優點:
1) 最大既好處當然係 1.8大大光圈啦, 而且仲要係可用光圈!! 下面有解釋=]
2) 小弟手上呢支好準焦
3) 景深圈內中央成像夠利, 整體感覺結實有立體感
4) 冇hsm預左佢會 i) 對焦點夠光時速度都夠快 ii) 唔夠光時一定會慢, 但合焦後都係準焦, 所以都ok!
5) 對焦環轉動時手感一流, 冇虛位夠實在, 有少少手動鏡既感覺
6) 抗耀光交足功課, 問題唔大
7) 星芒靚
8) sigma傳統送袋送hood, 正!
9) 82mm filter真係好型仔, 外型碩大有睇頭
缺點:
1) 由AF切動至MF>>要拉個對焦環落黎再係側面拍制<<先叫完成轉換過程, 開始會有少少唔慣
2) 20mm廣角如果唔用薄cpl可能會有黑角.....但薄cpl又好貴.......幾乎係支鏡既五分一價錢
3) 用係aspc都會有少少變形, 岩唔岩就見人見智
4) 最少光圈得22, 如果冇灰鏡又要將熊熊太陽入鏡可能會唔夠
5) 強光下邊緣會有少少紫邊, 但完全可以接受
評價:
呢支鏡有關1.8光圈到底係咪可用其實要睇你影既距離.........!! 如果用1.8影距離約0.2~0.8米內既東西, 佢可以係成像銳利. 我試過係約0.5m影鏡頭蓋, 結果成像優秀, 銳利結實, sharp到可以睇到蓋既質面細節. 解像力高又且準焦, 所以絕對係實用可靠既1.8
但一到影遠野1.8就會變得好鬆, 其實可以理解因為影景一般會收光圈. 而支鏡收到2.8就已經可用, 能應付大多數昏暗環境........收到8就更加出色, 比sigma 18-50mm 既廣角端好超多
至於對焦環設計係有少少怪, 要拉對焦環落黎再拍制, 唔係對焦時會轉......但可以理解, 因為佢就係用呢個結構令手動對焦時有更高既精準度, 老實講USM對焦係快, 但一切換到MF就始終冇傳統手動咁準咁實在...
入呢支鏡入手時3860, 偏貴.......如果係3400-3500左右就最理想!