日本明星浪滑聖地：【種子島】交通美食滑浪攻略—鹿兒島縣

現在前往方法就只有飛機同船，最平方法當然就係於鹿兒島坐三個小時慢船前往，呢個係適合自駕遊人仕早早係鹿兒島租車前往！想快少少係可以坐快船，只係可以坐同帶板，但船程就快一倍，如果避開８月或日本黃金週去的話，去到租車都唔係難事！

 
講番種子島，最為人所熟悉就係有個宇宙中心，一年都有一至兩次發射火箭、好多遊客專程來欣賞!不過作為滑浪迷最關心當然係啲浪啦。

 

 

 

全個島可以話周圍surf point,自己揸車沿海岸線走就一定搵到,由南至北揸車都只係花個半小時,所以一日之內可以行完成個島。

 

 

 

屋久津 beach break

 

 

 

 

 

竹崎 beach break

 

 

 

西面surf point多數在夏天起浪,東面就係秋冬,南面就差不多成年有,當然要有一定swell,我去過四次種子島,從來未試過有日係冇浪。

 

伊関 beach break

 

 

 

 

 

浅川 beach break　少少石底

 

 

犬城 beach break　、少少石底

 

 

鉄浜 碎石底

 

 

ホテル前 beach break

 

 

 

另外,當地surfer其實算唔少,不過都集中係晨早或黃昏等番工放工時候,星期六日就一定比較多,但肯定比大浪灣少,而且咁多surf point可揀,點都唔會太stress!

 

種子島交通篇 

若果真係想體驗係呢個只有無數surf point嘅小島風情，究竟要幾多cost呢?

 

 

首先，香港⇒福岡or香港⇒鹿児島就一定係坐飛機啦，如果係福岡去鹿児島，我就建議坐新幹線，兩個鐘唔駛，又快又舒服，當然係機場租車一直揸落去都可以，亦唔難！

好嘞，到左鹿児島就要坐船，無車跟身就可以坐快船，隻船叫＂ＴＯＰＰＹ＂，據當地人話我知，toppy其實係種子島附近獨有嘅一種魚嘅名稱！來往鹿児島種子島嘅ＴＯＰＰＹ，一日有六班船，單程船費7400日元， 另外，surfboard一塊1000日元， 航程需時95分鐘。

官網:　https://www.tykousoku.jp/

如果係連車坐快船就係座汽車渡輪，有兩間公司營辦，每日一班，首先係呢間:　http://www.cosmoline.jp/
按照車長度收費，例如4-5米車長嘅來回價格33840日元(包一名乘客)，車上由第二名乘客開始收來回價格7060日元(普通倉)，你有本事放晒啲板係架車度就唔收額外收費！冇揸車嘅人其實都可以帶板坐呢船，正如剛才所說，來回價格7060日元(普通倉)，另加surfboard一塊510日元！

最快當然係坐飛機，由鹿児島⇒種子島，大阪伊丹⇒種子島都有直航機，前者30分鐘，後者都係一個鐘，各種方法，豐儉由人！

 

 

 

好嘞，講到租車，即使係碼頭，又或者係機場都有好多公司提供服務，只要唔係當地暑假，及五月頭黃金週，又或者年頭年尾，基本上都一定有吉車你租！大概4人夠座嘅車都大約租7000日元一日！

至於住宿，亦有大量方便單身surfer或者familysurfer，我listup一啲我住or想住嘅比大家參考下:
1)http://miharusou.jp/
　美春荘～提供埋早餐晚餐，令你專心去surf，
　日本pro surfer多數去呢間！
2)http://www.eastcoast.jp/
　呢間直頭係surfpoint，仲有板租(不過冇短板)
3)http://www7a.biglobe.ne.jp/~otane/
　由夫婦經營，好適合一家大細去，又近沙灘

 

 

 

 

 

 

 

 

 

仲有好多好多有佢地特色嘅民宿，不能盡錄！島上surf唔算多，兩隻多數得晒，可以租板嘅最多都係三間，佢地多數按時間租，三小時3000日元咁上下，不過你有心租多幾日的話心，可以講價！

 

 

 

 

 

 

 

 

 

種子島美食篇

至於帶住一家大細，女朋友等唔surf嘅人，又有咩好玩？島上又有咩景點同美食？

首先種子島並唔係荒蕪小島，都有超級市場，居酒屋，咖啡店等等，不過要記住食要趁早，多數9點後就周圍都關門大吉！

 

 

 

 

種子島唯一便利店係「西之表市」，呢個係最大嘅社區，好多超級市場，居酒屋都集中於呢處，建議去島上各surf point前，係呢度入定啲午餐及小食等，基本上各surf point附近係最多得自動售賣機，所以大家要注要！

 

 

  

 

 

 

 

如果去南邊surf就一定要去宇宙中心，除左近住幾個surf point以外，宇宙中心內都有餐廳，唔surf嘅朋友可以係中心內參觀，買下手信，有宇宙食物包都幾得意架！

 

 

 

至於去到「中種子」就想推介大家去呢間以漢堡飽出名嘅餐廳，包你一食難忘，而店主係牙買加學藝，其他牙買加料理都唔錯！島上另一有名嘅係紫蕃薯，紫蕃薯薯片，雪糕又點少得！最後，觀光點都有少少，由於呢個島係日本第一次開火熗之地，有唔少歷史博物館可以睇下介紹！

 

 

 

 

 

 

 

 

 

 

 

同時又有唔少歐洲船隻曾經係島附近擱淺，關於呢方面嘅遺址歷史介紹都有唔少！

 

總括來講，種子島一年四季都咁適合surf，無論係beginner到Expert都啱玩，有小朋友或太太女朋友嘅都唔怕佢地悶！我最喜歡5月或9月的種子島！建議留至少3-4日！

 

即上TraveLa.hk 瀏覽更多日本自由行資訊啦