Fujifilm X100

評測報告

實拍照片

1 操作直白！
2 只有35mm，你可以固定左這一個焦段，去掌握一個焦距先！係一個非常之神奇嘅練習！
3 準確白平衡
4 F2光圈

1 己停產。
2 有時！部機會話比你聽，你的缺點在哪裏。

沒有想過會為十二年前的電子產品寫用後感覺！會有什麼人去看？

我早一年前好幸運買到一部極新的二手x100，一直用開canon單反相機，購入之後就由一個假日攝影生活變成日常生活攝影記錄者。當然iPhone都可以記錄生活！X100卻記錄左我一年對攝影的想法，從以為自己知到發覺自己白痴，到掌握光圈、快門、ISO和白平衡等等，這部相機都沒有給我什麼自動化的方便快捷，只是有一個非常直觀的簡單操作！多了就減，小了就加。令我好快就掌握得到相機各樣參數的變化對相片的影響，又以為掌握到這些可以影到靚相，其實又唔係，慢慢發現其實這些基本的操作只係好似一種工具，這種工具依然要靠着自己對光對影的想法才能夠拍出好照片來！富士所設計的這一部X100，可以講得上是一部最基本最直接的相機，表達左對光影控制的一種藝術，他本身就是一個藝術品，沒有多餘的想法，只係好直接咁教識你控制光和影。這是我用Canon的時候從來沒有想過的。我不是說Canon不好，只是覺得Canon仲壞咗我。現在我好多時候都會用返Canon但係都會用M mode！希望自己控制得到自己想要嘅相片特色。相信沒有X100這一種基本攝影操作，好可能要發得上更長時間才會明白如何去掌握光與影。多謝富士！

1.機仔細細，但做到好多單反做到嘅嘢，成像真係直迫5D mark2!!!
2.顏色靚到絕，呢點更加係富士獨有，上電腦都冇嘢要執！！！
3.白平衡超準，除非想要某啲特別效果要較偏色，如果唔係信晒部機都無防！！！
4.定焦鏡嘅成像原來真係靚過一般變焦鏡好多，我而家明點解定焦鏡隨時貴過支變焦鏡嘅原因！！！
5.冇多餘嘅場景效果，呢樣對我嚟講絕對係優點，可以專心影幅靚相!!!
6.傳統菲林相機嘅造型，呢樣最緊要，我就係因為咁而中毒，型到炸開！！！

1.定焦鏡係優點又係缺點，冇得zoom企喺條橋上面要影河面朵荷花真係冇計，影出嚟粒豆咁細！！！
2.觀景窗勁易入塵入水，買番嚟兩日已經發現，觀景窗有入塵嘅情況，不過一早知部機冇防塵防水滴唯有接受，有次落微雨帶佢出街玩完返屋直擺入防潮箱冇理佢，第二日攞嚟抹至發現觀景窗裡面有幾點水漬，跟住攞上富士維修中心個師父話冇得拆開嚟抹，要回復原貌只有成組鏡頭連觀景窗一齊換，要三千幾！！！勸告所有X 100愛好者要小心呢點！！！
3.個hood內框鍍咗層黑鉻用嚟防側光，但唔搞佢都會甩，仲賣成九百幾，差！！！
4.個鏡個蓋冇鎖，好易唔見，不過查實落咗filter鏡之後都冚唔番個蓋，而家擺埋一邊完全冇用！！！

我鍾情X 100嘅原因最主要係因為佢擁有傳統旁軸菲林相機嘅外表，真係型到炸開！！！
不過我又冇因為咁而將佢攞嚟同Leica M系相機比較，大家定位唔同檔次又相差太遠根本
冇嘢好比，我只係好單純咁鍾意X 100本身！！！

呢部機我入手只係兩個月，但就幾乎日日陪住我周圍去，掛住佢出街經已成為我個人標記
咁滯！！！部機喺百記walk in買，試機嗰陣根本冇留意過啲功能，我根本就唔識，淨係比佢外表吸引住就已經毫不猶疑俾錢帶佢走喇，跟住當晚即時帶佢出街玩，發覺自動對焦奇慢，我部三星gs2電話可能仲要快過佢，跟住我仲未識用手動光圈快門，就索性全部較auto用，點知室內唔夠光又唔想用閃燈佢會自動轉落慢快門，部機又冇防手震功能，影出嚟啲相吓吓迷焦，嗰吓真係想喊！！！不過冇辦法，我真心鍾意呢部機，唯有項硬上的起心肝上網學吓啲攝影知識！！！到現時為止，我已經習慣用全手動喇！！！“全手動”真係帶俾我嘅無窮無盡嘅樂趣，令到攝影對我嚟講唔再係單純按快門咁簡單，係以前用dc仔影相冇可能有嘅感覺！！！

而喺擁有佢之前我根本冇認真去研究攝影係咩一回事，咩光圈、快門、曝光等嘅攝影常識可以話係一竅不通！！！
見過好多前輩嘅文章話呢部機會令人回到攝影嘅原點，而我更因為呢部X 100燃起我對攝影嘅熱情！！！
由於小弟只係一個初哥，以前只係會用傻瓜dc仔同電話影相，所以冇專業意見可以提供，望各位前輩指教！！！

1. 定焦大光圈
2. Hybrid Finder
3. 按扭位置方便
4. ND濾鏡，作為可配濾鏡相機，某些廠商可能已放棄以減低成本
5. Fn按扭，可選擇多項功能其中一項作即時調較
（可解決下面兩人ching的問題，而且這按扭的出廠設定已是iso調較選項）
6. 微距極佳，配合機身左側的對焦按扭的AF-C模式，
差不多近至2cm也可準確對焦。
7. 黑白相片模式，多至4種setting，玩味大增！

1. 過小及過輕
2. 需要另購轉接環才可外加濾鏡

由於3月11日日本發生該國有史以來最強烈的大地震，
生靈塗炭之餘，日本國內一些大企業，
或多或少都會受到一定程度的損失。

富士就是其中一間。
3月17日即時在網站上發出一則驚人消息，
位於災區的一間廠房被摧毀，
整條FinePix X100的生產線毁於一旦，
暫時未知何時可重新運作。。。

可幸首批供港成品剛於地震前已運扺機場準備付運，
但貨量極少，之前未有訂貨的，根本連真身也未必見到，
小弟慶幸是其中一位。

首批必須連皮套及遮光罩一併購買，
本來十分不情願，但無奈接受。
皮套對我絕對是多餘的；
遮光罩也不是什麼緊要配件，
反而隨遮光罩附送的轉接環就是必須品，
因為要有這個轉接環才可接駁其他濾鏡，
起碼一鏡Protector保護鏡頭是用家基本知識。
而且加上遮光罩後，是不能蓋上鏡頭蓋，
這面Protector就更為重要！

接觸真身第一刻確是有點感動，
不過對於這個級別的相機來說，
是有點過小及過輕，
但對於女性而言，就似乎剛剛好。

相機定位是精品相機，
本人有點不解。
單是它擁有的這支Fujinon Aspherical Lens，
Super EBC，
23mm F2.0，
就可以將市面上大部份相機比下去。
或者精品，就是在於不能換鏡，
又不能變焦的這個死局！
不過這就是造就它經典的原點！

配置上有點眼熟，
各按扭編排以至主目錄選項都與Canon類近，
對於我這一眾C記粉絲可算是喜出望外！
Hybrid Finder更是一絕，
既方便又專業（自己以為:P），
轉回LiveView又適合一般用家。

影像方面我不敢莽下判斷，
因為買機只有幾日，
又整天昏昏暗暗，
質數不能作準。
不過個人感覺菲林味很重，
某些setting也是針對菲林成像而產生，
尤其黑白相模式，
相信是富士重點項目。
相片尺寸非常大，
300dpi可直出A4 size（210 x 297mm）！


專業意見並不太多，
只提供幾項要點供各位參詳，
望各位指教。

最後祝願日本國民能盡快重過正常生活！

WB 準...那個微距我最多用。。。
不用換鏡頭， CMOS 唔洗清潔， 定焦鏡好又不用換鏡，慳番好多錢

80CM 距離太遠， 有點不方便， 開機太慢， LOAD相都係太慢。

FUNCTION KEY not user friendly....

other is good....

很喜歡這機仔， 形， 輕便， 通常影單人才會用。
最多用佢影黑白相， 真係好正， 完全無後悔買左部機!！
希望快D可以有再新的FW UPDATE 啦

色彩完美,貫徹fuji特色,nikon canon單鏡機也用過,但都很難比美富士的色彩,特別是直出jpeg
輕便且手感良好,400g左右機身真是恰到好處
高iso表現嚇壞人,非職業要求下iso6400也可用
影像銳利,光圈修到f4後真係好sharp!感覺上能與L鏡/金圈比美,全開光圈時則略軟,只會需要時用
35mm定焦是snap shot最常用的範圍
多個轉盤及fn制令你不需入menu就能掌握大部份操控
非微距對焦表現理想
view finder好清,hybrid既效果不錯
高貴機身,增加虛榮感,過得到女朋友那一關
軟片模擬有些少用處
電量不錯,正常用一電已能用上500-1000張相(不用閃光燈)
機仔細細都有對焦燈

定焦,既是優點也是缺點,影境時會少了WIDE ANGLE,但應可用副廠接鏡幫助
個別功能programming略差,微距要經常用但需要按兩下才變微距,減慢近距離取鏡成數
微距對焦慢,目標距離不變下鏡頭每次都要對焦1-2秒才願影多一張,要配合手動對焦增加效率
沒有防手震
缺貨,比iphone更好抄,令人出街時過份緊張及小心
LCD礙機身大細所限比較少

等了多年的機., 一直想找一個高質素而又輕便的相機,
就算nikon,canon的P及G系列出了多少不同款式也好,
也沒有一部給予滿意的色彩,影像銳利度及iso表現.
但這一部就滿足了我的要求,
影snap shot需要的是輕便及簡單,
有時太多鏡及不需要的東西只會令人錯過感覺當下的意境,
不能換鏡的他正好令人集中於構圖.
影像質數與我用過的5dii配24-70差不多,當然不能與L定焦相比,而色彩比5dii更自然,
直出jpeg的色彩更是d700不能供應的.
除了微距操作之外其他地方也十分完美.
snap shot及旅行必備機
操作上只要多加熟習就能感覺另一種方便

古典外型中又有好多新功能放入特別係 Hybrid Finder (如果 LEICA 出 M10 真係要參考下)

AUTO ISO 制要下下入 MENU 先可開關

首先講下我的少少用後感

1. 首先講下外型, 遮光罩超有型 必買物品
2. 所有操控制都放得好就手, 係個光圈比較難調較當使用皮套後
3. EV 加減制 係好方便, 但有時會唔小心錯誤碰到, 不過用得斯文 D 就會無事
4. 個 Hybrid Finder 真係好正 , 線框白天夠光 走到室內亦會自動調暗, 最特別係每影完一張都會係 finder 即時出現 (如果 M9 有就好啦)
5. 對焦速度亦不錯, 感覺同 NEX 差不多
6. LCD MON 沒有偏色, 顏色表現十分好, 美中不足係無自動調光, 但睇相速度係超快 (感覺似 1D4)
7. LIVEVIEW 功能亦好方便影 MACRO 有得拍片有得
8. 全景功能表現勝過 NEX 接位做得好好

以下有 X100 VS Leica M9 相片比較

PHOTO SAMPLE:
http://fotop.net/ahtai80/Fujifilm_X100