產品瀏覽紀錄
Sony Cyber-shot DSC-HX300
顯示: 1 - 6 (最新發表)
不過不失,算是合格的天涯機
3.7
RINGOHUNG (7個心得) 於 2015-07-21 22:52:03
持中性態度 (使用了 13 個月)
外觀設計
功能
操作性能
影像質素
整體評分
優點:
從焦距看可以一機走天涯,照片在 24MM 焦距水平拍攝冇問題,顏色中性,清晰度唔錯,旅行拍照一流。24MM 至 700MM 焦距拍照合格,高清拍片在廣角至長焦距皆可用,並且拍片途中可拍照,惟象素偏低。測光可靠,全自動都可拍得合格照片。
缺點:
多倍數焦距鏡頭通病,長過 700MM 質素下降,超過 1,000MM 只作記錄照,不看也罷,防震效果平平,用電算大食,出外拍照最好帶後備電,否則敗興而回。鏡頭在使用時防震機件浮動,好像很易損壞感覺,全機膠製,使用要輕手為上。
意見:
數碼相機面世以來,本人最唔喜歡 SONY 的相機,一來貴,二來質素麻麻(會俾好多人鬧),但本人因家貧喜歡平買貴用,一直想買部一機走天涯的相機,曾有富士 15倍及柯達 30倍相機,照片出來尚可滿意,惟此機一面世又被其焦距吸引,比較過 CANON同類相機,因有蔡司加持,虛榮心下買佐最貴的佢!
使用一年多,幾次出外旅行,包括陽光沙灘、滿地白雪,其全自動效果均令人滿意,加上全景拍照使用方便,作為天涯機完全合格。
SONY 老毛病不改 (摩打,齒輪, 防抖動鏡組) 易壞
3.7
fever46709394 (1個心得) 於 2014-09-30 14:37:18
不推薦此產品 (使用了 1 年)
外觀設計
功能
操作性能
影像質素
整體評分
優點:
1.畫質很好, 特別拍 movie 時
2.防抖及對焦快準
3.手感ok
缺點:
1.記錄速度超慢 (仲買了張 u1卡 冇用武之地),影響拍攝
2.電池好快用完
3.防抖動鏡組 易出問題 (常於各討論區見有)
4.維修費貴 及 不合理
意見:
大致上算是唔錯
用後雜談:

上年在 CANON SX50HS 及 SONY HX300 之後 想了很長時間
終因 SONY 有 蔡司鏡 , F2.8光圈 稍勝!!
上年(2013年)七月買入機 HX300)
用後一個極之令人心煩地方, Save相較慢. 連拍十張要近20秒到
,影響拍攝速度,高速卡冇幫助,唯一可造的事..就是等..等..等 .
期間錯過不少重要鏡頭....
另外 電池很快耗光 不足之處..... 出外拍 帶多幾個後備....

令人不快回憶:

用了唔夠2個月(九月份), 已出現 (E:62:10 ) error CODE .....防手震組件壞
當時GOOGLE 找到不少 SONY 機都是經常有 (E:62:10 ) 防手震組件壞 現像!!
拿去 修理, 更換了該鏡片組件 保用期內 免去 HK$1200零件費.....

十個月後 又再壞過 又係(E:62:10 ) 防手震組件壞.... ?!!
不在保用期內, SONY 要收檢查費 HK$180 , 若更換 防手震鏡片組 另加 HK$1600 ...
快夠買過部了....!!

ZOOM時 少許震動就會大大影響出來效果,
拍MOVIE 更有抖動引起不爽畫面.

而家部機閒置下來, 決定以後盡量避免選 sony機種

另 SONY 維修中心 表示手續指引 :
算是你明知要換修甚麼部件
檢查費 HK$180 都一定要比
4.2
wks (12個心得) 於 2013-09-08 11:24:55
推薦此產品 (使用了 1 個月)
外觀設計
功能
操作性能
影像質素
整體評分
優點:
有單鏡機的手感、近似質數、和一般非專業機比較、有明顯的進步、方便、5〇倍在日光下可用、沒有代替品、對焦流暢穩定、微調可取、T星效果明顯、內射明顯收歛、令圖片清澈高透、此為最能提高畫質的首要、輕身、操作寧靜、對焦速度理想、五十倍亦能有合理的對焦能力、可取、
缺點:
略大、可接受、存相速度慢、比較麻煩的缺點、視窗觀景器太凸出、影響視窗板構圖、可惡的缺點、
意見:
我有C記50×和S0NyH×3O0這部真的比我有質量上的分野、真正可用的質數、在正常日光下有不俗的效果、只欠記錄速度、手感良好、稱心的旅行良機
最後更新:2013-09-08 11:43:27
4.8
joneslpn (14個心得) 於 2013-09-01 17:02:55
推薦此產品 (使用了 3 個月)
外觀設計
功能
操作性能
影像質素
整體評分
優點:
感光銳利
影夜景清色
缺點:
暫時未有
意見:
感應快, 相機好有手感
相機容易操作
最初我想買CANON SX50 但當試完 SONY HX300 就愛上了, ZOOM 鏡頭時馬達靜好多
最後更新:2013-09-02 01:16:05
5
112334 (1個心得) 於 2013-06-27 01:07:02
推薦此產品 (使用了 1 個月)
外觀設計
功能
操作性能
影像質素
整體評分
優點:
我睇岩既相機包括Nikon P520同Canon SX50,作出以下少少既試用比較:

觀景器:毫無疑問三者之中最出息。雖然三者同屬二十萬像素系列,但以HX300最為清晰,觀景器影像同圖片最終成像非常接近,唔會好似SX50咁矇查查要估估下,開大mon睇又兩個樣…如想利用觀景器影相既朋友呢部會係個好選擇。相比起520,大家畫面清晰度相近,Nikon顏色較自然較清,而HX300顏色較深,但感覺上HX300觀景器畫面較大,用作構圖亦較方便。

遠焦拍攝:遠端對焦以HX300同SX50最快,520卻要load一陣先能夠對到焦,not good,變焦速度亦係三部之中最慢。HX300變焦可能略比SX50慢但感覺差異不大,而即使去盡數碼變焦,HX300既圖像質感依然變化不大,唔講可能唔覺自己用緊數碼變焦。HX300同SX50在遠端對焦穩定性算係旗鼓相當,雖然HX300缺乏SX50既智能穩定系統同構圖輔助功能,但HX300即使將倍數放到最盡仍然穩定,成像質素亦高,加上有變焦環可以為對焦作微調,係非常方便實用,且令人感覺有高性價比既設計,因為一般靠撥桿有機會Zoom過龍。當然,有變焦環當然成部機玩味性又高左啦。

外觀:唔使講,最靚仔係呢部,尤其單反機既造型加單反機既操作,再加上大大個蔡司鏡頭,感覺上已經比另外兩部高檔。SX50太唔得,個外型似低階機,而且膠感重,望落唔覺得係值二三千蚊既機。P520雖然外型都靚,問題係個樣同舊機分別太少,除左多個觀景器,基本上同其他Nikon入門半專業機個樣冇分別。
缺點:
1. 儲存相片速度較另外兩部機慢,遲緩速度約半秒至一秒,但可以接受。

2. 冇咩外加配件,只有濾鏡可以用。

3. 電池充電器要另購,而要插相機叉電則好壞參半,好就好在可以用外置充電器插住黎用,唔好既地方就係冇相機就冇得幫電池充電。
意見:
本來揀中左Canon SX50因為見好多人對佢有正評,反而呢一部討論既人唔多,結果今日去左DCFEVER銅鑼灣店試哂幾部長焦天涯機,原本最冇特別期待既反而最出息,尤其係個靚鏡頭加上仿單反機既變焦環,整部機感覺更專業同高檔次,尤其喜歡佢入面既散景模式,令到想玩散景既人可以好方便就做到散景效果。

未試足所有功能,希望未來可以同大家分享多啲。

(在此想表揚一下銅鑼灣店既Steven,非常有耐心同我詳細講解同分析幾部相機既好壞,不厭其煩教識我好多影相技術,令我能夠揀到一部真正適合自己既相機,同埋令我擁有一次愉快既購物經驗。)
4.5
Chengcte (6個心得) 於 2013-04-20 22:05:42
推薦此產品 (使用了 1 個月)
外觀設計
功能
操作性能
影像質素
整體評分
優點:
1.畫素高,畫質好似單反,感覺比其他相同尺寸感光元更精緻許多。
2.防震一流有效,望遠比Nex6+55~210mm效果好太多。
3.ISO雖不高但廣角2.8與防震強,弱光時拍出效果並不比Nex6差多少。
4.握把好握久持不累。
5.EVF雖才20萬畫素,但視覺效果比它牌相同規格好很多。
6.24~1200mm全焦段,又有1cm近拍,又有全景,什麼都能拍,真旅行良伴。
缺點:
1.存檔好慢,空有快速對焦,拍運動對象會叫人發火。
2.機大卻裝小電池,得準備好多備用電池。
3.若能自動切換EVF與LCD使用會更流暢。
4.沒配遮光罩。
意見:
1.雖然有5D3全幅機,但喜歡身帶隨身機,尤其旅行時一般考慮650D或Nex6,但它們能塔配的鏡頭還不全面(鏡頭全帶會太重),用過CanonSX50但對焦慢畫質粗,現擁有FZ200全段2.8對焦反應快常拍運動物,畫質不錯但因才1200畫素不夠細緻。
2.有同好說畫質近似單反,原本不信,但使用後頗有同感,動態反應與高ISO當然與ASP-C還有差距,並總覺得此機畫質有經過軟體加工過,但無論如何,初次使用還是很震撼,完全不像一般1/2.3"元件拍出無法1:1檢視的效果,因不信邪,在各種狀態下試拍比較(vs 650D&nex6),結果雖然小輸(感覺差距不大,某些特殊狀況如近拍...HX300表現的還更好),我覺得Sony這片感光元件的品質與調校定很成功的。
3.相機的表現不能只靠感光元件,鏡頭品質,防震,光圈大小,快門的輕巧都影響很大,我覺得HX300調校平衡的很好,它給我最大感受是大大縮小了與ASP-C相機的差距(除了高IS0部分)。
4.至於最大缺點存檔連拍慢,我覺得是Sony為產品區隔故意自我設限(FZ200都能AF十連拍了),若這部全能相机能反應的像FZ200那麼快,我可能會把650D&nex6賣掉。
5.下週歐洲考察7天決定就帶它了。
最後更新:2013-04-20 22:13:06