文：Tony Lam
今年為 Porsche 70 周年大日子，全球不斷有慶祝活動之餘，今天廠方再為車迷帶來一份厚禮─── Porsche 935！
你無睇錯，的確係 Porsche 935，這部似曾相識的經典名車，確是廠方為慶祝 70 周年大日子而復克炮製，以現時最強街車 911 GT2 RS 為基礎打造，外觀則以 1970 年代的 935 〝Moby Dick〞 賽車為參考，一切純為賽道而設（你諗吓都知明顯唔可以行街）。動力心臟為一台 3.8 公升水平對向六汽缸雙渦輪增壓引擎，最大馬力達至 700 匹，清一色配 7 前速 PDK 波箱，全車淨重 1,380kg。外觀最搶眼位置當然是長長的車尾及巨型尾翼，另外四隻紅色輪圈同樣以經典造型現身，車廂則以簡潔為主，只得一個座位（可加錢裝多個），賽車化軚環及冷氣（無錯，係冷氣！）。最後，這份來自廠方的生日禮物全球只得 77 位幸運兒可擁有，只要閣下口袋裏有 $700,000 歐元閒錢的話，好應快快向 Porsche 代理落訂。
你對自己的愛駒有甚麼評價？而準備買車的你是否想知多一點心儀座駕的優劣？不妨在本網的汽車資料館內揀選心水的汽車型號，發表或瀏覽用家心得，說不定可以因此結識到志同道合的「車友」！
https://www.dcfever.com/cars/userreviews.php
