動畫迷搶先睇 《聲之形》五大場景

繼《你的名字》後最受觸目嘅日本動畫《聲之形》，香港將會喺4月6號正式上映。《你的名字》上映後，好多人都特登去到取景構想地重溫一下情節，今次KKday就搶先喺《聲之形》上映之前同大家介紹動畫中嘅五大場景，快人一步打卡！

內容介紹

《聲之形》係漫畫家大今良時創作嘅漫畫作品，由京阿尼改編為同名動畫，講述患有聽力障礙嘅女主角西宮硝子同曾經欺凌佢嘅男主角石田將也嘅故事。大今良時嘅家鄉就係日本中部岐阜縣大垣市，所以《聲之形》大部分場景都係喺大垣取景。

1. 大垣公園

圖片來源

第一個最有記憶點嘅畫面就係遊樂場喇！呢個遊樂設施嘅設計咁特別，睇《聲之形》嘅時候仲以為係天馬行空嘅創作，估唔到係真實存在！

交通：JR大垣駅徒步10分鐘
地址：岐阜県大垣市郭町2-55 

2. 美登鯉橋

圖片來源

大家望到呢條橋應該會覺得好熟口面，因為呢到就係《聲之形》海報嘅背景！

圖片來源

真係一模一樣嫁！可惜張相唔係櫻花季影，嚟緊４月會去嘅朋友就可以神還原動畫入面嘅場景喇！

圖片來源

真係連details位都做到好足～

地址：岐阜県大垣市西外側町２丁目４６
交通：西大垣駅徒步12分鐘

3. 四季の広場

圖片來源

真實嘅四季の広場比較殘舊，不過好彩有個小瀑布，即時有番生氣 ~

交通：JR大垣駅南口徒步約20分鐘
地址：岐阜県大垣市馬場町159

4. 揖斐大橋

圖片來源

揖斐大橋連接住大垣同安八町，中間隔住嘅河就係揖斐川喇！對比起青馬大橋當然無咁宏偉，不過對身為大垣人嘅作者嚟講，應該好有回憶～

地址：岐阜県大垣市万石町

5. 大垣駅JR

圖片來源

除咗有JR列車上嘅情景，其實《聲之形》仲有其他場景係喺大垣站取景，包括站外商店街同埋站內售票機，去到記得留意下！

>>全日本JR PASS

>>高山北陸地區JR PASS
知大家淨係去大垣都唔夠喉嫁喇，去到中部地區點可以唔玩埋昇龍道，話哂合掌村都係世界文化遺產，點都要去睇下究竟有咩咁特別！仲可以搵下《你的名字》嘅取景地方添！如果係5月去嘅話可以去埋立山黑部，每年限時開放，錯過咗要等一年嫁！

▲認識KKday▲
想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。

▲前往 KKday 網站，訂購心水行程！
▲訂閱 KKday電子報，獲取更多旅遊優惠！

關注KKday社交平台動向：
▲Facebook ▲Instagram ▲YouTube ▲旅友討論區