優點:
-Size細
-價錢平
- 影食物 / 模型景深很好
-以經常拍靜態物件(如人/風景), 對焦速度及準確度可以接受.
- 配合100D, 350-750D相機使用, 單反即刻變身為DC仔, 成功為單反瘦身.
- fullframe機可以使用此鏡(但有限制)
缺點:
- 手動對焦時, 仍然是馬達對焦, 即是使用者每扭少少支鏡, 鏡內感應到轉動後就會電子推動變焦鏡片來改變對焦... (這樣會有少少delay)
- 雖然fullframe機可以用, 但暗角超明顯, 我個人覺得支鏡根本只是design for APSC, fullframe機只是"裝得落"而已, 裝左支鏡落fullframe機, 暗角極大, 好似用緊CCTV鏡咁. 所以買了6D/5D的師兄如果打算買此鏡來為部FF機瘦身的話, 請慎買, 必要時要帶埋部機試過先好買(或者呢種程度暗角只有我一個人接受唔到)... (本人用5DII, 可能出5DII時未出40f2.8, 所以機身沒有此數據來消除暗角)
- 2.8光圈差左少少, 但買呢支鏡既人多半為左相機瘦身, 所以贏size輸光圈 應該不難令人接受.
- 至於其他什麼膠感重, 似玩具, 等等, 我不寫了, 因為買得餅鏡都唔會預佢會做個金钃殼比你, 當佢真係做個金钃殼比你, 你又會嚴佢貴嚴佢重.
評價:
- 影像質素介乎canon 50f1.8 及 50f1.4之間, 實際價錢也介乎他們兩者之間.
- 雖然說是窮人三寶之外的第4寶, 但其焦距跟50f1.8十分相似. 如果只是1-2m距離影人的話, 50mm及40mm可能只是行前跟行後一步的分別. 所以沒有必要40f2.8 和50f1.8一起買, 兩者取其一就可以了. 但如果兩者給我選擇的話, 我一定會選50f1.8, 因為本人選鏡頭是光圈先決, 可以贏景深+贏低光(f1.8 vs f2.8可以調低1.5級iso, noise都可以贏埋), 最後仲贏埋價錢, 所以我選擇50f1.8
- 但本人既然擁有此鏡, 就該善用吧, 本人是買100D kit set得到此鏡, 於到100D上有64mm焦距, 此焦段影人不錯... 而我都幫公司影產品做Catalog都是用100D+40f2.8, mission complete!! 隨街搜拍都很方便; 朋友個細路係m記攪生日會, 我都係全程拿住部100D+40f2.8去應付. 所以64mm焦距的應用範圍其實是多元化的.
- 所以綜合以上的優點缺點, 結論如下:
1. 40f2.8是一支好鏡
2. 較適合APS-C
3. 但如果未買, 可以考慮50f1.8及40f2.8二者選其一
4. 如果買左, keep住唔好放, 因為實用, 以及支鏡唔貴放左唔值錢(用來做後備鏡都不錯)