見下

舊機不贅

小弟曾使用過A7, A7II, A6000, 現階段還是覺得A7R比較適合自己。

選擇無反的原因是為了輕便, 選擇FF當然是為了畫質。A7RII是最強, 但一來太貴, 二來相比其他A7系列兄弟亦是最重, 三來自己並不需要應付工作, 也沒有高速和4K拍攝需求, 多數是拍攝風景、人像及日常生活/旅行照, 所以並沒有考慮A7RII。

其實A6000也是我的愛機，但Sony的APSC無反一直缺少一枝35mm等效焦距的大光圈鏡。小弟一直對這類鏡頭情有獨鍾，而最接近的只有24/1.8 ZA，這枝鏡是超級好，但乘1.5後實際景深效果只有FF的2.8光圈左右，未能滿足我對淺景深的要求。如果有一日有任何廠能出一枝24/1.4 for Sony APSC(好像富士23/1.4), 那我認為這個系統會很適合我。

但是A7系統卻有一個很大的問題，就是很多鏡頭的重量相比於單反並沒有優勢，尤其變焦鏡，有些鏡甚至比單反更重。這違背了我選擇無反的目的。

後來發現，自己一直忽略了A7系一個重耍的特性，就是APSC模式(Nikon D800那類新機也有)。以前一直埋怨FE鏡少，但在這個玩法下，整個系統可擴充及豐富不少。E-mount的APSC鏡除了Sony/Zeiss自己，其他副廠如Sigma, Tamron, Samyang，Laowa也有支援，更不乏一些高質鏡，配合得宜的話便能發揮到輕便的優勢。

當然，不少人會質疑使用APSC模式會令像素大幅下跌。經測試後，A7的APSC模式像素是約1100萬左右，而A7R約有1500萬左右。這個下跌當然不少，但換轉角度想，A7S的像素也只有1200萬左右、Nikon以前的D700也是、各大廠的初代無反機也約莫是1500~1800這個範圍。1500萬像素在一般使用上其實並不是特別少。

至於轉接環方案並不是我杯茶，基於輕便和對焦能力的理由，我寧願選擇犧牲像素。

我個人的看法是，能以APSC鏡頭的輕便性，享受到FF sensor的畫質，某程度上也可算是一種upgrade。而35mm或50mm的大光圈輕便定焦鏡頭(F2-F1.8左右)在FF世界裡更是不乏選擇。若果將來廠商能推出一枝50-150 F4左右的APSC鏡頭，那我覺得這兩套系統就可以完美了。

雖然此機已是2013年的產物，但在價格，像素及定位上的平衡仍然有它的獨特性。

機身細，像素高
可用回多款舊手動鏡

電池消耗極快，相機穩定性出奇低
e鏡頭少，質素偏低 (不過價錢都低)

小弟用18個月後，都認為呢個價錢呢個畫質，真係冇得輸！
無奈e鏡真係10支有8支唔掂，不過可以用返a鏡！
但係原來呢個先係中伏嘅開始......
用a鏡要轉接環，會變咗a99個對焦系統。
果個11點對焦同中央對焦點冇分別，暗位100%迷焦，追焦當然唔洗講。
但原來加咗轉接環用a鏡，係用唔到補助對焦燈(機身同閃光燈都係)
我問過Sony專門店，好多人都話用到，但事實上真係用唔到！
(咁係觸犯商品說明條例㗎)
不過諗住更新咗機身程式可能會解決到，但原來係下一個伏位
程式更新後話會令開機快啲，可能係不過唔覺！
但程式本身好多問題，令相機運動時穩定性大幅降低。
經常會出現只有觀景畫面或者畫面全黑，相機無法運作
(維修完都一樣)
不過都唔係最伏！！
最伏係呢個時候一定要熄機，但開返機後佢會話要修復資料庫，
先可以繼續運作！唔修復唔得！！修復完你會發現之前有啲相會冇咗.......
小弟試過一日中廿幾三十次伏，真係想死！！
無奈未夠錢換機......
不過唔連拍，唔追焦，暗位帶電筒，得閒先影一張！
呢部機都算無敵！！

對於出a7RII，Sony 唔出新e鏡都一定要出新轉接環
因為新機有新對焦，依家啲e鏡3600萬像素都用唔到！
所以Sony 唔出其中一樣，都唔洗買佢！
因為用唔到佢原有嘅性能！！
但係最緊要係，唔該Sony 機身系統程式真係唔該俾啲錢搞搞佢！
唔係啲嘢俾你出返齊，但係部機下下都死係度！你出咗我都用唔到啦！！

畫質靚，ISO去到3200以下都見得人，按制自定自由度大，峰值對焦方便玩老鏡，wifi過相快靚正。

NR太重手，無防手震(但又好快出咗部A7II)，手柄太短，發色偏冷(是否缺點？)。

用開單反，但攝影熱情過後會因為太重而不願帶相機出門，轉用A7R後令你會每日都可帶出街。由於原廠鏡選擇少，又貴，轉玩老鏡用手動後，攝影技術得到提升係意想不到的獎勵！

The best Auto White Balance ever (I am still the proud owner of NEX3, NEX 7, Sony A77, Sony A900)

Shutter cling cling too bleeding loud. Appearance is more like a DSLR rather than a mirrorless camera.

Love it.

超輕巧，完全突破了“full frame機=重”的局限。
質素高，三千萬像素。
能充分發揮Full Frame鏡頭。
雖然e mount鏡小，但可加adapter用a mount鏡。
很多轉接環，可用不同mount的鏡頭，特別是可用大部份老鏡，再次發揮老鏡的色彩。

現時只有很小e mount full frame鏡。
電池去得快，要多買兩舊電。
貴，不過比較其它ff機，已經唔算貴。

很正，估唔到有咁輕巧的full frame機。
可以玩老鏡。

AF 慢了一點 但影像質素無敵

全片幅機來說夠輕巧了，太輕反而影響配其他機械鏡的手感和操作。

識揀一定揀配55mm/1.8F(暫時選擇太少)，效果非常出色，飽和度及銳利度有極佳表現。

拍片質素出奇地好，只是追焦速度略慢(視乎你如何拍攝和用甚麼鏡吧)，雖然就嚟出A7S，不過推高ISO抗雜訊有幾勁都好，始終不如大光圈鏡頭，加上暫時4K又唔係太用得著，係1.8光圈下ISO3200都有好好表現了。

因為用開NEX-6，開頭個樣睇唔慣，但配上機械鏡後竟然無乜違和感，仲幾型添！有人擔心轉其他機械鏡會有紅閘、暗角或變形，但Sony好識做，只要裝返個app (Lens Compensation) 就可以調返個畫面，解決以上問題(不過個app並不支援拍片，有點可惜)

CMOS真係造得唔錯，加上一貫多種場景模式，新手都可以拍出靚相，FULL FRAME真係唔同啲，拍出嚟又sharp又靚

用慣NEX系列，手感同操作冇咁方便(但習慣便好)
快門聲實在太大了，連拍亦只有可憐的4張...

用電量較快，最好有多粒後備電，如果外拍全日再多一粒會仲穩陣

因為係FULL FRAME，RAW檔執相時output時間都幾耐，容量亦大

目前計，鏡頭選擇太少了(不過玩得A7R，唔玩L記、蔡記、福記似乎浪費咗)

好多人買A7R係因為可以玩返其他名廠鏡，的確，只要有mount，真係有好多好選擇，而且機身重量適中，唔怕裝咗鏡之後會頭重尾輕，影出來啲相都有返以前菲林機嘅感覺。

其實本身SONY出啲鏡(尤其配Zeiss嗰啲)質素都好好，又有自動對焦，只不過真係太少選擇啦，如果鏡頭多啲，客路應該會廣啲。

操作上其實還好，但我總係唔太習慣佢個快門制個位置唔太就手，拍片時嗰粒制又太細縮埋一邊。

記得upgrade個firmware，而Playmemories app有好多嘢玩，佢兩支35mm/2.8F同55mm/1.8F都好輕身，帶出去旅行或者玩成日都唔怕重，算係咁。

將佢配上福記幾支鏡，又另一種味道，唔單止外型，而係相片本身都變成另一種風格，不過最好操熟部機，唔係都幾難控制好個鏡頭，雙click右上角(C1)可以放大對焦，對於機械鏡幾有幫助，不過最好都係用返景觀器對會準啲。

買咗幾個月，暫時都好滿意~

1) 3600萬像 加 菜鏡35mm F2.8 / 55mm F1.8 真係好銳利, (比我以前用的D800E/D600加金圈還要銳利得多)
2) 460g 拎足一日都唔覺重,
3) 個EVF 質數比以前sony無反提升左
4) 拍片方面達1080 60i, 流暢度高
5) 峰值對焦好用, (比fujifilm, canon的準確), 雖然較暗環境出現好多峰值noise, 暗環境用峰值有少少麻煩
6) 對焦速度已經夠快, 比好多單反還好
7) 鏡頭用上步進馬達拍片好有幫助,

1) 快門聲真係太大 (有靜音就好)
2) 機身物料問題, 易有少傷痕
3) 影jpeg noise 實在太人工化, 唔太靚
4) 高iso jpeg時, 暗位好多時出現奇怪既較光點
5) 高iso raw時, 暗位出現奇怪紅紅綠綠noise (呢一點係關於cmos 本身設計問題)
6) 鏡頭選擇仲係小
7) 無內閃, 有時只係想補光都唔得, 要多帶閃出街
8) 外觀設計真係麻麻地(個人意見)

的碓係一部好輕巧FF機, 一機一個細袋去到邊影到邊. 又唔會因為重量而形成負擔. 攝影心情返曬來.

1、體積小
2、售價合理
3、功能強大
4、畫質高
5、幾乎任何鏡頭都可用
6、即使配原廠Zeiss鏡質素亦有信心
7、活化了古董鏡頭及RF鏡頭市場
8、可以設定 Lens profile，修正暗角、色差及變形

1、外型不好，個人比較喜歡 類似Leica M的外型多於單反外型
2、快門聲大
3、用了Lens compensation app 后，C1 對焦放大失效，要轉到C3 (如有錯誤請指正）
4、說明書寫得很簡單，很多功能都沒有說

這部相機對於有一堆 Leica 及Zeiss 鏡頭的用家來說，實在是天大喜訊，未有這之前，要麼就用4、5萬元買Leica 機身，或用非全片幅機身，或許有人説，反正如果有這麼多名鏡，也不茌乎這個，其實並不是，要明白機身是電子產品，淘汰速度快，想想現在會不會有很多人用幾萬元去買M8機身？鏡頭則是可以用很久的，即使貴，也買得下手。
Sony 這部機身，雖然未臻於完美，但相信會挑起了相機生產商新的一輪競爭，以往各主要牌子以唧牙膏的方式推出新產品，茌這部機身的出現后，相信不得不調整市場策略，對消費者而言，是一件好事。

畫質正常
- Full Frame
- 無AA Filter
"比較方便攜帶"
- 機身輕
"操控比較方便"
- 雙轉盤 (光圈, 快門)
- 拍攝模式轉盤
- 曝光補償轉盤

- 機身對入門玩家大 (用開單反當然細)
- 轉對焦點唔方便
- 對焦速度比較慢
- 機身差電
- 差電慢 (用差機都係慢)
- 電池續航差 (兩粒電必須)

A7R + 24-70 F4 畫質好過 D700 + 24-70 F2.8
電池係一大問題, 本人用緊四粒電 (兩粒後備)

對於女性用家
- 機 + 鏡 + 卡 + 電 + 頸繩 <= 1KG (一般女性用家都 Handle 到)
- 有全自動 (咩都唔識冇問題)

對於有拍攝知識的用家
- 有齊一般單鏡功能
- 操控同單反差不多 (部機細左, 有 D 唔方便正常)

如果玩開相機, 又發現成日因為部機太大或太重而唔帶出街
A7R 絕對一歩到位的選擇
如果唔介意大細同重量
5D Mark III, D800 等單反比較適合
如果要影運動
A7R 絕對唔適合

最後, 部機係買比老婆用, 佢用左都好滿意
相比之前 D90 NEX C3, 佢影多左, 更願意帶出街
我仲發現佢睇相會偷笑, 同我當年 Upgrade Full Frame 一樣 ;)