揭開立山七大神秘傳說

立山位於3015米高海拔，因為地理位置導致一年淨係得八個月係對外外放，其餘時間都受大風雪影響而關閉。一直以嚟，呢個龐大嘅山脈中誕生左唔少鬼怪故事，今日就逐一揭開神秘嘅面紗！

傳說一丶女性止步

圖片來源

圖片來源

作為神山之一嘅立山，由古至今都係眾神聚居嘅地方。以前淨係容許修行嘅僧侶進入；而平民、特別係女性係一定唔可以進入。相傳有幾個女性偷偷地登山，畀山神發現之後，就活生生變成巨大嘅立山杉， 亦即係依家美女平所在嘅地方。不過到左今日，立山係無性別限制，所以無論係男女都可以上山！大部分人都會選擇坐巴士上山，以一日遊形式就最方便！

傳說二丶升天之路

圖片來源

圖片來源

相傳誠心登山參拜嘅人，可以透過感受「六道輪迴」——由人間界、修羅界、畜生界、餓鬼界、地獄界到天界，從而淨化靈魂、消除內心嘅惡念同罪孽，然後得道升天。加上江戶時期出現一幅佛教畫作——《立山曼荼羅》；畫裡面描繪眾神居住喺立山山頂，因為咁佛教信徒相信立山係眾神嘅地方，所以吸引大批信徒前往朝聖參拜。想自己行程自己話事，可以搭JR遊立山㗎！

傳說三丶雄山神社

圖片來源

圖片來源

喺立山主峰雄山山頂上有一個雄山神社，當中有三個主殿：峰本社、芦峅中宮祈願殿，同埋岩峅前立社壇。傳說神社係由一位叫做有頼少年同佢父親得到文武天皇嘅支持，聯同志願者所設立。全因為少年有一次意外遇見化身成為黑熊嘅如來佛祖、化身成為白鷹嘅不動明王，受到佢地犧牲自我為眾生所教化，喺山頂上建築神社，以如來佛祖為「伊邪那岐神」、以不動明王為力量強大嘅「天手力雄神」，去開發呢座山、建築連接凡土同立山嘅十界淨土、鎮護國家、普渡眾生。

傳說四丶餓鬼田

圖片來源

圖片來源

「餓鬼投胎」一定有聽過！喺彌陀原，有好多半池塘半稻田嘅地貌。由於立山係6界相連，呢度就是其中被稱為地獄地貌之一。相傳生前浪費食物或者過得太奢華嘅人死後會墮入地獄嘅餓鬼道，而呢啲餓鬼被罰長年都要忍受著飢渴，而餓鬼為左填飽自己就由地獄跑出黎，喺一啲好淺嘅池塘種植食物，但好可惜佢地種黎種去都只能夠種出高層濕原嘅草木，到秋天就會自然枯毀。但係餓鬼為左填飽自己，會喺池塘裡面狼吞虎嚥，將附近嘅所有植物塞入口裡面，呢個情景就係我地講嘅「餓鬼投胎」啦！

傳說五丶地獄谷

圖片來源

圖片來源

如果有一日，你可以深入地獄，你又會唔會去？立山山體的其中室堂山（標高約2,670m）其實係一座活火山，但從未試過爆發， 正正因為立山擁有活火山，四周彌漫住硫磺味，附近嘅土地其實係寸草不生，成個土地係火山灰嘅黑灰色。成個山頭一啲生命跡象都無，荒蕪嘅地面上有大量洞孔噴出濛濛嘅水蒸氣，古時嘅人認為呢到貌似地獄的景色，因而命名為地獄谷。

傳說六丶血池

圖片來源

圖片來源

有無幻想過世界上有血池嘅出現？雖然叫血池，但就唔會佈滿鮮血，而係立山濕地入面散佈住好似血咁嘅紅色水窪。而水中含有好多氧化鐵成分而呈現出紅色。睇落去就好似鮮血一樣，感覺就係地獄國度。以前會叫佢做血池地獄，係「立山地獄」景貌之一。

傳說七丶雪女

圖片來源

圖片來源

雪女嘅故事相信唔少人都有聽過，不過你地又知唔知雪女係咩人呢？相傳雪女係山神嘅女兒，掌管冬季嘅雪，有時會以雪球嘅形狀出現。而好多時傳說都係話雪女身穿白色和服，肌膚似雪，身材窈窕，一頭淡藍色嘅長髮，臉龐又白又圓潤，加上一對水汪汪嘅大眼睛。不過亦有啲傳說指雪女會裸身企係雪中，只露出面、頭髮同陰部；喺雪上無聲無息咁飄過。

佢地藉住自己嘅美貌同年輕去吸引合眼緣嘅男人，仲會引誘佢地成為自己丈夫。生左小朋友之後，如果男人虐待小朋友，雪女就會無情咁離開。如果雪女嘅丈夫發現佢地真實身分，佢地就會融化或者變成暴風雪消失。其實關於雪女嘅講法，仲有好多好多！

圖片來源

所以當你到達立山嘅時候，欣賞完宏偉嘅雪璧後，望住一片白茫茫嘅雪景，遇到一個好靚嘅女仔，你就千其唔好慌，話唔定就係雪女看中你！！！

一直以嚟，關於立山嘅傳說都係口耳相傳，真實性仲係未知，所以與其繼續猜疑，不如藉住到訪當地，去返傳說中嘅地方，自己揭開佢嘅神秘面紗！

▲認識KKday▲

想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。

▲前往 KKday 網站，訂購心水行程！"

▲訂閱 KKday電子報，獲取更多旅遊優惠！

關注KKday社交平台動向：

▲Facebook ▲Instagram ▲YouTube ▲旅友討論區

更多名古屋旅遊攝影資訊

更多立山黑部旅遊攝影資訊