優點:
1. 輕, 比D600更輕的機身, 內含D4 CMOS
2. ISO 表現, 這個跟其輕量機身好配合
3. 操作不用進MANU, 佢機背操作同D800一樣, 一樣有雙轉盤等等
4. 粒電強, 咪睇少佢係用入門電, 係DF上佢仲長氣過D800, 同時粒電細帶來既好處係: 差電器都細過人, 爽!
5. 外型, 不過呢個見人見智啦....
缺點:
1. 因為太輕, 用ZOOM必死, 超唔平衡, 所以換左DF之後, 同所有ZOOM講88, 而家全定焦打天下, 個人經驗, UNDER 700G最好, 手上支24.4 (620G), 平衡感上已係最大極限....
2. 手把係佢最大弱點! 呢個真係..... 算係為左外型最大犧牲吧
3. 前轉盤真係好緊好難轉....
4. 好多人講既機頂LOCK設計.... 係有D唔方便, 不過對我沒大影響, 反而有一種唔係任何人都識控制你部機既佔有感...
評價:
有樣野好想講, 先令我打呢篇野, 就係佢跟D600 唔同GRADE囉!
稍為有用心玩過部DF, 就會知佢機背既操作比D600多好多, 仲有圓形觀景器, 全金屬機身.... 講性能, 又係唔同, 佢ISO表現同D600又係唔同啦.... 只係AF同快門SPEED一樣就同GRADE化...我覺得有D搞笑....
另外, DF真係比中意NIKON同菲林機既人用, 所以如果你介意佢操作煩, 拿得唔舒服, 就唔好揀佢啦.... 因為佢都唔係為左方便你按一下就影, 反而係著重拍照過程, 情況就同手波車一樣....你想方便咪揀自動波囉..... 如果你係中意手波車既人, 你不但不會覺得佢煩, 反而係一種享受.....
我玩過D90, D4, D800, D700, 最後換DF.... 最大原因係我搞清楚拍攝對我既意義係D咩.... D4比你一秒10張... 係好勁, 不過我DEL相多過留相..... D800 係好高PIXEL...不過唔岩我中意SNAP既習性..... 玩過D好野就知道唔係下下都要器材先決, 記住一句, 唔好比相機惡過你