聽到「西貢」依個地方名，你係唔係第一時間諗起香港嘅西貢呢？但原來地球上仲有另一個叫西貢嘅地方，就係喺越南喇。越南胡志明市，原名叫「西貢」，係越南最大嘅城市。由於越南曾經係法國嘅殖民地，令到胡志明市除左有傳統東南亞嘅特色之外，仲增添左一份異國色彩。從越南嘅飲食到建築，都保有住歐式嘅影子；但同時嘈雜嘅交通、街邊嘅小吃攤、湄公河旁座落嘅民宅，又為依個地方增加一份市井魅力~~唔好講咁多，一齊跟KKday探索依個充滿魅力嘅城市喇~
一、中央郵局／西貢郵局
（圖片來源）
（圖片來源）
西貢郵局興建於19世紀末，外觀相當之典雅華麗。裡面寬闊嘅大廳中央擺有越南國父—胡志明嘅畫像。兩旁就有當時由法國地理學家所繪製嘅越南地圖。郵局四周圍都可以見到哥德式嘅建築風格，穹頂、花窗、壁燈……都令到依個郵局唔止一個普通嘅郵局咁簡單，而係一座藝術品。
▶︎門票：免費
▶︎開放時間：星期一至五 7:30-19:00｜ 星期六、日 8:00-18:00
▶︎地址：2 C00ng x00 Paris, B65n Nghé, Qu67n 1, Ho Chi Minh City, Vietnam
▶︎交通：
撘52號巴士至7 Phạm Ngọc Thạch站下車
撘26號巴士至39 Lê Duẩn站下車
撘36號巴士至1 Công xã Paris站下車
二、紅教堂
（圖片來源）
（圖片來源）
紅教堂係胡志明市最重要嘅地標之一，同上面介紹過嘅西貢郵局只係一街之隔。紅教堂係一個以巴黎聖母院作為原型建造嘅天主教堂。教堂嘅紅磚係特登從法國南部嘅馬賽運送過黎。雖然經歷左一百年嘅時間洗禮，但紅磚嘅顏色依然係咁紅艷。黎到紅教堂，不妨參加下教堂彌薩，感受一下裡面莊嚴神聖嘅氣氛。
▶︎門票：免費
▶︎開放時間：每日8:00-11:00,15:00-16:00；
▶︎地址：Duong Nguyen Du, District 1, Ho Chi Minh City, Vietnam
▶︎交通：撘36號巴士至1 Công xã Paris站下車
三、范五老街（Pham Ngu Lao Street）
（圖片來源）
（圖片來源）
范五老街嘅街名聽落係唔係好奇怪呢？但原來真係有范五老依個人架！范五老其實係越南陳朝時期一位名將。而范五老街就係一條集旅館、旅行社、餐館、廉價商店於一身嘅街道，亦都係各國背包客嘅集散地。街道兩邊既有法式亦有越式建築。每當入夜嘅時候，嘈雜嘅人群同車流，再加上各種各樣嘅小吃檔同酒吧夜店，都令到依度異常咁熱鬧！傍晚嘅時候，不妨黎依到體驗一下胡志明市嘅夜生活喇。
▶︎地址：Phạm Ngũ Lão, Quận 1, Hồ Chí Minh, Vietnam
四、濱城市場/邊青市場 （Ben Thanh Market）
（圖片來源）
（圖片來源）
濱城市場/邊青市場係胡志明市最大嘅貿易市場，從食品、日用品到工藝品，咩都可以喺到搵到，絕對係一個熱鬧無比嘅商場。黎到市埸，除左可以買紀念品做手信之外，一定要記得去品嚐下越南嘅正宗小吃喎！
▶︎地址：Le Loi Boulevard, Bến Thành, 1 Hồ Chí Minh, Việt Nam
▶︎營業時間：5:30-17:30
五、胡志明美術館
（圖片來源）
（圖片來源）
喺遠處你就能夠一眼認得出胡志明美術館，因為佢嘅外牆顏色係非常之搶眼嘅亮黃色。美術館
建於20世紀初期，係法國同越南建築師共同完成嘅「混血建築」。胡志明美術館係越南第一級嘅國家博物館，保存左由史前時代到宜家嘅越南藝術品，收藏涵蓋繪畫、雕塑、素描等作品，館藏有成2000多件。想了解多啲越南藝術文化嘅朋友唔好錯過喇~
▶︎開放時間：星期二日 9：00 – 17：00
▶︎門票：10000越南盾
▶︎地址：97A D Pho Duc Chinh, Ho Chi Minh, Vietnam
▶︎鄰近地點：范五老街、邊青市場
六、湄公河
（圖片來源）
（圖片來源）
湄公河又叫做母親河，可想然之佢喺越南人心目中嘅地位有幾咁重要。黎到湄公河你可以乘搭傳統小船，體驗水上市集先有嘅叫賣風情。仲可以一路穿梭於椰林中，一路窺探一般農家人嘅生活。湄公河最闊嘅位置有成六公里闊，當你載浮於依片廣大水域時，不禁會令人對依條全長4880公里嘅亞洲跨國大河心生敬意。
七、統一宮
（圖片來源）
（圖片來源）
統一宮係法國殖民越南時嘅統治機構，入面有近百個裝飾華麗嘅大廳，用作外交、宴會、軍事指揮、娛樂等用途。對歷史感興趣嘅人，可以透過裡面嘅解說了解北越南越統一嘅過程。
▶︎開放時間：7：30-11：00｜13：00-16：00
▶︎門票：成人30000越南盾｜學生（6-17歲）2000越南盾｜兒童15000越南盾
▶︎地址：106 Nguyen Du St, District 1, Ho Chi Minh City, Vietnam
八、古芝地道
（圖片來源）
（圖片來源）
古芝地道係一個埋藏喺地底下嘅大軍營，係越戰時避難所嘅遺跡。地道距離胡志明市65公里，分成三層，有醫療站、廚房、居住空間、指揮中心等設備，喺1940年代用黎躲避法國軍隊嘅攻擊。黎到古芝地道，除左可以了解到各項陷阱機關之外，仲可以親身走入狹窄嘅地道，親自體驗戰爭時期嘅艱苦。
▶︎開放時間：7：30 – 17：00
▶︎門票：90000越南盾
▶︎地址：Dia Dao Cu Chi，Ho Chi Minh City，Vietnam
九、金龍水上木偶劇院
（圖片來源）
水上木偶戲係越南最具特色嘅傳統民間舞台劇，表演方法相當之特別。表演期間，表演者需要長時間浸喺水入面，等木偶可以喺水面上面演出。夜晚如果無野做嘅話，不妨黎睇睇依個令越南人引以為傲嘅藝術遺產，等木偶用活靈活現嘅動作話你知越南古老嘅民間傳說。
▶︎表演時間：三場表演時間分別為17:00, 18:30, 19:45
▶︎門票：150000越南盾
▶︎地址：55B Nguyen Thi Minh Khai, Labour Cultural House, Ho Chi Minh City, Vietnam
十、爵士酒吧 Sax N Art Jazz Club
（圖片來源）
如果你係一個爵士迷，咁就千祈唔好錯過依間喺越南小有名氣嘅Jazz Club喇~依度嘅老闆係一位色士風手，除左會親自表演獨奏之外，每晚嘅現場演出亦都相當之豐富！喺胡志明市嘅夜晚，不妨來依度飲兩杯酒，感受一下 Live Jazz 嘅魅力！好彩嘅話，還你仲可以聽到地道嘅法文歌表演呢！
▶︎地址：28 Le Loi Street, Ho Chi Minh City, Vietnam
去胡志明市唔少得嘅好幫手你可能會需要：
▲認識KKday▲
KKday-世界旅遊體驗網站，在全球 54個國家，174 個城市， 有 5000多種不同的行程與體驗。
KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com/zh-hk
KKday Facebook: KKday
