Nikon Df

實拍照片

- 使用高iso畫質良好
-小巧輕便
-外型充滿個性
- 堅固鎂合金機身
-兼容非AI Lens
-電池續行力強

-機頂太多轉盤、多按鍵(打正旗號玩Classic嘛!)、沒有拍片功能(用智能手機拍咪仲方便啦!)。若純綷買單反來影相的朋友,拍片功能根本是沒有用途。
個人認為她的缺點亦是她的優點,。若在機背加一個"Q Menu"按鍵,加強操作網流暢性,像FUJI FILM 相機,這樣便一流了。不過,在機身設計上我認有一些的缺點,就是連接頸繩的機身金屬扣的位置太接近快門按鈕,在操作上有點不便,希望廠方在Df的後繼機可以改善這一點吧。此外，自動白平衡不準，尤其室內。在陰天時選擇「陰天」白平衡,相片出現嚴重偏黃。

坦白講當初知道Nikon在日本發佈Df的消息時,腦海浮現出「D800價錢,D600規格?D4引擎!」。由於自己沒有Nikon舊老鏡,加上亦唔打算玩舊老鏡,所以,對Df一點興趣也沒有。心裡又不停地想Nikon係咪Short咗呢?學FUJI走去玩復古?D600又自動製塵,D610又唔知有無隱疾!?D800像素又高,據聞有些機亦有內部甩油的問題,且要得到最佳畫質又要用貴鏡頭+三腳架。原本打算買旗艦D4s,可惜那時候只知道D4s快將推,但Nikon遲遲也未有宣佈其規格。跟住機緣巧合下,找到一部D800回來,使用了幾天,感到其色彩和銳利度是可以的,但在陰天拍攝時,只係把iso提升到600,Noise已經不能收貨了!需要用軟件去後製修正。於是,決定放棄D800,並且透過雜誌評論及網上資料了解Df的性能及相片質素。毅然決然走去Nikon Show Room,借Df試吓,起初擔心Df接上「大三元」時會頭重腳輕。不過,當把Demo Df接上24-70 f/2.8G苦惱一掃而空!終於,我明白自己需要什麼了! (用高iso拍攝時,Noise少有畫質。輕量機身,顏色鮮艷。)於是,二話不說和師傅去了旺角電器街出機了!現在Df開心使用中,平日掃街(Snap Shot),行山影相輕鬆自在!總括而言,我覺得Nikon今次做對了(以成熟的技術,造出平衡度高,又實用的產品,就如Toyoto製造Corolla家庭車一樣。),使我能安心地拍攝,藉着Df重回Nikon世界!仲有,曾聽一位師兄說：「買銀色Df係用來威,唔係用黎影相。」個人覺得Df係用來影相,唔係用來『威』!(若你有此想法,我認為你好膚淺囉!)

× 可以用回我的一批 AIS 鏡頭，未來想買菜絲的鏡頭也可以
x FF 來說是最輕的，可以長時間在拍攝也不覺得累
x 很喜歡它拍出來的黑白照
x 機器比較小，可以在街上拍攝而沒人會注意

x 沒有裂像對照片, 這個功能可以核對與電子對照的準確性。
x Menu 功能太多，可以學Leica再省掉一些，譬如說修改圖片功能刪掉會更好
x WiFi 或 Bluetools 與附近的手提電話或電腦連接應該build in

我用了大概3個月，越來越喜歡它。我之前用FM2, 10年了，然後數碼化用了D40差不多6年了，一直想換機。本來想用D800, 後來又覺得太貴，太重，而很多功能也是多餘的。那時想最好有一台像 D7000的配置的FX. 後來出了D600, 還是沒買，覺得還是不合適，價格一萬六，可是一台跟D7000同意個款而不同CCD的機器而已。11月時突然間發現了Nikon 推出了Df. 去了店看看，一上手就喜歡了，因為實在太想找回 FM2那種只是拍照的感覺和工能。所以推出了兩週就買下來。
在用的時候，我所有的老鏡頭，包括AIS 50mm f/1.4, 105mm f/2.5, 35mm f/2.0 都可以用上，而最好就是裡面包括了電子對照。可是如果可以有裂像對照就更完美了。
上面的轉盤，我覺得用的最多的只是那個shutter speed, ISO 和 on/off 鍵。其他其實很少用到的。也沒覺的不太方便，而習慣了也可以以很快的動作就可以拍攝。
Menu 其實源用了Nikon 本身的軟件。不奇怪的，這樣可以省了另外版本的問題。可是我還是覺得太多不必要的功能。如果能再簡化它就更好，更配合這台機器的設計願意。
最後我覺得這台是給有一定程度拍攝力的人來用。D4你可以用auto當成傻瓜機用。可是df不可能，因為所有的也需要調整，如果連ISO, 光圈和快門也搞不清楚的話就很能用的到。而如果最求設備或功能的話，這台機器並不是選擇。而習慣了Nikon DSLR 的話，這台除了Menu以外，很多地方還是需要習慣的。
這台Df 會令到你越來越喜歡攝影的 :-)

D4 sensor 果然名不虛傳，ISO6400 都可以接受。
FF DSLR 機算輕。
造工精美紮實。懷舊外型超靚仔。

相機帶位置設計失當，條帶會阻住食指按快門。
相機前面的光圈轉盤唔就手。

本身用開D800E，無奈真的太重，漸漸擺多過用。一直希望有一部輕身FF機, 可以用返D鏡頭。Df 像素雖只有16M, 但相片質素比D800E 有過之而無不及，尤其在晚上/室內, ISO3200 都唔覺有noise。開始明白到高像素不一定代表高質素。另外，D800E 一張RAW成60M大，攪到部電腦成日hang機。Df 一張RAW只有20M, 用 Capture NX 執相就快夾爽。一次開幾張RAW都無問題。
話佢貴? D4 sensor 放入細小機身內，我就覺得物有所值。當然，兩萬蚊機在市場上有很多選擇。Df 並不是十全十美，但拿上手的感覺的確與別不同。平時插住支28mm.8，影人影景，室內室外都無問題。它可給我重温菲林年代的感覺。可憐的D800E從此被打入冷宮。

1. 輕 (對比D800, D800e)
2. 外型Classic, 拎住係街影相真係人人回頭望
3. D4 Processor, Noise control 好好
4. AF, 開機 反應好
5. Menu 既設定一如以往, 正斗, 即使我已經好耐無用Nikon, 但係一拎上手就知道哂d 野應該係邊set! (唯獨ISO呀, EV + - 等要重新學習)

1. 收光圈個dial 既設計太奇怪....如果要快速控制的確唔可能
2. Shutter 粒制唔夠突
3. 握手位太淺了
4. 假如佢真係Mirrorless的話, A7真係收皮, 可惜因為傳統F mount + 電子化, 部機厚左好多
5. 銀色望多兩望其實麻麻地.....哈哈

起初以為係Mirrorless 係好開心, 不過後來真相大白係F mount不免有少少失望, 上手既一刻只有一個感覺: 好輕! 無諗過一部有皇級處理器既機竟然咁輕, 岩岩第一日玩果刻要重新學習某d 位要係機身上實體更改的確麻麻地, 但用熟左就已經無問題啦! 最大既不滿就係粒黑色Dial同埋光圈Dial, 如果黑色Dial 可以做到光圈收放就好啦, 預設光圈Dial個位簡直係玩人,唔知係新機粒制實d 定部部都係咁, 我用食指係要好用力下先轉到光圈, 又因為位置問題, 根本做唔到好似以前舊機既快速轉光圈, 手頭上AI, NON-AI 鏡其實唔多既情況下, 呢個問題都真係令人頭痕痕。 但可能係因為呢個原因, 佢令我學習返, 慢慢地影一張相既心情同埋態度, 呢d 野真係好講feel, d 討論區係到話佢賣兩萬幾唔抵, 我就覺得一切都係廢話, 拎過上手玩過先再講啦! (不過仍然希望Mirrorless既一日!!!)

1. D4 CMOS
2. 20萬 ISO Speed, 弱光下無敵手
3. 復古外形, 大部份拍攝設定都在機頂上進行。
4. 十分型仔, 又用得番AI鏡, 好多人抄番AI/ AIS鏡出來用。十分配合。
5. 黑色機身型D, NIKON打錯算盤, 銀色仲賣貴D, 結果通街D師兄都用黑色。

1. 單卡插槽
2. 有人認為無拍片是缺點, 但我用過NIKON O甘多部單反都未用過拍片FUNCTION
3. 實際操作上, 有別於一貫NIKON的機身的機動性功能功能, 令到討論此機的人不少。其實此機的預告上係已標榜係"PURE PHOTOGRAPHY" , 只係為一班追求舊菲林時代的感覺及喜愛慢拍, 享受攝影樂趣的人為市場對象。

NIKON在數碼單反市場上為了面對競爭對手, 在所有機身設計都極力緊貼市場需求, 而這部DF 似乎是在探索出另一條新的市場出路。成熟的技術基礎加上新思維, 令這部DF用上手後, 好快適應, 不會覺得是一部問題多多的一代機。

另外考慮到機身的平衡感, 呢部機似乎適合配以定焦鏡使用, 機身加上幾支定焦大光圈, 就十分好用, 如果要玩大三元果類鏡或80-400 , 還是..... 等它出直島吧!

1. 我本身只有幾支爛鬼 Ai-s 鏡，用磨砂對焦屏無問題，除咗 Viewfinder 睇得清楚外，螢幕左下角「●」等對焦提示，足以幫助你準確對焦有餘；
2. 可以輸入非 CPU 鏡頭資料，點調校光圈環都好，機身都可以測到正確光圈值；
3. 有 DX Mode & FX Mode 可供選擇，可盡用不同焦段鏡頭（例如可以用 Ai-s 28mm f2 做標準鏡）。

1. PSAM 轉換要掹個掣上嚟先轉到，不太就手；
2. 眼睛控埋去 Viewfinder 時，鼻樑經常按到對焦點。

我本身用開 Canon ，但一直有 Nikon FM2 & FM3A 在手，仲有幾支爛鬼 Ai-s 鏡頭，一直期待 Nikon 出番部經典外型嘅數碼相機；Df 嘅出現不單令我重拾菲林攝影嘅經典感覺，更令不少舊鏡重生。