Nikon Df

實拍照片

1) 對焦系統感覺比 D600 準，
2) 像素夠用加上 ISO 超強的 CMOS，
3) 電力夠，有頂 MON，
4) 機身有型，比 X100 仲型！！！
5) 輕，真的很輕，和鏡頭重量平衡度剛好，

1) LiveView 未有 PDAF 技術，
2) 握手位對於手大的我，可以換就更加好～
3) 部份按鍵其實不須 LOCK 掣（可能佢鼓勵慢拍吧）

一拿上手，插埋新果支 58mm F/1.4G，感覺超輕！！！
而我亦比較喜歡舊的 NIKON 標誌，好像回復過去, 型！
這部機很有性格，和今時今日已出到濫的單反無反完全不同，
價格雖然稍高，但都算對得住佢個價，有點像之前 X100 的品味~

雖然不知 NIKON 的高層在想甚麼，但我覺得推出特別產品的心意是好的！
即使是過去的NIKON-1，起碼人家肯去想新東西，個人認為值得尊重；
在這裡我有點東西想講，其實在這部機推出之前，有一班紅圈機用家，
在這裡〔洗版〕，意圖抹黑這部機；我不明白為何他們這樣無聊，
但看過之後，開始令我鄙視這班紅圈機的鐵粉用家～

一個廠商針對特定客群推出產品，是基於對特定客戶的誠意，
總好過像紅圈機廠一樣，重點落在浮誇廣告而非產品本身；
DF 是為其所針對的族群而設，對一般人來講未必適合，
然而那班紅圈機打手不分好壞亂彈一通，更令人覺得他們沒有修養～
須知道從拍攝缺德攝影者的相片中，大部份果然都是拿紅圈機的就可知！
而過份自信，自視過高而變得自大，亦是他們的普遍缺點。
當然他們或許並未知道，自己已被紅圈廠的廣告利用了當爛頭卒打手 ！

相反，NIKON 甚至是其他牌子的用家，他們買機買鏡都比較有要求，
聽人話好就買，追款追　"紅圈"　的人相比紅圈廠本身就少得多，
他們亦都比較樂於活用自己的器材，亦少有踐踏人地抬高自己之舉；
況且根本不需要這樣做，始終拿著相機的每個人都有著不同的性格吧！
亦因此，即使紅圈用家吹噓紅圈機甚麼第一第一，都是沒有用的；
因為紅圈鐵粉連最基本對人的尊重都不曉，根本不可能被人所尊重！
沒有人會尊重這班口裡說公平公正，沒有牌子偏好，
但手裡拿著紅圈機的所謂用家，請不再胡鬧了吧～
當然，會有部份人士不明白我說甚麼，那請到一些很多人拿著相機的場合，
看一下最阻街的一群人，手裡是不是都拿著紅圈機紅圈鏡的，就會明白了～

作為一個真的沒有牌子偏好的用家，應該知道三個當紅牌子之中，
SONY 在拍片上是最好最穩定，有格式優勢加上白平衡準，
NIKON 近年新機在人像處理上甚至比紅圈廠更好，CLS更加不用說！
至於紅圈廠，看看他的無反二代就知他們連基本誠意都沒有，
廠方覺得食老本加賣廣告，就可以令你們這班鐵粉繼續去呆著～
不過在用家愈來愈精明的情況下，紅圈廠的弱勢，唔想多講了～
未用過其他牌子的紅圈機用家，若有閒錢的話，請試用一下其他牌子，
這應該可以擴闊你們的眼界，把攝影回歸本來不是〔鬥牌子〕的原點；
請離開令你們喪失人性的東西，做回一個有血有肉，回到真實的攝影人～

（注：紅圈廠－Canon）

一部頂級單反嘅質素相機.
D4 級影像質素, quality 唔使質疑.
用 AI 鏡可以自動測光.
SD CARD !!
輕. （765g)
100% viewfinder!!
機身都幾一體化, 冇罅可言.
一貫 Nikon menu, 用開 Nikon 嘅用家唔使睇 menu 都識操作.

冇拍片 (其實買得 Df, 你唔會係要一部 all-in-one 機).
前面個 "sub command dial" default 係用來較光圈, 太細唔就手, 太實. 要去 menu 改用機背個 "main command dial" 會方便啲. 但係要用 M mode 就會幾唔方便.
機頂三個 dial 分別都有 safe button. 每次要改 settings 都唔方便, 其實今時今日嘅技術, dial 都已經做到好好, 唔會 "唔覺意" 扭錯, 根本唔需要 safe button 阻頭阻勢.
今時今日冇 WiFi 係一個缺點.

其實今時今日無反當道嘅時代, 單反其實好難再有好大突破. 除非單反再有新技術, 而唔只係識得行高像素, 增加 fps 等 "冇實際用途" 嘅技術, 否則好難吸納到新用家買單反機.

我用咗 D700 加三元鏡多年, 但係買咗 OMD 後亦大多數時間都係用 OMD. 亦冇意欲去 upgrade 部單反, 甚至買新鏡. 但係 Df 可謂在單反末落前, Nikon 嘅一條血路, 玩款時亦可以有頂級單反嘅質素, 絕對係我會保存嘅另一部相機.

二萬幾蚊有 D4 質素, 真係好抵. 你會話有好多嘢 D4 有喎, 例如得 39 點 focus, 其實問心, 影開相嘅人, 有幾可用 51 點. 總之真係影相嘅, 一定夠你用. 就算影結婚相嘅 photographer, 都夠用有餘. 你要好專業攝影嘅, 用 D4 吧.

至於拍片功能, 我不嬲都唔 buy 單反用來拍片. 拍片就用手機/無反/DC.

你問我 Nikon 係咪好用心去出 Df, 我認為唔係. 佢真係 sell 外型. 要用心嘅, 我唔覺得佢唔會加 WiFi 這些基本嘢. 純粹玩復古外型嘅高階單反, 感覺可以好主觀, 喜愛 FF DSLR 同對舊款 Nikon 有感情嘅人, 會好鍾意. 但係如果仲未有 FF, Df 係一部好抵買嘅機.

金屬機械轉盤，操作已經變成一種享受
超強ISO，勁到無論
體積和重量都非常好，造工一流
外型靚仔
玩舊鏡，最佳伴侶

貴！真的貴！同埋部d800e差不多
沒movie(但我諗好師兄都會用）
沒機閃（沒所謂，iso超強，而我比較喜歡用自然光）
39對焦點太密

小弟我第一次寫用後感，請多多指教
本人從D90開始玩，D90>X100>D600>D800e>DF，呢機部都係不錯的相機，其實d600可以說已經滿足到我需要，但因為入塵事件令我對nikon好失望，但因為已有不少nikon鏡頭，故升級致d800e，但因為後制和重量，太大負擔，本想轉玩x-t1，但DF出現改變一切。
DF對我來說不但方便玩舊鏡，對特別情況如需要影大自然，運動或演唱會等等時，配上小三元使用，非常爽快，又輕便。閒時我鐘意插支AiS 50mm 1.2來掃下街，影下生活照，享受下慢拍(x100係好，但手動對焦感覺差勁），快慢佳宜。
最後，我覺得nikon唔應該跟支50mm1.8，根本就配唔起DF，比我都唔用，如果根支復古的35.4就perfect，希望nikon 會再出復古鏡頭比DF啦，因為用得DF，要求不只在於相片質素，對操作，手感，使用的氣氛都一定不妥協。

好多師兄講哂

好多師兄講哂

唔計C記,N記我只用過D750,所以只能以兩機比較,
點解我放左新出D750,而要DF?
D750比DF好既優點係 jpg抹得好好,有wifi,轉mon,多左對焦點等等
但raw 就唔同,df 因d4 sensor 比d750 好一級或以上,對焦39點其實已經夠用,對焦框好似比d750縮左水框大(冇詳細核對過),圓形eye cap又好正,以往周不時要清潔vf,又驚整花,圓形eye cap係轉入去,密封唔入塵.
另外有人可能見到上面禁多轉輪好麻煩,其實要快可以入memu set 自動,iso仲可以set上下限,df一樣可出大場面.
再加上佢外型,拎住佢有種好特別感覺,好似回到以前年代,要比心機影好相.
雖然出左已有1年,但復古不死,同樣希望你我對攝影熱情不老不死!

1)高ISO表現
2)形唔形睇個人，我覺得形
3)NIKON FULL FRAME機一向有既優點佢都有
4)輕，對比其他DSLR叫細D

1)手感較一般數碼單反差，長時間單手拎會有D攰
2)轉盤安全鎖畫蛇添足
3)電量好似唔太多，我只係用左半日，未知實際用到幾耐
4)無錄影，但我從來都唔錄影
5)無雙卡插糟
6)本來以為無低通濾鏡，點知有
7)39點對焦，但我用手動鏡，用自動鏡都只用中央單點

好多人話Df貴，唔值，的確，2萬以上的確貴左少少，等到佢宜家跌到18X00，我覺得合理可接受，故買入
有人話，部機無錄影，39點對焦，要成萬八蚊，唔抵，買D800好過，要平既，買D610又得
不過，係唔係抵先係買機唯一準則呢?
對我黎講，D800太重，高像素無用，51點焦無用，我又唔需要追求最高畫質，同樣價錢下，點解我要買D800
我又唸D610同DF比，的確D610樣樣都掂，又平又唔算重，不過我唯一真正有要求既係高ISO表現，D4 CMOS正中我要害，俾多少少錢，唔太抵又如何?
手感方面，雖然比現代DSLR差，但係已經比FM2好，算可以接受
操作有人話轉盤有鎖唔方便，的確，不過其實D轉盤唔太常用，ISO轉盤唔難轉，用M模根本唔用+-EV，快門用機背轉盤，MASP轉盤又係唔會成日轉，所以試機時幾介意個鎖，實際用落又影響不大
近期好多人俾a7吸引到，我想話，單係開機速度，反應性能等等，已經令無反取代唔到單反，買機唔係只係睇數值同性能，更重要係自己既使用體驗

- 畫質高
- 高 ISO 6400 絕對可常用
- 外型唔錯
- 最重要係輕，出街好方便

- 無拍片
- 無Wi-Fi

我用 nikon 機係由 D50 開始>D90>D700>Df
Df 令我重拾攝影的喜悅，以前帶著 D700 出街，實在想換部無反 DC 就算，因為太重，但又不捨得鏡頭，現在只帶 35mm 定焦或 AFS 70-200 F4 (新小小黑) + Df，已經可以輕裝上陣，正!! 而且 Df 的 ISO 實在表現出色。至於手感方面，我覺得不是太大問題，習慣了便可。