文:本香猛
有無曾經幻想過自己係武術高手,一個打十個?或又者可以飛身踢爆木板或徒手碎瓦片?日本攪鬼玩具廠 Bushiroad Creative(ブシロードクリエイティブ)旗下扭蛋品牌 TAMA-KYU 就讓人人成為武林高手,新作「可能會損毀的瓦片(暫譯,マジで割れる瓦)」將瓦片大幅縮細,唔使食過夜粥也能輕鬆空手破瓦!
瓦片每塊只有 40mm 左右大,並用 ABS 原料打造,薄薄一片徒手也能碎開。扭蛋則每轉有 6 片,並分為紅、藍、黃、灰色,另有用作支撐的空心磚。扭得愈多瓦片愈多,一個空手劈下實在相當舒壓(當然要小心劈空氣整親手啊)!另外,由於瓦片脆弱如「豆腐」,為免玩家免吞,所以此產品只適合15歲以上使用,買後就不要讓小孩碰到了!
以上扭蛋預計 2020 年 1 月上市,扭一轉 200 円,平平哋好抵玩!