1. 上個月買，五千多少少有部全新 full frame, 但係五六年前型號... 你話我儍仔都可以嘅，但自已覺得抵玩
2. 除咗non ai mount 鏡頭，所有Nikon單反鏡頭都用到，Ai 手動老鏡有測光，玩舊鏡一流
3. 手上無過萬的金圈，相機像素再高都發揮唔到，2400萬像素夠用了
4. 可去dxomark 睇下，粒sensor嘅表現以今時今日嘅水平嚟講依然係好好，畫質唔差
5. Nikon 單反電池續航力一向都唔錯

始終係五六年前產品，同新型號比較，以下缺點無可避免
1. 對焦能力
2. 拍片能力
其他真係諗唔到，而家出啲新機最值錢都係對焦系統同拍片

入咗坑近十五年，但有近五年時間斷咗無玩，只剩返一堆手動鏡，一支小黑三同一部D7000. 陰差陽錯見到呢部唔算貴又有質素嘅全幅機，到手後自己堆手動鏡又再重生。如純用D610作為靜態拍攝工具，個人認為可以玩多最少五年。估計五年後已是無反的天下，D610應該係我最後一部入手的Nikon單反。

由於 用開嗰部D7100 榮耀歸主後， 買入師兄二手新凈D610。 畫質係有壹成提升。。。。

整體操作不及D7100

究竟係 係升咗級定係降咗級。。。。。 我都 唔太肯定。。。。

-輕巧但紮實，強悍的機身給予用家可靠感
-100%光學觀景器，0.7X放大率，比對手優勝
-不論AF-S、AF-D、AI-S及AI鏡都可支援
-雙SD記憶咭
-Qc靜音連拍實用
-電量充足，至少相對於D850更省電
-2400萬像素非常的足夠，即使裁了一半或使用DX區域拍攝，仍有1000萬像素可用
-寬容度表現比想像中好

-39個對焦點實在太集中在畫面中央，若將主體放於畫面稍靠邊也得使用手動對焦，非常的不便
-暗部對焦非常不穩定
-機身正面並非使用金屬，不耐用
-buffer不足，號稱1秒6張在使用RAW檔拍攝不會出現
-橡膠手把及背帶的蒙皮質感及耐用程度跟D850相差很遠

Nikon自D600出了問題後，麻煩接踵而來，幾乎讓這百年巨人倒下。財政危機下，好幾年沒有重大改革的新產品，而這部D610，看起來也是為了挽回消費者信心的作品，很多設備都源於D600，包括CMOS、Expeed 3、對焦系統甚至機身，可見應該是Nikon將D600的儲備加以改良再重新包裝發售，雖然是舊瓶新酒，但總算是誠意之作，因D600本來已經很出色，若不是快門出問題，也許不會有D610

至從D850出現後，D610也完成了他的任務，賣給了有心人，感謝D610陪伴我拍過無數美人美景，也期望他的後來者可以繼承部分D850的功能，包括觸控螢幕等，成為我的D850支援

1.平
2.輕
3.FF機
4.暫時未發現有入塵
5.較6D技術更先進

1.Made in Thailand (我個人覺得仲5放心過made in China)
2.個轉盤真係逼到我講粗口，設計者可以拉出去打靶了
3.13年ge新機只有 39個對焦點。。。
4.無Wi-Fi同NFC功能
5.5係全身鋁合金
其他暫時仲未發現

上手機係D200，2012年尾就想換機，本身目標係D600，結果俾人發現重大問題，Nikon官方仲要遮遮掩掩，聽D 用D600 Ching 講N記 HK d態度仲要差到死。
逼我開始考慮轉會，結果Canon又係同年出6D，價格合理，但始終放不下家裡一堆N記鏡頭群，決定留守，N記亡羊補牢，D610果然不負我的期待，用左6個月暫時未發現有咩問題，很滿意！

重量適中,手感好好,平又係FX。

真係有塵問題存在!
玩鏡頭比DX少好多選擇。

吾用其它機來比較,只係用佢講佢,$8xxx接師兄換D600反呢的新機,点計都係超值,玩過吓單反或有留意資訊的上手完全無問題,聽聲部機係好扎實,外形同重量都一佰分又有機頂燈,試機第一日發現觀景器睇倒条毛!立即吾影住驚會入佐去sensor,反歸睇倒係在對焦屏到,清潔后睇反之前D相發現有点白濛点係影天空時才發覺,第二次再出發,再無發現觀景器有塵,反歸睇相同一白濛点同一位置從現!打开快門睇倒相等位置真係有粒野!搞佐出呢依家用放大鏡睇過晒好干淨,係製造時已入塵就肯定了,用之后再會吾會再入塵就未知!如有新發現再作分享!

動態範圍大
比D600多左靜音(?)連拍

VIEW FINDER唔夠大，手動對焦辛苦D
同D600一樣，一樣入塵!
對焦點太集中

自己有D600，D610感覺只係比D600多左靜音(?)連拍，一樣入塵!
另外比放大汁相時，D610比D600銳利度輕微下降同有輕微塗抹感，可能我係用30吋4K MON先會留意到

公司有D700同D610，所以對用左公司兩部機做比較
自己都有部兩部FF機，自問對相機都有一定了解
有時公司D610比人用左便要用D700，但真係好唔想用
公司係影樓，但都係影D會動的東西，modeling都唔會開，所以環境同一般寫字樓光度差唔多
對比起D610，D700對焦真係慢，仲有時對唔到焦，如果D野會動有時對焦仲對唔切
係ISO更不可接受，高少少D嗓點已經好勁，ISO過800已經有問題，唔係單純係LIGHTROOM可以處理
動態範圍更大問題，好多時因為D影樓燈回電問題暗左想係LIGHTROOM較下，已經有問題，輕微死白更唔洗救

不論顏色同對比度都有爆的情況
再講返D610，對焦都係慢，但對焦反應同準焦率都高好多，
D610都係ISO800,但ISO1600都勉強可以，因為只要降嗓再壓返去D700的解像度便可以，動態範圍比D700高唔少，有時JPG直出，暗左係LIGHTROOM都可是微較，RAW範圍更唔洗講，有時唔係太嚴重的過曝，D死白位一樣救到
可能因為解像度比D700高好多，銳利度更高好多，有時輕微手震都會係張相見到，但去除手震問題，D700完全無得同D610比

D700係當年當然係好機，但到今時今日，D600/D610都比佢勁好多，特別係後製，如果你唔後製保證100%曝光正常同多數影戶外日光，D700會更合適

FF機 + 親民售價 (CHING 講曬)

唯一缺點係 製(噴) 塵

小弟已經用第4部N記單反 (由D70>D90>D600換>D610)
經N記好有誠意免費轉換同級新機後, 十分滿意610既表現.
惡夢係3個月後(SC約5000)發現有點點係CMOS上面 (仲以為改款已經解決左製塵問題), 吾打緊, 拎上CS, 承惠$150(行貨)清潔費, 原來免費清潔CMOS只限D600.
諗住入手既CHING, 請預算埋每SC5000 清潔一次$150既費用, 仲未計時間/機會成本.
誠意推薦各CHING 入手! 吃吃........

像素高, 24MP
色度夠豐富
WB準
輕身 (相比其他全片幅)
機物按鍵排位個人教喜歡 (尤其是左邊 WB/ISO果排)
View finder 100% 同埋夠光
價錢親民
全天候防水滴

暗位對焦唔準
如果用比較重既鏡(好似24-70 2.8), 加直倒較舒服
對焦點略偏中

其實如果上FF, 呢部機真係一個好好既門檻. 當然如果你有錢既, 我建議你直上D810或D4s (甚至前一兩代).
當然對普通人黎講, 如果你鍾意影相有番咁上下質素. D610真係好好既選擇.
我初初用D5200的, 後尾入左D600, 再入D700, 之後D600入塵換左D610.
對比D600, 我既感覺除左WB準左, 其他都冇咩分別.
對比D700, 我又好難講邊部好D差D. 但係覺有所長.
影生態: D600 尤其係影花, 佢真係靚過D700好多. 尤其是綠色, D700影完我真係好難接受.
影風景: D600 比到你細緻度, 再加上高光差既時候D-lighting會比D700強. 雖然有用開漸變灰黑卡果D, 但係有時冇佢地就要靠部機自己既功能啦.
影人像: D700 既色調又真係好過好多新機.
影夜間暗位: D700 正如之前講D610個對焦係間位真係差DD. 唯有訓練自己手動對焦
影速度: D700 對焦系統比D610強D, 可能因為佢係D3s既輕量版再加上塞打延遲又比D610少. 但係我都有用D610影跳舞pan車果D都有九成半中焦
我都有用過D800E, Df同 D810. D800E個色感覺比D610/600偏青左DD. Df我就好憎佢個光圈輪 (實在好難轉!).
另外, 我自己覺得D610個layout比起D700/810係列好用. 尤其係WB/ISO, 唔洗下放開隻左手按上面.
個人而言, D610+D700係我最佳配搭, 我自己亦用慣雙機. 之前都有人笑我兩部機夾埋夠埋D800E, 但係我自己有影開D速度野 例如打蝶同埋有時候要幫人影婚禮, 唔可能成日轉鏡頭. 與其用一舊錢買一部貴D既機, 我寧願用佢黎買兩部平D. 最重要係影相係要靠自己技術, 對焦範圍太小/對焦唔準, 呢D野唔係今時今日既問題, 亦都有解決辦法. 反而我見好多人買左部貴機重係到用Auto, 笑死人之餘亦都冇好好用盡部相機既功能.

畫質優秀
觀景器夠大
Ai鏡有測光
機身手感一流

影video較差，機身無立體收音，收音雜音又多
個人覺得左側轉盤要先按後轉有d煩
iso夠用,但還有提升空間
無1/8000快門

我在中原買$12k 送nikon腳架
本來之前想買D600(好彩)(nikon要認真檢討下)

由FM2到D70s到Epl1到Leica x1到D610
相片質素和iso能力比之前用的相機好太多
function又多(time-lapse,濾鏡,HDR…)
又可用回很多Ai鏡(可測光)
雖然影video差d,但唔多用,用都係用手動對焦
此機現在對我來說is perfect

* 相片質素（不是像素）非常高，其他片幅（APS-C，4/3 等）無法比美
* 造工優良，機身防塵防水滴
* 內置閃光燈，補光超方便
* 雙 SD 卡插槽，內置水平儀，非常實用
* 有齊D花巧功能（D-Lighting，Effects，HDR .....），好夠玩
* 感光度廣闊（ISO 50-3200 都可用）

* 自動對焦覆蓋範圍略小，偶有對焦失手
* 又唔係專業機，LCD熒光幕竟然無得轉角度（無得高低抄，不方便）
* 實時顯示（Live View）模式可用性一般（功能及選項非常有限）
* 於6D後才推出仍無內置WiFi及GPS（咁點同對手爭）

D610是好機一部，小弟對此機評價同D600一樣（可參考小第的D600用家心得，當然「有塵」問題相信於D610已得到解決...），但斗膽講，D610祇是用以解決D600問題的修正版本，新增功能不多(幾乎無)。

相機評價不再多講，反而想借此講講N記的危機管理：
作為著名攝影器材生產商，N記處理D600事件上的表現簡直不勘入目，「有塵」是一個嚴重產品品質問題，但N記竟然對此一直左閃右避，拒絕承認問題，到推出D610後仍對受影響顧客以被動式回應問題（最初只肯清潔感光原件，之後問題繼續發酵，才肯更換快門組件，重要顧客主動上門要求先動手），毫無誠意，及後更發展到被內地禁售⋯⋯在現今不斷萎縮及競爭激烈的攝影器材市場上如同自殺，於自己品牌上淋紅油；不知要多久才能重建顧客信心及品牌在市場上的地位。

另外不能不提N記顧客服務（旺角果間），果然聞名不如見面，職員除咗個個殯葬口面，對D600問題一概不承認，一講個「塵」字就神打上身，不停強調所有可換鏡頭機都有「塵」，當攞部機來維修的顧客（小弟）係運吉及攪事，挑戰顧客的EQ⋯⋯

希望D610不是因以下原因而成為小弟最後一部N記機：
1. 對N記產品及售後服務失去信心而轉會，或
2. N記品牌於攝影市場成為歷史