Sony A7R

評測報告

實拍照片

全片幅機來說夠輕巧了，太輕反而影響配其他機械鏡的手感和操作。

識揀一定揀配55mm/1.8F(暫時選擇太少)，效果非常出色，飽和度及銳利度有極佳表現。

拍片質素出奇地好，只是追焦速度略慢(視乎你如何拍攝和用甚麼鏡吧)，雖然就嚟出A7S，不過推高ISO抗雜訊有幾勁都好，始終不如大光圈鏡頭，加上暫時4K又唔係太用得著，係1.8光圈下ISO3200都有好好表現了。

因為用開NEX-6，開頭個樣睇唔慣，但配上機械鏡後竟然無乜違和感，仲幾型添！有人擔心轉其他機械鏡會有紅閘、暗角或變形，但Sony好識做，只要裝返個app (Lens Compensation) 就可以調返個畫面，解決以上問題(不過個app並不支援拍片，有點可惜)

CMOS真係造得唔錯，加上一貫多種場景模式，新手都可以拍出靚相，FULL FRAME真係唔同啲，拍出嚟又sharp又靚

用慣NEX系列，手感同操作冇咁方便(但習慣便好)
快門聲實在太大了，連拍亦只有可憐的4張...

用電量較快，最好有多粒後備電，如果外拍全日再多一粒會仲穩陣

因為係FULL FRAME，RAW檔執相時output時間都幾耐，容量亦大

目前計，鏡頭選擇太少了(不過玩得A7R，唔玩L記、蔡記、福記似乎浪費咗)

好多人買A7R係因為可以玩返其他名廠鏡，的確，只要有mount，真係有好多好選擇，而且機身重量適中，唔怕裝咗鏡之後會頭重尾輕，影出來啲相都有返以前菲林機嘅感覺。

其實本身SONY出啲鏡(尤其配Zeiss嗰啲)質素都好好，又有自動對焦，只不過真係太少選擇啦，如果鏡頭多啲，客路應該會廣啲。

操作上其實還好，但我總係唔太習慣佢個快門制個位置唔太就手，拍片時嗰粒制又太細縮埋一邊。

記得upgrade個firmware，而Playmemories app有好多嘢玩，佢兩支35mm/2.8F同55mm/1.8F都好輕身，帶出去旅行或者玩成日都唔怕重，算係咁。

將佢配上福記幾支鏡，又另一種味道，唔單止外型，而係相片本身都變成另一種風格，不過最好操熟部機，唔係都幾難控制好個鏡頭，雙click右上角(C1)可以放大對焦，對於機械鏡幾有幫助，不過最好都係用返景觀器對會準啲。

買咗幾個月，暫時都好滿意~

1) 3600萬像 加 菜鏡35mm F2.8 / 55mm F1.8 真係好銳利, (比我以前用的D800E/D600加金圈還要銳利得多)
2) 460g 拎足一日都唔覺重,
3) 個EVF 質數比以前sony無反提升左
4) 拍片方面達1080 60i, 流暢度高
5) 峰值對焦好用, (比fujifilm, canon的準確), 雖然較暗環境出現好多峰值noise, 暗環境用峰值有少少麻煩
6) 對焦速度已經夠快, 比好多單反還好
7) 鏡頭用上步進馬達拍片好有幫助,

1) 快門聲真係太大 (有靜音就好)
2) 機身物料問題, 易有少傷痕
3) 影jpeg noise 實在太人工化, 唔太靚
4) 高iso jpeg時, 暗位好多時出現奇怪既較光點
5) 高iso raw時, 暗位出現奇怪紅紅綠綠noise (呢一點係關於cmos 本身設計問題)
6) 鏡頭選擇仲係小
7) 無內閃, 有時只係想補光都唔得, 要多帶閃出街
8) 外觀設計真係麻麻地(個人意見)

的碓係一部好輕巧FF機, 一機一個細袋去到邊影到邊. 又唔會因為重量而形成負擔. 攝影心情返曬來.

1、體積小
2、售價合理
3、功能強大
4、畫質高
5、幾乎任何鏡頭都可用
6、即使配原廠Zeiss鏡質素亦有信心
7、活化了古董鏡頭及RF鏡頭市場
8、可以設定 Lens profile，修正暗角、色差及變形

1、外型不好，個人比較喜歡 類似Leica M的外型多於單反外型
2、快門聲大
3、用了Lens compensation app 后，C1 對焦放大失效，要轉到C3 (如有錯誤請指正）
4、說明書寫得很簡單，很多功能都沒有說

這部相機對於有一堆 Leica 及Zeiss 鏡頭的用家來說，實在是天大喜訊，未有這之前，要麼就用4、5萬元買Leica 機身，或用非全片幅機身，或許有人説，反正如果有這麼多名鏡，也不茌乎這個，其實並不是，要明白機身是電子產品，淘汰速度快，想想現在會不會有很多人用幾萬元去買M8機身？鏡頭則是可以用很久的，即使貴，也買得下手。
Sony 這部機身，雖然未臻於完美，但相信會挑起了相機生產商新的一輪競爭，以往各主要牌子以唧牙膏的方式推出新產品，茌這部機身的出現后，相信不得不調整市場策略，對消費者而言，是一件好事。

畫質正常
- Full Frame
- 無AA Filter
"比較方便攜帶"
- 機身輕
"操控比較方便"
- 雙轉盤 (光圈, 快門)
- 拍攝模式轉盤
- 曝光補償轉盤

- 機身對入門玩家大 (用開單反當然細)
- 轉對焦點唔方便
- 對焦速度比較慢
- 機身差電
- 差電慢 (用差機都係慢)
- 電池續航差 (兩粒電必須)

A7R + 24-70 F4 畫質好過 D700 + 24-70 F2.8
電池係一大問題, 本人用緊四粒電 (兩粒後備)

對於女性用家
- 機 + 鏡 + 卡 + 電 + 頸繩 <= 1KG (一般女性用家都 Handle 到)
- 有全自動 (咩都唔識冇問題)

對於有拍攝知識的用家
- 有齊一般單鏡功能
- 操控同單反差不多 (部機細左, 有 D 唔方便正常)

如果玩開相機, 又發現成日因為部機太大或太重而唔帶出街
A7R 絕對一歩到位的選擇
如果唔介意大細同重量
5D Mark III, D800 等單反比較適合
如果要影運動
A7R 絕對唔適合

最後, 部機係買比老婆用, 佢用左都好滿意
相比之前 D90 NEX C3, 佢影多左, 更願意帶出街
我仲發現佢睇相會偷笑, 同我當年 Upgrade Full Frame 一樣 ;)

三千六百萬像素 加上 非常高dynamic range 及 色彩深度高，根據DoX Mark實驗室數據表明 影像質素明顯超越1DX 也超越大部分5千萬像素數以下數碼機背。體質非常輕細 但 結實，wifi方便，轉盤夠實 減少意外錯轉，可加電池手把 及 鏡頭轉接ZA鏡 提高對焦速度 增加擴展能力，自定義按鍵多，整個體系有可能代表未來專業及高階攝影系統發展向方，用sony經常可以用到新型感光元件，比起別家用舊式感光元件 只提升圖像處理晶片的做法更老實。

系統未成熟，FE鏡頭系統發展未成熟，鏡頭種類少，自動對焦系統發展未成熟未能像單反咁快(追焦) 當然，所謂自動對焦不成熟只係sony把A6000的對焦系統分拆出來揾多一筆先，時機成熟就出A9r 順手一招解決單反市場，全天候設計未介入系統之中，AF靈敏度一般，拍攝效率慢半拍，單插卡位，快門按鈕跟前轉輪位置錯配。

淡出A99, A7r及A7作為主機後援A6000。A7r日常出街都OK, 因為輕 細 高畫質 肯定係風光攝影師既首選，如果佢揾到合適自己既鏡頭。 又因為 高畫質 高像素數 肯定係經濟形studio拍慢版既首選，只要做好蔗擋現場雜光，因為閃光同步慢少少。
萬幾元 買來當小型數碼機背用ok㗎，但唔明有些人買來作為家庭用機，唔適合，像素數及dynamic range係非常高，目前整體拍攝反應比較慢(AF追蹤)，家庭用機買A6000更實際，A7都快。另外就係大概12個月後Hasselblad又會揾木材包裝下佢再推出，價錢大概係9萬。

1) 平價 FF 機
2) 重量好輕, 加上直倒都唔覺重
3) 解像力驚人
4) WIFI, NFC 過相方便
5) 峰值對焦, 萬能插
6) 電池與 NEX 同款, 唔洗換電
7) 內值水平儀
8) EVF 質數不錯
9) 雙轉盤位置就手

1) 電力一般
2) E MOUNT 鏡頭選擇暫時唔多 (但可用其他 MOUNT 鏡頭)

SONY 近呢幾年係相機既發展有目共睹, 以前好多人都講買相機唔好買 SONY, 到而家由便攜機 NEX 系列, FF A-MOUNT, FF DC (RX1), 1 吋 DC (RX10, RX100 II), 全線上下規格都算齊備, 相片質數比以前明顯有所提升。

當 C 記仲出 G16 既 1/1.7 CMOS 所謂既高階相機, 加多部最新 EOS M II, 差唔多完全無誠意既產品, FF 機外型比較薯, 真係比下去, 老牌 N 記都比 C 記有進步, 產品亦更多完化。

呢部 A7R 以咁既價錢真係交足功課, 足以令業餘玩家轉會, 暫時好滿意。