今年生日有無打算同朋友或者心愛嘅人喺外地過一個難忘嘅生日呢？一直都唔肯定究竟旅行生日待遇有咩著數，其實由出發果一刻喺香港開始，正日生日出門嘅你，撞啱航空公司又或者船公司已經可以享有専屬優惠！
航空公司
一丶香港航空
唔知你地有無聽過「Sweeten You Up」服務？！其實只要係生日正日由香港出發，就可以喺Sweeten You Up Counter 辦理登機手續，仲會獲贈生日襟章、生日登機證封套、朱古力禮盒，唔只可以優先登機，仲可以帶埋最多兩位旅客享用香港航空貴賓室「紫荊堂」。留意返唔會upgrade商務客位㗎！
不過最特別係可以收到空姐空少為你親手寫嘅生日卡，真係幾難忘同感動！誠意爆燈。
二丶國泰航空
想喺半空為摯愛製造驚喜？國泰航空可以幫到你，只要喺訂票時或者上機24小時前預訂生日蛋糕，你就可以喺飛機上唱首生日歌比壽星仔女。以香港飛去台北機程為例，預訂1磅雜果蛋糕收費 HK$300，可以喺蛋糕上寫上祝福句，不過就無其他專享嘅生日待遇喇！
三丶國泰港龍航空
基本上同國泰差不多，但就要留意返要喺訂票果時訂埋蛋糕，又或者至少3日之前預訂，可以選擇去程或者回程果時送上。以香港飛去台北嘅機程為例，預訂蛋糕收費 HK$ 300。不過蛋糕就只係170 gram 嘅雜果蛋糕，可以寫祝福字句，同樣無生日卡、生日襟章同香檳啦！
船公司
四丶金光飛航
得一兩日短假，不如生日快閃一轉澳門，過一個難忘又放鬆嘅假期！旅客只要持有有效嘅身份證明文件，喺身份證明文件上所出示嘅生日月份買生日當月嘅金光飛航指定航線船票即刻可以享受標準艙來回套票優惠，每套亦只需港幣248蚊，頭等艙來回套票就448蚊。不過要注意公眾假期期間，係唔可以享有優惠！
優惠期：2017年1月1日至2017年12月31日
（2017年4月14日至2017年4月17日，2017年12月23日至2017年12月26日除外）
仲煩緊今年生日點樣同身邊摯愛慶祝？如果想出國旅行，不妨考慮搵間有空中訂蛋糕服務嘅航空公司！除左可以為身邊最愛喺半空製造驚喜之外，仲分分鐘可以享受埋生日專享嘅升級待遇！而得短假嘅朋友，就可以考慮利用生日優惠去澳門！計劃緊生日旅行嘅你地，應該識得選擇啦！
▲認識KKday▲
想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。
▲前往 KKday 網站，訂購心水行程！
▲訂閱 KKday電子報，獲取更多旅遊優惠！
關注KKday社交平台動向：
