Nikon D610

實拍照片

同D700比, 自動白平衡進步很多.
有相機內有RAW即時處理功能
機身輕盈. 不像D700的重.
對焦比CANON 6D 好, 快, 準, 沒有走焦情況
性價比高.
完全沒有甩漆的問題

39點對焦大集中.
機身不及D700的硬正
影人的膚色仍是CANON 機略勝, 但只是略勝, 但個人意
見已勝D700, D300S, D600
過萬的機身在MADE IN THAILAND, 誠意不足.

之前用過D700, D300S, 發現這兩機的偏色問題幾嚴重,
要用手動白平衡. 用D610後, 發現自動白平衡大有改善.
也沒有甩漆的問題. 如果NIKON一早認真管理D600的QC, 或
一早就唔出D600, 而出D610, 相信D610一定全勝6D.
NIKON太自大, 太輕率, CS服務之前亦太不知所謂, 當然
亦有國籍歧視. 否則可能已經得了消費者的信心及市場.

100% view finder
對焦準
白平衡準
輕身
連拍6fps
fullframe
防塵防水滴機身
雙SD

39點唔係唔夠,只係太過集中,不過都係用開中間一點

之前用D7000,之後入手D600,頂唔順佢有塵決定拿拿聲tradein D610,感覺有點on居,同D600冇大分別,但俾到我一份可靠,安全
新白平衡的確比D600準好多,平時打蝶都係用中間一點,對焦準,連拍6張感覺同5.5冇咩分別係真既
影風景,影星都好好,可用iso3200,再高D其實都接受到
各方面都好平衡,去旅行都唔會覺得特別重
呢部機定位係入門FX機,對於一般用家已經好足夠,咁既價錢咁既質素係值既,人心不足,又要51點,又要高iso,咁就唔係呢個價錢了,另外,D600都係一部好機,只係佢入塵呢一著太失敗了

* 相片質素（不是像素）非常高，其他片幅（APS-C，4/3 等）無法比美
* 造工優良，機身防塵防水滴
* 內置閃光燈，補光超方便
* 雙 SD 卡插槽，內置水平儀，非常實用
* 有齊D花巧功能（D-Lighting，Effects，HDR .....），好夠玩
* 感光度廣闊（ISO 50-3200 都可用）

* 自動對焦覆蓋範圍略小，偶有對焦失手
* 又唔係專業機，LCD熒光幕竟然無得轉角度（無得高低抄，不方便）
* 實時顯示（Live View）模式可用性一般（功能及選項非常有限）
* 於6D後才推出仍無內置WiFi及GPS（咁點同對手爭）

D610是好機一部，小弟對此機評價同D600一樣（可參考小第的D600用家心得，當然「有塵」問題相信於D610已得到解決...），但斗膽講，D610祇是用以解決D600問題的修正版本，新增功能不多(幾乎無)。

相機評價不再多講，反而想借此講講N記的危機管理：
作為著名攝影器材生產商，N記處理D600事件上的表現簡直不勘入目，「有塵」是一個嚴重產品品質問題，但N記竟然對此一直左閃右避，拒絕承認問題，到推出D610後仍對受影響顧客以被動式回應問題（最初只肯清潔感光原件，之後問題繼續發酵，才肯更換快門組件，重要顧客主動上門要求先動手），毫無誠意，及後更發展到被內地禁售⋯⋯在現今不斷萎縮及競爭激烈的攝影器材市場上如同自殺，於自己品牌上淋紅油；不知要多久才能重建顧客信心及品牌在市場上的地位。

另外不能不提N記顧客服務（旺角果間），果然聞名不如見面，職員除咗個個殯葬口面，對D600問題一概不承認，一講個「塵」字就神打上身，不停強調所有可換鏡頭機都有「塵」，當攞部機來維修的顧客（小弟）係運吉及攪事，挑戰顧客的EQ⋯⋯

希望D610不是因以下原因而成為小弟最後一部N記機：
1. 對N記產品及售後服務失去信心而轉會，或
2. N記品牌於攝影市場成為歷史

FX機黎講價錢十分親民~而且係親民價錢的基礎上性能比對家6D要好上少少(除左暗位對焦同埋高感光)
每秒6張連拍其實已經十分夠用
自動白平衡比起以前的N記機真係準好多而且因應現場環境光源的不同而作出的小調整(所以唔係絕對"標準"的白色)出黎的效果真係十分討喜~呢個當然因口味不同因人而已
符合人體工學的機身流線形設計~真係好型~更重要的係手感好好
我好鍾意Nikon機D掣的set位~比起Canon機iso wb 測光戈D掣全部都係曬機頂一排過黎得要方便~用熟左之後唔洗睇都可以一路影一路setting
FF機優勢~ISO3200絕對冇問題~6400依然相當可用~如果將NR級別設定做高會更好(當然代價係流失細節)~
雖然係Nikon的單反裏面唔係D咩特色~但係Nikon係100%觀景窗呢一點對比起對家6D真係大方好多
絕對冇製塵!!

機頂轉mode個lock掣真係好多餘~令到轉mode麻煩左好多
既然D7100都有51點對焦~Nikon你大方一D俾多12點唔得ga咩~而且39點對焦點覆蓋範圍細左D~如果可以範圍大反D或者多幾點就好
閃燈同步得1/200~快門最快得1/4000~相對於Dx格式的D7100(分別係1/250同1/8000)黎講~未免有D唔夠專業的感覺~當然其實實際使用上影響微乎其微
機身輕本來係一個優點~但係FF鏡多數都比較重~插支鏡上去會容易出現頭重腳輕的情況~係我的角度睇反而輕未必係件好事

Nikon係D800(E)的定位上面同D700好唔同~超高解像度帶黎左高質素高可放大率的照片同埋好大的修圖彈性~但係同時帶黎左機動性的減弱同埋高感光度的限制~而且亦都需要質素十分好的鏡頭先可以發揮到佢的威力~同對家的5D3係一個好大的分歧~令到好多買唔起或者唔想買D4而苦苦等待D700後繼上FF的用家卻步~呢個時候D600就出現了~雖然依舊冇旗艦D4的強悍~但係機動性卻比高一級的D800要好一點點而且更親民的價錢~鏡頭可用性更高的情況下令到想入FF的一眾用家們帶來光明~無奈D600的先天缺陷令好多Nikon fans又再一次失望~隔左一年之後Nikon終於出反部D610黎挽回大家的信心~實際用上手之後~佢的確就係好似大家當初期待的D600一樣~平價FF,高但對鏡頭要求不苛刻的像素,令人有安全感的性能~而且佢的表現比當時預期的D600還要更有驚喜~如果對FF機有情義結而D800(E)的定位又唔係好岩你的話~D610係你其中一個好好的選擇~省落黎的錢可以用黎買靚鏡~但係平心而論~如果你唔係特別想買FF的話~我霖D7100會比D610更值得考慮~因為性能差不多~而且都平幾多~不過~FF機的好處~相信各位師兄都心照~比多戈幾千蚊係絕對值得

1. D600身上有的優點都可在D610身上找到
2. 連拍由5.5張/秒增至6張/秒，心理上感覺有升級的味道
3. 新增了靜音連拍模式，很實用
4. 自動白平衡比以往D600準確

1. 除了連拍、白平衡及新增靜音模式 (還有全新不掉漆快門)，其他都跟D600沒分別
2. 同期的D5300都已轉用EXPEED 4，較後推出的D610卻沒採用
3. 仍有光學低通濾鏡
4. 閃光燈同步仍維持1/200秒；最快快門速度也維持於1/4000
5. WiFi不能使用WT-1a，不能跟D7100通用
6. 維持39個對焦點，而且依舊太集中於中央
7. 原廠直倒（MB-D14）超貴；而且裝上後連拍不會增加

從D600免費更換成D610後，只是感覺上擁有了全新型號的相機，但內裏功能真的幾乎一點也沒分別，與其說是「D610」，不如說成是「D600s」。可是，Nikon因為D600弄得幾乎身敗名裂，所以為了洗脫D600的惡名，即使D610只是極小的改款，Nikon還是給予他一個新的名稱，從新上路，希望人們忘了D600，從新搶回失去的市佔率。雖然免費更換D610的策略不錯，但這也是唯一解決問題的辦法，而且反應未免太遲了。

撇除掉漆問題，本身D600也是一部功能強勁的好相機，市場上同一級別的型號，就只有C家的6D (S家的FF無反在功能及性能上始終不能跟DSLR比較)，因此D610只作小改動仍可理解。

擁有D600的用家，當然建議立即免費更換D610；考慮入手的用家，建議等待D620好了。

像素高, 24MP
色度夠豐富
WB準
輕身 (相比其他全片幅)
機物按鍵排位個人教喜歡 (尤其是左邊 WB/ISO果排)
View finder 100% 同埋夠光
價錢親民
全天候防水滴

暗位對焦唔準
如果用比較重既鏡(好似24-70 2.8), 加直倒較舒服
對焦點略偏中

其實如果上FF, 呢部機真係一個好好既門檻. 當然如果你有錢既, 我建議你直上D810或D4s (甚至前一兩代).
當然對普通人黎講, 如果你鍾意影相有番咁上下質素. D610真係好好既選擇.
我初初用D5200的, 後尾入左D600, 再入D700, 之後D600入塵換左D610.
對比D600, 我既感覺除左WB準左, 其他都冇咩分別.
對比D700, 我又好難講邊部好D差D. 但係覺有所長.
影生態: D600 尤其係影花, 佢真係靚過D700好多. 尤其是綠色, D700影完我真係好難接受.
影風景: D600 比到你細緻度, 再加上高光差既時候D-lighting會比D700強. 雖然有用開漸變灰黑卡果D, 但係有時冇佢地就要靠部機自己既功能啦.
影人像: D700 既色調又真係好過好多新機.
影夜間暗位: D700 正如之前講D610個對焦係間位真係差DD. 唯有訓練自己手動對焦
影速度: D700 對焦系統比D610強D, 可能因為佢係D3s既輕量版再加上塞打延遲又比D610少. 但係我都有用D610影跳舞pan車果D都有九成半中焦
我都有用過D800E, Df同 D810. D800E個色感覺比D610/600偏青左DD. Df我就好憎佢個光圈輪 (實在好難轉!).
另外, 我自己覺得D610個layout比起D700/810係列好用. 尤其係WB/ISO, 唔洗下放開隻左手按上面.
個人而言, D610+D700係我最佳配搭, 我自己亦用慣雙機. 之前都有人笑我兩部機夾埋夠埋D800E, 但係我自己有影開D速度野 例如打蝶同埋有時候要幫人影婚禮, 唔可能成日轉鏡頭. 與其用一舊錢買一部貴D既機, 我寧願用佢黎買兩部平D. 最重要係影相係要靠自己技術, 對焦範圍太小/對焦唔準, 呢D野唔係今時今日既問題, 亦都有解決辦法. 反而我見好多人買左部貴機重係到用Auto, 笑死人之餘亦都冇好好用盡部相機既功能.