Sony A6000

評測報告

實拍照片

- 對焦表現有明顯提升。179點phase detection及AF-A連A7II都未有
- View finder像素減少, 點解係優點? 慳電囉, View finder高像素張相又唔會影得靚d, 夠用就得。好多單反支持者笑無反食電, 我用A7II就從來未試過要帶超過兩粒電出街(包括旅行), 何況A6000

- 沒有水平儀, 用開奄左覺得好唔慣

本人現有5D Mark II及A7II, 亦曾使用富士無反, 最近入手a6000。關於此機的優劣, 已有很多評論, 況且不是新機, 故不多詳談。反而很多人問我為何用緊A7會買返A6000, 所以想說說買機的心路歷程。

我選機的準則是希望在輕便與畫質之間做一個平衡, 主要拍攝風景, 生活照及旅行用為主。

首先, 在FF與APSC之間, 我覺得在畫質及構圖上主要有以下分別:

1. 景深
2. Noise
3. DR及色階層次

關於景深, FF的確能比APSC營造更淺景深, 是構圖上重要原素, 但略有攝影經驗的人也明白, 唔係要張張相後面blur晒朦查查先叫好, 連背景都睇唔清既相影兩張都嫌多。當然這要視乎題材, 影花花草草虫虫等主題會想背景虛化多D, 但影過呢D都知問題反而係怕景深太淺。所以我自己會取一個中間位, APSC片幅算是差不多。

關於噪訊, FF當然會好一些, 視乎個人接受程度, 我覺得此機的ISO 1600是可用的。如果只係post下facebook, 3200也不大問題。如果你話要認真既, 唔該落閃或落腳或用大光圈, 係都要推高ISO又唔落閃唔落腳唔用大光圈, 有幾認真呢? 當然打雀、影sports、影concert呢D就另計啦, 所以我都會留返部FF機, 但如果呢D情況唔多既平時就無謂攞苦黎身啦。

至於DR及色階, 自問未眼利到呢個程度, 同埋都鍾意執下相, 所以問題唔大, 我亦唔相信好多人會好容易睇得出分別。

基於片幅不影響構圖的前題(除了景深), 我寧願選擇一部更輕巧的機種for日用, 起碼用得輕鬆又容易攜帶, 出勤率都會高D。FF並非皇道, FF所能做出的構圖小片幅機一樣做到。

另一個考慮是品牌上的選擇和鏡頭群支援, 老實說M43甚至富士的鏡頭選擇是比較貼心和大眾化一點的。看看Sony的單反在Zeiss的支持下今天仍然要靠Minolta的某些舊鏡去補完鏡頭群, 就知道它的出鏡策略是何等有問題。又看看近十年Sony出無反輕單反, 繼而出A7輕APSC的情況, 怎會不令用家沮喪。

幸而, Sony APSC無反的鏡群中也不泛一些高質的鏡, 而選取一個系統最重要是看自己所需要的焦段有否支援。論質素, wide angle方面10-18 f/4是十分好的選擇。標準鏡有ZA16-70 f/4或18-105 f/4 G。定焦中有ZA24 f/1.8, ZA32 f/1.8, Sigma 60 f/2.8等高質及常用焦段, 可惜光圈卻總是比富士略細。Tele方面是比較弱的一環, 暫時只有55-210 (18-105勉強算半枝), 雖可用FE70-200, 但體積和重量也非細機用家會考慮的, 更別和Panasonic的35-100 f/2.8 OIS (360g)相題並論了。但話雖說回頭, 在各個非全片幅無反系統中高階的長焦鏡並不常見。

總括而言, Sony的無反APSC機是一個不錯的系統, 只要你了解它的弱點, 以及事先計劃好自己所需的鏡群, 一樣可享受到不少樂趣。

P.S. 另外, 有人會以A7系列與之作比較, 認為A7亦是主打輕便, 但機能及畫質上卻強勁得多, 理所當然會選擇A7系。我個人覺得這是未看清楚全局的看法。關於畫質, 上面已經談了FF與APSC之間的取捨。其次是機能, 的確A7系在機能上是有它的優勢, 如拍4K影片, 5軸防震等等, 這些都是正確的。但關於輕便一點就實在不能認同。如果只以A7一代的機身去比較, 那的確是很輕的。但到了A7II, 機身已達599g, A7RII更達625g, 而Canon 6D也只是770g而已, 省掉的不足二百克。最重要的是鏡頭, 70-200/4比小小白還要重, 16-35/4比Canon輕不到一百克, 卻比17-40重, 更別提那枝嚇死人的天涯鏡。總體可看到分別並不明顯, 可以想像到這是基於光學結構的問題, 如果FF鏡可以做得更輕, 那Canon, Nikon甚或Sony自己也一早應用到自己的單反上了。所以說A7系輕便是不夠說服力的, 也不能與A6000相比。

﹣自動對焦快咗，準確度亦有明顯進步
﹣像素高左，但係ISO 3200下仍然可以接受
﹣用A7介面，唔駛好似以前5N咁要入MENU SET 野
﹣外型同手感都好好，男仔用會覺得好舒服，女士可能會覺得重左D
﹣雙轉盤同自定功能鍵，唔駛下下要入MENU SET

﹣冇左水平儀
﹣EVF 得返144K，網上好多評語都話冇影響，但用過NEX 6／7既師兄一定會覺得粗左，冇咁細緻
﹣食電，一個下午可以由95﹪得返9﹪，出去玩一定要帶士啤電或尿袋

由5N轉過嚟，有升級既感覺。升級既感覺在於改善既自動對焦系統，EVF同操作既手感。同中階單反比，呢部A6000一D都唔輸蝕，值得入手。另一方面，我用返5N同一SETTING （B1M1，用VIVID ﹣1﹣1＋3），影人好似SOFT左D，要用00＋3要有返相同效果。

不過，個HOT SHOE冇左塊冚，要自己買。唔係貴，但SONY 連呢十蚊八蚊都慳埋唔比，令我覺得SONY好小家囉。你話CUT左水平儀同比個弱雞D既EVF係留返將來的MODEL 鋪路，但都唔駛連塊冚都CUT埋呀？

**************************************************************************
入手一個月的後加用後感(6 May 2014):

A6000 同5N比, 係追焦能力的確好好多, 但有時都會有失焦情況, 希望SONY 遲D會有新既Firmware 改善. 此外, 當部相機由慳電模式按半下快門active 返佢果陣, 要等大約2-3秒, 個evf 先有返畫面. 2-3秒, 係街snap, 可能錯失左時機.小弟建議如果只計較snap 速度, 不擔心電量問題, 可調教佢到5分鐘, 甚至停用呢個功能.

唯一令我頭痛既問題係, 佢個WB 同色同NEX唔相同, A6000 偏向紅同濃, 仲要係幾實果種.所以我以前套用係5N既SETTING 唔可以用直用係A6000度. 小弟係個懶人, 相鏡多數用係旅行, SNAP 或同屋企人出街果陣, 所以多數影JPEG 直出. 我以前5N會用B1M1, VIVID +1+1+3, 之後JPEG 直出, 冇論人同景我都好滿意, 除咗黃光之外, 女士面色自然之餘仲白裡透紅, 景又SHARP, 但咁既SETTING係A6000, D人影出嚟既面色太濃, 濃到好似用水彩上色, 不太討好. 解決方法係用B1M1, NETRUAL, +1+0+2, 又或者直接影RAW, 返去慢慢執.

以前有好多高手會係FORUM 分享佢地5N 既SETTING, 但A6000 似乎冇乜, 連MOBILE 01 都少之又少, 我現在都係用台灣高人係RX100 MK II 既設定, 先覺得OK, 希望將來會有多D 呢類分享帖, 等我都有機會學多D唔同既野.

最後, 我個人既感覺係A6000 既賣點係連拍同高速對焦, 所以都係用返原廠SONY EMOUNT 鏡啦. 若然要玩手動鏡, 小弟覺得不如配A7/A7R/A7S 好過.

1, 24 MP!! 點解冇人提, 點解冇人提!?!?!? 24MP 既APSC 機好常見咩周街都係咩? 俾個例子我丫不如!!
2, 神速+神準AF-A, 唔明自己上SONY 陳列室玩下,記住係AF-A!! 你會大為驚歎做乜連所謂既CN 旗艦機都冇佢咁準焦(點解我一口咬定? 因為我係1DX USER!) ! 就算暗到爆炸依然極快、超狠、喪準
3, 大多數情況下都可以單手操控!
4, 快門跳動力度小, 慢快門冇問題~
5, 電量驚人! 影450張RAW + JPG 冇閃 98% > 32%!! 大前題係記住開飛航模式否則會倒水!
6, ISO表現: 800完美~ 1600 工作~ 3200 交貨!
7, 功能齊備, 大多你想要既功能, 佢有齊~

1, 最大缺點係膠! 好__膠!!
2, 支KIT 廢既, 早放貴幾舊!
3, 行貨價同水貨價差距甚大
4, 我十世都唔用一次既EVF俾大家話比起NEX 6 DOWNGRADE 咗 !
5, 只能用副廠飛燈系統, 有欠大廠風範!
6, 冇反芒! 最大投訴之一!!

A6000係一部只存在「幾時買」，並不存在「買唔買」既相機

論系統鏡頭, 短距有支11變, 中距有1670, 長距有70200FE, 定焦更加唔駛講, 要紅圈虛榮既呢度齊 ------ 一堆藍標菜頭等你慢慢揀, E24 包辦 35MM界既翹楚, 光學質素完全冇問題!

論機身功能, 對焦, 唔聲唔聲嚇你一驚, 7D2, 1DX, D4都要死埋一邊, 快到痴線, 預先對焦, 連對焦掣都唔__駛按就可以直按快門! 直接(1670Z)同我左手部1DX(2470II)對決, 都贏!

論質素! 5D 2代全幅喇掛, ISO表現仲差過呢部APSC 機!! 無論RAW同JPG都輸晒! 發色, 獨特! 蔡司味呀, 黑頭白頭紅頭L頭乜頭都好, 日本仔鬥乜鬼丫返屋企啦!

都仲未提佢有幾輕便有幾單手, 呢啲嘢唔駛多講喇掛? 新手咩!

10分既, 呢部機我俾9分! 0.5分扣佢冇反芒啦! 0.5 分扣佢膠機身!
買啦! 唔會後悔!

機身輕，出街冇負擔，家庭影吓相非常OK,而且$7380兩枝鏡又送返$500禮卷，呢個價真係好抵，枝蔡司1670更去到$6300(不過小心好易入塵)

粒電好快冇電，冇座充，我令外買PowerMart的座充唔係就要連機掉掉Fing，Noise比我預期嚴重(Canon 70D比)原相在電腦第一眼睇冇問題當一扯大就好多Noise用a6000本身睇也一樣，以前用16GB咭70D影Raw只有430張相Sony就有615張 ，晚黑用枝55-210影遠時如果光線不足(我所講的是一般晚上不是很黑的環境)也迷得幾利害，用夜境模式會好好多但Noise也重很多，我用枝Tamron70-300 For Canon也未至咁唔好講小白，唔知Sony枝小白會否好很多呢？得閑要去Sony試吓，但現在星際最平也要$10000，而且變回揸石頭影相心又唔想！Sony本身內閃也設計得唔好，影前動作是Bo Bo Bo Bo Bo閃五次才影，攝影及被攝者也不安有些人會跟你枝燈斬眼，所以有時焗住用後廉影，如果買閃燈枝43又太大枝20又唔夠，問過萬成話下個月尾枝Nissin i40會到會係枝43一半大，起碼唔會燈大過機，一於等，其實韓國仔用部三星NX3000影衫也影得好靚(細節/Noise)但過唔到三星關口，還有Sony機保值能力非常低，因為Sony自己也不停落價，總結Noise&Sharp位跟其它APS-C機比還有一段距離。

我用枝16-70 F4測光對焦也爽很多，枝16-50 Kit鏡有點慢，但色水也可接受，對焦0.06 sec是日光日白，但正如Youtube 只要打Fujifilm XT1, Panasonic GX7跟a6000 ,Low Light Focus Test 入面一樣，當現場唔夠光就慢到得人驚，令外兩部就快好多敏捷得多特別是GX7，看過一些心得寫Sony A7R超越1DX很多，但我和我令一同事(已買A7R)也覺吹得很大，唔同你比夜晚因實死，平常我們經常要去韓國東大門影衫辦，當你放大小許D Noise就開始慢慢放大a6000更嚴重，D紗線內細節唔夠很矇，而個Mon就色水有點灰Normal多一格又唔夠二格盡又多過頭(我們是用實辦/電腦/相機分析)，還有當曝光加減時Canon觀景器是實時加減影出來是差不多，但Sony就做唔到比實際有落差(觀景器/Mon/電腦)，APS-C機來講處理Sharp位及Noise比Nikon /Canon/後起的Fujifilm也有距離，我已是用蔡司1670來影，當一扯大可以用小漿糊來形容,對焦點那Sharp位唔夠Sharp,用Raw影就好很多張小漿糊程度縮小Sharp位也開始見到小小線條，唔信可以去Sony中心試一試機，但問心每次帶EF 17-40 /24-105去有時重要帶埋70-200 4L連Body閃燈返到酒店一邊膊頭也紅幾日，但現在16-70/55-210就輕鬆很多，希望sony 下部有Touch Mon，不過EOS-M3會有70D反應配備，到時唔知會唔會用返Canon，因為始終都未習慣Sony色水特別是影人，不過EOS-M鏡頭冇枝掂又係死，希望Canon 9月發佈M3前，盡情享受輕便樂趣，反正呢六七年未試過如此舒服過。

1 操作感提升（可自定按鈕多了很多）
2 對焦快左
3 畫質提升？

1 快速的兩對焦其實中焦率比較低（和nex6比較）
2 提升了相片像素使 iso 降低左（和nex6比較）個人覺得
3 畫質下降？

對上有師兄對a6000有很不愉快經驗…我也是nex6升a6000初時也覺畫質為何好像降了？
為何相片質量會時好時壞？
本人有 Zeiss Touit 32mm f1.8、50 1.8、長短kit、16 2.8 後來小心比較發現要發揮a6000 的 2430 萬像 只有 32mm f1.8 可以（我有的鏡頭計）～
就像 a7r 一樣 a6000 是 apsc 級裡的照妖鏡 kit 及 16 2.8 等本來畫質已是平平，在2430 萬像下缺點更加放大！50 1.8 只可以算合格而有足夠解像力的 Zeiss 便顯出身價發揮出 a6000 實力！
因此網評都說畫質提升了也有其他師兄覺得有提升，因為他們都多是用 Zeiss 鏡試機。
畫質a6000是好的，不過前提是你要支好鏡頭才可以發揮出來。

畫質是提昇／下降便要看看鏡頭了，但說真的比nex6是提升了 只是kit的質數沒跟上。

AF快, 179點PD
24M SENSOR用了A7R的無縫技術, 收光多了
11FPS連怕, 約50張BUFFER
EVF 實用
WIFI REMOTE
平, 4千多行貨機身

反MON只有90度

一個MIRRORLESS的新標準. 打低很多中下價DSLR. 在中價無反中也無敵手. 連一年後的EOS M3在SPEC上也未能有任何部分超越. 對手也只能拿一些過人喜好等來說嘴炮. 例如不喜歡色太濃唔清淡(SET淡又說別的牌子DEFAULT已岩), 夠有人話你太淡唔鮮艷啦.... 總之SONY用CANON鏡AF唔夠CANON快呢D可笑理由都出得, 就知道已經冇咩實質野可以用來說.