【靜岡．伊豆．橫濱】之旅－Day 6：再見橫浜．東京

一起天窗外白色一片，因為呢度實在太高，被舊雲包住左。出面又下，原定去鎌倉都突然唔想去。

出左食左個早餐，商場開11點左右，因為落雨，去左附近幾個商場行下，Landmark Plaza，Queens square同Marks。

Landmark plaza有間專賣得意野。

佢係掛牆裝飾黎，拍下佢會有15秒著燈，又可以勾住鎖匙，放係門口位唔錯架～

Queens square就一般般，係好大，紅色電梯好出，但唔鐘意倒模式商場。

Marks有間寵物店，好多好得意嘅狗BB，睇到我唔肯走。

仲有專賣平價衫WEGO

仲有時間去美術館，點知今日唔開:(

買左少少野食就返酒店準備去成田機場。

其實如果唔係一個女他拎住咁多野，我一定揀搭地鐵，時間彈性又唔洗就班次。因為酒店最後一班係14：05出發，即係19：45機嘅話，仲有4個鐘要磨。

去到機場食下野又睇下野，其實4個鐘都好快過。

可能有人會問我做咩日日都食壽司，冇辦法，日本壽司真係太好食，香港嘅又貴又唔抵。不過呢間係機場嘅壽司店已經俾我black list左。



軍艦D紫菜係林架。仲有wasabi太多，同魚厚度唔成正比，食落去真係想喊，咁就收我2000幾yen！回水！

之前有見到幾其他幾得嘅餐廳～

行下行下，呢部自拍相機係香港賣緊1500(水）∼1800（行），上年10月出，呢度賣1400，都幾抵玩，見舊相機壞左，就買左喇。同埋就算買相機都要格格價，我買係機場最平架！

6日行程緊湊，交通費亦好貴，不過好難得可以有咁嘅路線同平機票玩open jaw。今次旅程除左第一日未適應有發夢外，之後日日都好relax，訓覺連夢都冇一個。

6日行程各有特色：

浜松－好近大自然嘅市區，有靜有旺。原本好想去茶園，但一個人去好怪怪，有機會一定會去～

靜岡－有我好喜歡嘅掛川城，久能山東照宮又好靚！有人話日光東照宮仲靚，所以我下次會去日光睇下。

伊豆－伊豆係我目前最愛的近郊地區。有我至愛藍藍嘅大海，又有極新鮮魚生，築地魚市場都冇咁新鮮，溫泉旅館間間都服務好，景靚，價錢都唔算貴。我唔係好明點解香港人係都鐘意去箱根同草津溫泉‥‥‥

橫濱－好近東京的一個地方，夜景極靚，好啱拍住拖/一家大細黎玩。下次試下同埋家人一齊去遊樂場同日本最大水族館度玩，仲想睇埋中華街^^

今次旅行特別回憶，除左睇相片回憶外，我會記住晒係腦中:)

更多東京旅遊攝影資訊

更多橫濱旅遊攝影資訊