話世界咁，黎到記得要影多D靚相。又有得飲靚酒，又有得遊花園，你話點可以唔黎？

交通：由悉尼乘坐火車到Newcastle或Maitland，然後轉乘接駁巴士到Cressnock，於Cressnock下車後需自行另覓租車入谷。由於交通頗不便，所以建議參加一日團。

八、史提芬港

史蒂芬港係新南威爾斯亨特地區嘅大型天然港，位於悉尼北部，車程約兩個半鐘頭。 史蒂芬港坐擁 26 座沙灘、比悉尼海港大兩倍嘅海灣，以及被群山、熱帶雨林環繞的半島，是完美的度假景點。 喺呢度你可以在揸住四驅車穿過沙丘、游水、滑浪或者浮潛，你夠好彩嘅話你可能會同到海豚一齊游水或者滑浪架！

交通：除非自駕遊，否則基本上難以倚賴公共交通工具到達，所以建議跟當地一日團。

>>【史帝芬港一日遊】搭乘遊船看野生海豚、四驅車沙漠探險

九、邦代沙灘

略嫌交通不便但又想享受陽光與海灘？冇問題！邦代沙灘係你嘅選擇。邦代沙灘同黃金海岸經常車都比人攞黎比較，一樣水清沙幼，污染情度低。不過邦化沙灘有好多澳洲女仔都會唔著上身咁活動，如果接受唔到就要再諗下啦。

交通：乘坐Illawara線火車至Bondi Junction，然後轉乘333巴士到沙灘站。

十、悉尼魚市場

點會冇食份！澳洲食海鮮是常識吧，根本點都要食番次大餐。黎悉尼魚市場就岩啦，除左魚蝦蟹夠新鮮之外，重點一定係生蠔。因為除左好食，重點係好平！一碟10隻夾埋20蚊澳幣都唔洗（百幾蚊港紙），抵到喊出黎。黎到悉尼唔食海鮮，點對得住自己呀？

交通：由Town Hall Square，沿George Street到Central 及 UTS方向乘坐501號巴士，在上Anzac Bridge之前下車。

你或者有興趣：

>>【澳洲自由行必備】澳洲Vodafone 8.5/11.5GB網卡＋通話

>>【一覽悉尼市景觀】悉尼塔觀景台票券＋空中漫步(Skywalk)

▲認識KKday▲

想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。

▲前往 KKday 網站，訂購心水行程！

▲訂閱 KKday電子報，獲取更多旅遊優惠！

關注KKday社交平台動向：

▲Facebook ▲Instagram ▲YouTube ▲旅友討論區

更多藍山國家公園旅遊攝影資訊

更多悉尼旅遊攝影資訊

更多悉尼歌劇院旅遊攝影資訊

更多達令港旅遊攝影資訊

更多悉尼皇家植物園旅遊攝影資訊

更多澳洲旅遊攝影資訊

更多麥覺里太太的椅子旅遊攝影資訊