Tamron SP AF28-75mm F/2.8 XR Di LD Aspherical (IF) (A09)（已停產）

1) 恒定光圈 f/2.8再加上光圈葉片數有7片, 散景美且圓
2) 要SHARP的話, 光圈收到F4已很好
3) 顏色很主觀, 個人覺得成像顏色夠自然, 有人可能嫌淡, 但起碼沒有偏色問題.
4) 有75MM望遠及最短33CM對焦距離, 影大特寫同微距 效果唔錯
5) 性價比高, 2千多可有5年保養還包花花HOOD
6) 重量輕, 可提大大高你的機動性

1) 對焦聲夠響...
2) 夠光的話對焦沒問題, 不夠光就變音樂家...長拉小提琴
3) 太便宜?! 滿足不到你的虛榮心...
4) 唔夠WIDE, 只有28MM...
5) 同其他伸縮鏡頭一樣易入塵

用了兩年多, 覺得這鏡影人像, 靜物同小品最為適合.
用於corp機的話可能要買支wide d 的影風景,
但若是full frame機, 個cover range已很好.
一支canon 24-70mm的價錢 = 3.5支 tamron 28-75mm,
前者是否真的優秀三倍就見仁見智,不過tamron 28-75mm是
絕對值得一試的.

用後感談

用後感談

利申: 用5d mark 2
2手入價 1800蚊有保

支鏡大光圈微距輕果d唔講..之前好多ching 都講左..
我反而想講下點解我會買

我唔係原廠死忠, 之前試過sigma. 但上左ff 後..
寧願放更多錢係定焦同wide angle 度..
所以打算平平地買支當標準鏡用... (即是non ff 機既18-55mm 左右)

在ff 機上..可影人影境.. 方便到極..! 景深易做..! 一般夠wide,..
打算加支sigma 12-24影景 同70-200 影人.. 咁就夠.!

就算你有大把銀彈.. 你都應該有支看門口..!
因為1) 佢方便夠輕...你同家人女朋友去下食飯你唔會想拎住支2470..
2) 一般情況下夠用有多.!
3) 就算無hsm. 係一般情況下都對焦快..
4) 無走焦問題
5) f2,8可用.. 唔同有d 鏡f2.8 係soft到用唔到. 收一級光圈影得境
p.s. d 支鏡好多野未去到好極級..但就為你帶來好方便..!
好多時我地影相要係價錢.方便.同相質中間找個平衝點..
我覺得d 支鏡就係個平衝點附近.!

咩人唔值得買.:
1)canon 死忠
2)鍾意影逆光人像者(有時會對唔到焦)
3) 要型同虛榮心重者
4) 非ff 機(7d x0d xx0d xxx0d) 因為真係唔長唔短

p.s. 唔係hardsell,, 只係用後感.. 1800蚊 早買早方便:)

1.假定用在full firm相機,焦段一流28-75mm，人像,風景都好!!
2.恆定光圈2.8，光圈全開影人像，成像也極佳，色彩柔和，亦不過份銳利。
3.體積及重量，也是同類型中最輕最短,高機動性!
4.價錢合宜，容易接受。

1.低光時較難對焦，時常失焦(可試單點對焦，成功率較高)
2.鏡身不太紮實，虛位易鬆。(相信較易入dust)

它是本人一支主要的人像用鏡頭(夠輕 及 28-75mm人像夠用)，我鐘意它的成像質數柔和舒服,較貼合影女像需要。

1.買錢平
2.重量輕
3.色彩還原度高
4.F2.8

1.時常無貨
2.對焦有聲,但可按受
3.沒有紅圈金圈,外觀較普通
4.沒有鏡頭袋送.(硬要說多個缺點)

我是用450D新手,手上有17-40L同A09
A09給到我預期的成像,色彩還原度和17-40l差不多,只是較冷(個人接受到),對焦是有聲,但仍可接受,最少沒有防礙我影家中的貓貓.焦距和重量都非常適合一般生活上使用.
這個價錢有這個質素,而且是恆定F2.8,實在難得.如果是原廠貴一倍價錢都可能購不到.
只要衝破原廠就是最好這個心理障礙,你就會覺得這支鏡很好用.
最後想說這支鏡很多舖都沒有貨,特別canon版

1) 價錢大眾化：$450呢個價錢只可以買到EF-S 17-85mm,後者光圈整整細1-2級(4-5.6)
2) 重量輕：EF28-135 IS無f2.8已經過500g,騰龍呢支有恆定2.8,多得騰龍肯落重料(多塊非球面)減輕重量/縮小體積(Canon原廠鏡加一塊非球面起碼加你$100)
3) 焦距實用：28-75mm放落APS-C度真係唔夠廣角,不過75mm x 1.6出街絕對夠用
4) 微距勁：75mm@33cm對焦距離,散景仲勁過50 f/1.8@45cm,影花仔,小模型夠晒

1) 對焦聲：帶佢去影管弦樂之類既音樂會,要有「畀人趕出場」既心理準備---嘈到拆天
2) 對焦唔準：就算唔係微距狀態,用電腦放大黎睇經常有甩焦情況
3) 唔支援全時MF：用緊live view想微調焦距,幾乎唔記得住要撥去MF
4) 無VC：當然,有就唔止呢個價錢,只能算半個缺點
5) 畫質差：中央唔講(中央都唔靚就唔係鏡頭),邊位色散勁,而且畫質散

我係響ebay連40D+小小白買返黎,前用家保養好好,心想擁有第一部DSLR,come with一支恆定2.8,真係好滿足,有埋1:3.9倍既微距功能....
不過以上講緊既係「光線充足」既情況下既好處,一入室內....ISO800+F2.8+1/60s既光度,對焦已經好猶豫,反應一d都唔似有2.8既亮度....
有兩次帶佢去影舞台表演,雖然比小小白可以爭取快一級既快門,不過返到屋企電腦,即時現形,30張約有13-14張走焦,起初覺得40D對焦一般,但用小小白影同一個場景,雖然細一級光圈,但對焦交足功課(30張少於5張走焦)如果唔係有小小白在手,無比較既話,我可能會懷疑40D既對焦能力,不論係中央單點對焦,還是9點全對焦,走焦問題仍然存在,而且對焦對得好猶豫,「拉風琴現象」經常出現(討厭)...試過用直尺同卡片測試對焦情況,發覺偏移情況又唔係咁嚴重(28mm或75mm@40cm對焦距離,走焦不到2mm)
另外對焦聲.....試過影家中兩隻熟睡中既兔仔(@1m),一對焦,兩隻兔仔即時醒晒....
所以,影舞台我唯有用50 f1.8,雖然都係嘈,但可以爭取更快既快門,最多自己「用腳變焦」
咁既價錢有2.8/微距,實在難能可貴,不過如果騰龍推出此鏡作為全片幅既標準變焦鏡,係唔係應該加多幾錢肉緊落去呢?因為對焦準繩度及聲浪真係嚇怕唔少用高端機既用戶,至於APS-C既用戶,就算唔影開超廣角/百人大合照,都必需為此鏡付出代價(另買17-24mm開頭既廣角鏡),因為45mm真係好窄....橫幅影五個平排既人(連腳),都要10m攝影距離,去到人多既地方死硬,建議APS-C用戶要用平價2.8,倒不如用同廠17-50好過
至於畫質,此鏡目標用戶乃全片幅機如：5D/D700等,但畫質真係唔得,縮光圈至4情況仍然唔理想,難以配合超過12m 既機身,既然全片幅用戶用$2400-$3000買機(A850都要$2000),相信此等用戶都唔介意買一支高質又使用率最高既標準變焦鏡,講真,雖然EF 24-70貴佢好多($1300),瀏覽多個鏡頭測試網站,MTF的確比騰龍好,加上USM既幫助下,相信對焦會快過此鏡(不過聽聞師兄話EF24-70仍然有走焦問題)
總結：APS-C用戶若已有超廣角鏡在手,入手此鏡增加標準焦段火力絕對無問題,不過經常要影室內兼動態環境既用戶,應該要換一支有USM/AF-S/SSM既鏡頭

1:成像銳利。
2:輕巧。
3:價廉。
4:顏色忠實。

1:用在FF上,光圈全開有黑角。

我是5Dmk2的用家,此鏡本來是代用品,諗住將來有錢才换紅圈,初期用毫無感覺,但後來有錢買24-105F4 L後,比較之下紅圈色水較濃,但細節卻是A09較優勝,只輸了黑角及usm,當然两支鏡焦距不同,比較也不公平。我心目中此鏡值5000,但3000大元能擁有它,我覺得是超值。

此鏡最大敗筆,是光圈全開有黑角,起碼要收到F4,希望第時有新版本可以加大口徑,解決黑角問題。