Sigma 24-70mm F2.8 EX DG HSM (已停產)

評測報告

實拍照片

同下

同下

用完佢完全覺得值回票價!
24-105L $7800
24-70L $10600
里支 $6000..

可能你會話, 平咁多邊有得比呀??
我都係係半信半疑之下入左里支, 但用完之後完全無話可說..
畫質:
同樣光圈全開SHARP過24-70L, 收到F4 時最SHARP, 24-105L更是收多幾級光圈也追唔上
飽和度高, 色水甚至高L鏡濃, 色偏不明顯, 所以唔須要加SATURATION都可以影得好出色, 相對來說, L鏡發色比較寫實一點, 顏色轉換比SIGMA好, 令里支影出梨O既相冇L鏡影出梨咁自然
暗角不算嚴重, 但不能用相機或DPP自動修正, 個人喜歡小小暗角以提升電影感XD
對焦:
意想唔到咁快!! 以前 USM 一點就到O既現象而家HSM都可以做到!比同廠50.4都要快和準!! 暗位對焦都有好大改善相比L鏡下對焦聲大了一點但已經很不錯了..只是鏡頭走焦比例高, CAL鏡到排好耐..
外觀:
冇L鏡咁型...成支肥仔鏡咁, 外面COATING比人唔安全O既感覺,不過比起24-70L 輕左1XXG, 又短D好收藏D, 82MM係好殺食, 但FILTER都特別貴..同其他鏡O既FILTER又難夾..(16-35L除外XD) 前鏡組特別重, 好驚有日會自動變焦..冇防水防塵, 用O既時候冇咁SURE, 不過我落緊雪O既時候用都冇問題..

睇得里支鏡, 相信你都係諗緊原廠好定呢支好, 唔好同舊版比..冇得比, HSM同畫質係進步左好多架! 24-105L都算啦..用開大光圈唔會習慣F4里個LIMIT, F4光線不足時不能ENSURE高速快門..24-70L好正, 但實力相差不遠之下要貴4000..
同原廠比最大分別都係支鏡比唔到你紅圈O既虛榮心同自信..可以咁講如果你攞支鏡梨鍚同收藏, 24-70L一定比到最好O既你, 又保值好多, 但講實用, SIGMA 24-70絕對夠晒..支鏡平咁多用起上梨都唔使就住就住有咩損傷唔會肉都赤埋, 自己平時日常使用質素正之餘又唔使咁揚, 24-70L連埋HOOD真係成支SSW咁上下大小..平左出梨O既$$又可以儲蓄起梨買下一支神鏡..

例如135L F2就是我下一個目標!

- 平而質素頗高
- 焦段好用，要輕便帶佢一支就已經應付到大部份情況
- HSM對焦寧靜快速
- 色水討好，散景效果亦優異
- 用在Sony A900平衡感很好

- 個外皮好心改咗佢啦，又沾塵又易甩又唔係靚仔
- 廣角端桶狀變形都算嚴重
- 開盡光圈時邊緣成像有啲散
- 冇Sony原廠菜鏡24-70 f2.8色水咁靚
- 可以內變焦就更好

整體性價比一流，雖然唔及原廠鏡，但價錢就平一大截，乜都抵翻晒，基本上冇投訴！

用得呢支鏡, 絕大部份應該都係跟原廠比較
1. 性價比不容置疑.
2. 成像 / 發色 / 層次 / 散景樣樣皆恰如其分, 其實表現相信是高於一般人期望.
3. 24-70/F2,8 焦段實用, 日常生活, 就算室內提高 ISO 已足夠應付.
4. 耐用, 用上一段時間, body 鏡身 (不是玻璃) 沒有出現任何脫色甩油問題.
5. F2.8 最大光圈可用

1. 重 (就算 790g vs 900g 的原廠), 輕左110g, 都係重, 用上數小時後相信鐵人都會手軟.
2. 82mm CPL 要 $7XX, 因為有 24mm 屬 wide 鏡, 需要用上特薄 CPL, 否則 F2.8 容易有黑角.
3. 需要上 CS calibrate, Sigma 應該好大部份既 product 都要呢個步驟 o.
4. 沒有 OS 防震, 雖說 24mm 安全快門可以較慢, 不過光線比較暗時 70mm 時, OS 還是需要的

不少人話比原廠差, 發色 / 中焦不及原廠等等, 本人十分懷疑有幾多 ching 同時使用此兩支鏡一起做比較, 價錢相比原廠平 50%, 表現則有此鏡自家的"性格", F2.8 可用, 十分 sharp (27" monitor 睇相, 唔全開時) 足夠有餘, F5.6 更是鋒利似刀 o
此鏡曾經於雪中探索, 微雨中流竄, 表現絲毫無損, 唯獨是比較重.
一支性格比高, 實用兼耐用可靠, 表現不會令人失望的鏡, 還想要什麼?

1) 平過支紅圈四千蚊，抵用。
2) 無晒以往Sigma鏡既黃調色水，解像力及飽和度較舊版支marco高。
3) 對焦速度比舊版支marco更快。
4) 比同類型產品短身，入袋慳位。
5) 造工精美，鏡身扎實有質感。
6) EX系列塗漆夠厚，有防跣手功能。
7) 82mm頭，夠霸氣。

1) 變焦環較原廠緊，扭得無咁舒服。
2) 摩打變焦聲較原廠大，尤其轉盡無限焦時會聽到一下馬達撞擊聲，無原廠鏡設計咁靜。
3) 鏡身象膠環太黏，容易黐塵。
4) 鏡身粗碌，手細既人無咁好渣手。
5) 遮光罩套入設計唔夠支紅圈設計咁好，包唔晒伸盡時(70mm焦距)既鏡身，入塵率大大增加。
6) 市面十支起碼有六至七支會有走焦情況，好大機會要cal鏡。
7) 82mm頭，用過之後就會覺得桌頭多過實用性，買新版B+W MRC filter真係貴到x街。

此鏡乃Sigma廠近年其中一款很有誠意之作！以吸引既價錢、性能、外觀計設及影像質量...吸納了一大批用家，使用家得到一個頗超值既畫質回報。在此forum內很多用家都對呢支鏡讚口不絕，小弟都係睇到咁多好評先至入手購買，好想講出自己對呢支鏡既感想。今年九月購入Canon 7D同時入手此鏡，係舖頭試左三支，呢支都算無走焦走得咁犀利(走前4mm)，第二日上晝在無預約之下踩上北角CS即cal，師傅檢查完話真係有d走前，但唔算嚴重，立即同我tune鏡，叫我等陣，我等左15分鐘就攪掂，我都唔知點解個師傅咁好水，唔駛擺低幾個禮拜，我check完妥當即刻拎走，好過中三重彩！
開頭未摸熟支鏡既特性，淨係覺得支鏡好x粗碌，用用下睇返d舊相比較，發覺又真係無晒早期Sigma鏡既黃調喎，解像力及飽和度亦都較早期d鏡高，覺得呢支有d似Nikon鏡既色水(以前玩N記)，色彩比較Canon支紅圈自然d中性d，其實..優點同缺點我已經係上文寫晒，應該無乜野可以再講..
上個月，我上去老細屋企幫佢整野，佢同我講佢想將所有攝影器材放掉，話無時間玩喎，哈~ 咁岩佢有支Canon24-70L紅圈放係防潮櫃度俾我見到，我問佢幾時買架？佢答我..買左三個月(佢話都無拿過出街影過)，我即刻打蛇隨棍上講話我想要呀！佢即刻平讓俾我，我check過99.9%精神靚仔兼妥當，超級筍價！第二日科水，開心到裨！
入返正題，現在手上有兩支24-70mm鏡，分別係Sigma EX同Canon L，兩支我大致上摸熟，其他野唔講，只係想講講兩者係畫質上有乜唔同……
EX色水較L淡，EX接近自然色彩但都較以往舊系列的鏡濃色，而L則色彩比較飽滿，尤其影人面色紅潤d，其實各有特色。即Sony Bravia LCD TV同 Pioneer Plasma TV色水比較，各有擁帶者。不過我就鐘意L鏡紅圈色彩多d，兩幅相一拼埋(影同一個人)，邊張吸引我？答案係後者！論畫質立體感亦都係支紅圈強，對焦速度又係支紅圈快，摩打變焦聲亦係支紅圈較靜，對焦準繩度都係支紅圈高，較暗光線下對焦EX比L迷焦率高~
其實唔係想自己左手打右手，只係想講……我親身感受過……兩支鏡原來係唔同級數既野，我初時仲以為Sigma可以越級挑戰，但兩者都俾我擁有左之後，先發覺一山還有一山高！原廠真係用左好龐大既資源物力去開發鏡頭，目的係要百份百配合同廠相機之匹配組合性，大家千祈唔好再將副廠同原廠比較啦！
最後，我對Sigma呢支鏡給予一個正面而且十分高既評價，抵玩！

1. 超sharp (不過一定要cal, cal 完先係超sharp).
2. 成色非常飽滿. (其實偏暖, 不過我喜歡, 特別影BB, 面紅紅幾好)
3. 平過原廠好多, C/P 高.
4. 輕過原廠少少, 又短少少.
5. 對焦快, 在足夠光線下, 不會慢過原廠, 室內比原廠慢, 但係已經好好.
6. HSM, 有全時手動.
7. 有份量(重), 有質感.

1. 多數要cal 完先唔走焦.
2. 有人喜歡平實顏色, 有人喜歡飽滿, 所以可以係優點又可以係缺點.
3. 變焦環緊左d, 但用用下會修番d.
4. 話輕唔輕, 話短但肥大, 一樣唔方便旅行, 不過好過原廠少少.
5. 放大率唔算高.
6. 冇防水邊.

我用D700, N24-70又太貴太重, 室內我多用50 1.4, 所以中段鏡本應以方便為主, 但FX中段方便鏡又高質不會有太多選擇, 例如: N24-70(太貴太重), S24-70, N24-85(變形問題, 冇AFS, 我老婆部D60用唔到), N28-105(變焦前鏡會轉, 不便用CPL), N24-120(5.6以上先見得人), T28-70(其實唔錯又平, 不過太膠), 所以最終選了s24-70 hsm.

如果唔怕上cs cal鏡, 我非常推薦, 用在D700上, 不會比n24-70差 (我借過朋友支n24-70用左幾個月, 真係正, 都係錢作怪)

比原廠平超過一半,性價比好o

配D90光圈3.2人像,本人覺得不是很shap

1.對焦快 2.色水好 3.外觀型