對於越南，大部分人嘅第一印象應該都係胡志明（西貢）或者峴港。越南除左充滿法國色彩嘅胡志明同陽光與海灘嘅峴港之外，其實仲有好多城市都值得去睇㗎。唔講咁多，KKday即刻同大家去睇睇個三個地方究竟有咩咁特別。
一、會安市（Hội An）
嚟到會安，好多人嘅第一感覺係，咁似中國嘅？無錯，因為會安喺過去又有另外一個名叫「明鄉」。會安原本係一個從事貿易嘅港口，之後有大量唔願歸順清朝嘅明朝遺民選擇係會安定居，就慢慢令會安發展成越南早期最大嘅一個華人聚居地。
時至今日，會安已經成為聯合國世界文化遺產同好多人係越南必去嘅地方。行喺會安街頭，所見之處都係熟悉嘅中文，仲可以睇到唔少當年嘅華人建築，譬如福建會館同潮州會館。
雖然會安係個古樸嘅古鎮，但對於深受光污染荼毒嘅城市人嚟講，會安嘅夜景絕對會為大家留下深刻印象。會安街頭嘅燈籠一般會係黃昏開始著燈，鐘意影相嘅你地絕對唔可以錯過！
二、美山聖地（Mỹ Sơn）
美山係古代占婆王國嘅統治中心，而美山聖地係占婆國王嘅安息地同埋宗教場所。唯一可惜嘅係，美山聖地喺越戰時期受到美軍轟炸，大部分嘅建築群都受到頗為嚴重嘅破壞。
對好多曾經去過吳哥窟嘅人嚟講，美山聖地感覺就好似迷你吳哥窟，但其實美山聖地嘅歷史遠比吳哥窟要早，係東南亞地區最早嘅印度教廟宇建築群，所以都有好高嘅歷史同參觀價值。
成個園區大約2至3個鐘頭就可以睇完，而大家去嘅時候建議最好有導遊解說，否則就會一頭霧水嘅感覺。
三、順化市（ Huế）
順化曾經係越南山朝和阮朝嘅首都，一直到近代南北越分裂後先遷都。作為一個城市，順化其實好細，單單順化皇城已經佔左大約三分一面積。
作為過去嘅首都，順化當然有自己嘅皇城，就好似北京嘅紫禁城同首爾嘅景福宮一樣。越南喺過去曾經係中國嘅藩屬國，又曾經係法國嘅殖民地，所以順化皇城嘅風格可以話係中西建築文化交融嘅又一典範。
除左皇城之外，順化仲有幾個皇家陵墓，當中又數啟定陵最具特色。啟定皇陵佔地並唔大，但當中極具法國風格同特色，係最多遊客選擇參觀嘅皇陵。相信大家入到去，必定會為佢嘅奢華同精緻所感歎！
想更加深入認識越南？你可能需要：
▲認識KKday▲
KKday-世界旅遊體驗網站，在全球 54個國家，174 個城市， 有 5000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com/zh-hk
KKday Facebook: KKday
