【靜岡．伊豆．橫濱】之旅－Day 5：伊勢龍蝦天丼．橫浜約會Oppa <3

呢度真係太舒服，瞓到唔想起身，但11點要check out，幾唔想都要起身食左早餐先，早餐又有燒魚，仲可以俾你揀魚，好傳統吧和式早餐，不過不失啦。

返房瞓下飲下茶執下野，再浸多次的家露天風呂真係好正，個池夠晒乾淨，而且浸完之後皮膚好滑，之前去其他地方浸都唔係個個有咁滑，好開心∼

Check out完搭shuttle bus去伊豆急下田駅，雖然唔係大站，但locker一樣齊備。伊豆急下田有幾樣野出名，一係海鼠式建築風格，一出JR站向左行就會見到好多年歷史嘅下田時計台，灰灰藍藍底上有一格格白色突起嘅就係喇。

JR站對面的大大條金目鯛icon餐廳網元料理店都係頗出名，價錢會貴少少，另外出名嘅係唐人呀吉、坂本龍馬龍翔之地、充滿京都風情嘅Perry Road同黑船，到日落車時都見到一部以黑船為主題嘅列車，好靚呀。

Keep好行李，去附近行下舊兼搵野食。琴晚係好多海鮮，但冇龍蝦，飲恨中。所以今日一定要食到，呢度好多間都有伊勢海老料理。之前有上過Tabelog搵過， 呢間comment唔錯，去到有見到佢地都有列入tabelog話題食店。

入到去見到一位婆婆，一位大嬸，好家庭式的小餐館，上到去有少少舊，但感覺好溫馨。

就叫伊勢海老天丼，2900yen，lunch黎請少少貴，如果食壽司就一千幾百yen左右，平好多。

不過價錢係咁一定有佢過人之處。

先係自家製漬物，個魚頭真係好好食。原來佢係金目鯛魚頭黎，幾多肉下又好林好入味，話係我成世人食過最好食嘅魚頭真係一D都冇誇張到。



龍蝦湯同龍蝦天婦羅飯

炸龍蝦飯蝦肉樂大舊，雖然只係兩舊，但食完都好飽，過足口癮。

龍蝦湯飲到底會有好多蝦頭嘅膏沈左係度，越飲越鮮甜。

呢間真係好正呀！我會推薦黎伊豆下田嘅朋友黎試下！其實另刺物同金目鯛呢間嘅網上評評價都好高！

行返返去都見到好店人呀吉紀念館同坂本龍馬像。

出發去橫濱，都係兩個幾鐘車程左右，好快就到。

橫濱站果然係大這，好多線，眼都花埋。

今次住係港未來21區，要轉去minatomirai站。

港未來21區夜景極靚，附近有好多酒店同商場。4號出口出會經過Queens square。今晚入住嘅酒係位於Landmark Tower內。

Landmark Tower嘅展望台睇夜景好出名，不過原來Landmark Tower由50幾樓起至60幾樓都係酒店，Yokohama Royal Park Hotel係全日本最高的酒店黎添，有百萬夜景睇，酒店仲有巴士直達成田同羽田，極方便。呢幢咁高嘅就係Landmark Tower，地下係商場黎。

酒店房有分為望向海定係城市景，今次揀左個12小時check in package，大家book時一定要睇清楚，其實我係想book18小時，12小時真係好平，只需11000yen，不過酒店方面話用多左時間，每個鐘加1000yen。

酒店reception講英文好正宗，算係咁多次日本遊之中講得最好。五星級酒店果然唔同D！

又係呢隻鎖匙，真係好鐘意。

酒店房不出我所料，都幾寬敞，雖然比靜岡果間細少少，不過個景一定好靚。

樓下就係著名嘅日本丸，係退左疫嘅船，因為船身白雪雪，所以係航海界赫赫有名，就算退左疫，依家變成博物館都好受歡迎。

遠遠望去見到紅倉庫添。

休息左陣都差唔多5點喇，約左朋友係紅倉庫等。

樓下就係日本丸。

經過日本丸行過去穿過條橋就會見到呢座造型特別嘅大酒店。

左手邊係樂園同摩天輪

行過少少就係World Porter

穿過大廈就到紅倉庫

經過一個小公園，有驚喜靚景。

紅倉庫真係好唔似係日本，好像歐洲景點咁。

橫濱以前係貿易港口，為方做領，歐美商家係碼頭起好一座座紅倉庫，時至今日已經唔需要，所以改造成為商場。

裡面賣嘅野都偏貴，亦有受當地人歡嘅餐廳，集購物飲食觀光於一身。要留意倉庫裡面唔俾影相架。
話咁快就入黑，好靚呀！

朋友係住日本嘅韓國人，好開心見到佢‥‥‥去左咁多日，終於有人陪下我喇！上次旅行識左到依家先正式約會。哈哈，佢幫我影左好多張相，話要留為紀念喎～

Oppa帶我去World Porter度行下同食野∼呢間三浦壽司店係幾受歡迎的，tabelog comment都錯，由三浦港直送新鮮材料黎。

價錢唔貴，兩個人食飽只係3000幾yen。

Oppa又話帶我去睇橫濱夜景，就係紅倉庫對面岸。不過行去都要15分鐘左右，但就好靚好浪漫，如果第一次自己黎，真係未必搵到咁靚嘅地方影景。原本我地都想早少少見面，不過我嘅行程就唔到‥‥‥今次旅行最開心係有佢陪我，佢係一個好鐘意去旅行嘅人，加上又好浪漫好細心‥‥‥我地已經約好左下次西班牙之旅喇<3‥‥‥

果度係碼頭黎，拍住靜行過去都好浪漫。橫浜夜景真係一流，比起相機影嘅靚幾百倍。

可能兩個人一齊傾下計又幾開心咁，時間過得好快。食完野睇完景我都好攰喇。

酒店景都一樣靚到爆，全晚都打開簾瞓∼如果有機會再黎都會揀呢間6星級酒店。

更多橫濱旅遊攝影資訊

更多伊豆旅遊攝影資訊