1. Lagoon beach, Low Head

本身諗住去燈塔，誤打誤撞去咗Lagoon beach，原來睇日落好正！呢個日落係我人生中見過最靚嘅日落，真係巧感動～

2.Bay of Fires

本身去Bay of Fires係諗住睇下紅色嘅石，去到大家都呆_咗，個海灣係啡紅色嫁！雖然好似可樂又似生鏽，但係真係好震撼，有無人知點解會咁？搵到原因嘅話麻煩留言同一同小編講。

3.Tessellated Pavement

聽講呢個自然景象叫棋盤石，係經海水不斷沖刷之後形成嘅海蝕平台，小編覺得似一排排朱古力多啲。提提大家，唔想整濕就唔好行得太出，如果唔係就會好似小編咁…比四面海水圍攻，忍唔住唱咗首，一條小抺香鯨～擱淺喺沙灘～

4. Blowhole Bicheno

相信所有讀Geog嘅朋友仔，都會知Blowhole係點形成，但係你地有無見過真實版？我見過，我真係見過。一陣陣海水衝擊，每次噴水量都唔同，想影張澎湃嘅相都唔容易嫁！

5. Richmond

唔知點解好多國家都有個地方叫Richmond，不過塔斯曼尼亞呢個一定係最特別！呢到有澳洲最古老教堂嘅聖約翰教堂，仲有澳洲最古老嘅拱橋，由當年嘅囚犯一手一腳起嫁！
▶︎探訪費爾德山國家公園、羅素瀑布、里奇蒙小鎮

6.Port Arthur

呢座建築係咪好靚呢？小編諗大把人想係呢到住，不過以前啲人就唔係咁諗喇！原來Port Arthur亞瑟港以前成個小島都係用嚟囚禁犯人嫁，仲要係重犯個隻，因為亞瑟港三面環海，得一條通道，所以犯人好難逃脫。去到望到人地個監獄又大又靚，有草地有海景，真係覺得香港嘅生活慘過坐監。

7.Trowunna Wildlife Park

呢間私人野生動物園雖然唔係好大，不過都有好多唔同種類嘅動物。佢亦都係一間受傷野生動物收容所，動物長大同康復後會送番去大自然。大家去到不妨探下Tasmania Devil同餵下袋鼠。

8. Dove Lake, Cradle Mountain

搖籃山係塔斯曼尼亞必到景點，小編住一晚都覺得唔夠，行山愛好者建議留多晚，因為要行足都唔係一日行得哂嫁！小編就淨係去左Dove Lake，望住個湖內心超級平靜～環境一流~

9. Sheffield

Sheffield係壁畫小鎮，距離Devenport 30分鐘車程嫁咋！去到真係好似睇緊畫展咁，大把畫任影，大家唔好睇小上面幅畫，係Eason畫嫁！左下角仲有佢署名添～

10. Wineglass Bay

想由高處影到酒杯灣Wineglass Bay嘅景色，就要喺Freycinet National Park行山上去Wineglass Bay lookout，慢慢行影下相，一個鐘內都到，唔算太辛苦。不過如果想落沙灘嘅話就要再行耐啲，來回最少都三個鐘，想去就要預留多啲時間。
無車唔想自己排行程嘅朋友可以join下面呢個行程～只開一團嫁咋！去哂所有靚景！！
▶︎塔斯曼尼亞自駕遊

▲認識KKday▲
KKday-世界旅遊體驗網站，在全球 54個國家，174 個城市， 有 6000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com/zh-hk
KKday Facebook: KKday