優點:
1. 輕 (對比D800, D800e)
2. 外型Classic, 拎住係街影相真係人人回頭望
3. D4 Processor, Noise control 好好
4. AF, 開機 反應好
5. Menu 既設定一如以往, 正斗, 即使我已經好耐無用Nikon, 但係一拎上手就知道哂d 野應該係邊set! (唯獨ISO呀, EV + - 等要重新學習)
缺點:
1. 收光圈個dial 既設計太奇怪....如果要快速控制的確唔可能
2. Shutter 粒制唔夠突
3. 握手位太淺了
4. 假如佢真係Mirrorless的話, A7真係收皮, 可惜因為傳統F mount + 電子化, 部機厚左好多
5. 銀色望多兩望其實麻麻地.....哈哈
評價:
起初以為係Mirrorless 係好開心, 不過後來真相大白係F mount不免有少少失望, 上手既一刻只有一個感覺: 好輕! 無諗過一部有皇級處理器既機竟然咁輕, 岩岩第一日玩果刻要重新學習某d 位要係機身上實體更改的確麻麻地, 但用熟左就已經無問題啦! 最大既不滿就係粒黑色Dial同埋光圈Dial, 如果黑色Dial 可以做到光圈收放就好啦, 預設光圈Dial個位簡直係玩人,唔知係新機粒制實d 定部部都係咁, 我用食指係要好用力下先轉到光圈, 又因為位置問題, 根本做唔到好似以前舊機既快速轉光圈, 手頭上AI, NON-AI 鏡其實唔多既情況下, 呢個問題都真係令人頭痕痕。 但可能係因為呢個原因, 佢令我學習返, 慢慢地影一張相既心情同埋態度, 呢d 野真係好講feel, d 討論區係到話佢賣兩萬幾唔抵, 我就覺得一切都係廢話, 拎過上手玩過先再講啦! (不過仍然希望Mirrorless既一日!!!)