Canon PowerShot G3 X

實拍照片

2016-4-8購入。價錢$47xx，CP值很高喲！
我是女用家，重量、輕便對我嚟講好重要！
打雀完全無問題（當然唔好同FF機去比）影raw回家用PS執少少已經見得人。

我本身用開A7，轉用G3X好快上手，操作簡單，易學
講真就算有錢買支真正400mm長炮，都無本事攞住四圍去，24-600mm真的好方便。

沒有其他人說得如此一文不值。

iSO 6400後晝質就開始有點鬆，陰天/日落後打雀唔係太夠用。
追焦比較慢了一點點。但這個價錢我可接受
LCD有色差，放入電腦睇（特別是綠色）都幾大分別
打雀長期對焦電池不是太耐用，一定要買多粒作後備

買一部高晝質的FF單反機相 + 一支真正的400mm長炮鏡 + 承受力很強勁的三腳架 = 使用5次/每年

一部小長炮DC（能滿足打雀的慾望） = 使用10次/每月

攝影是興趣、同時亦需要實習，所以我選擇了後者。

好DSLR feel，D制擺位好順，重量適中
只要唔好同full frame 及 APSC機比，對焦速度快，畫質超班(好過部分中價apsc機）
拍片時變焦及追焦反應快
防震好得
全天候少少雨都唔怕
新機玩咗兩日影咗100張相又拍咗10幾分鐘片都未使換電
其他優點睇spec已知

遮光罩冇副廠
重點：死症Mon 偏色，會上Canon嘈佢換新mon
快門㸃解冇1/4000，ISO 冇100， 日光日白好易over，唔好以為送個內置ND filter就過到骨
機價貴

一心諗著揾部高倍數相機拍下運動嘅片，已試過Pan記部FZ1000，佢輸在機身size及焦距，而佢畫質都好好，而N記部P900除咗遠程，玩上手俾唔到驚喜我
最後系呢部機兩日內去雷射玩左3次，分別去不同鋪，最後都知俾佢毒到

24-600mm 超廣角到超遠端
雜訊抑制良好
景深效果明顯
Step Zoom順暢好用
成像唔差，尤其夜景星空

一部功能強大的prosumer機就是不能直插充電
每舊電只有850mA，即係要迫消費者買多兩三舊電？
定價離地，咁樣既價錢卻無EVF，光圈也非顯注特出
神速扁值，用家心涼，賣者惶恐。
Sensor表現來講，成像比RX10差，但卻與價錢低一截既FZ1000同級
反MonSelfie理論上可行，但手腕要夠力先好，唔係一滑手就報廢
Touchmon太sensitive，成日禁到唔想禁既野
光圈唔夠大，如最遠端可keep到F4.0就最好啦。

整體來講，部機不過不失，成像在DC來講算是銳利，但絕對唔係一部值6000以上的貨色。如果你問我，小弟覺得部機既影像質素同FZ1000相差不大。但光圈大細就輸左比FZ1000，而且人地有EVF，G3x仲要加成1500銀買，唔值。

同RX10相比更加是雞同鴨講，人地恆定F2.8已經非常好用，G3x遠端只有F5.6。

在使用偏好或習慣而言，如果你係一個「即興攝影師 / Snapshotter」，千祈唔好考慮G3x或其他相似的相機 (包括FZ1000, RX10或Stylus1/1s)。因你只將部機放在家裡鋪塵。G3x所謂的「輕便」是針對單反的定義，而非DC機。

總括來講，如果你覺得EVF係必須品，但又覺得G3x貴得滯，買FZ1000啦。
如果有無EVF都無所謂，但又想D相好聞D兼玩埋恆定大光圈，加多千零就有RX10。G3x唯一的優勢是夜景表現良好，及焦距的高選擇性。
但這無法Justify呢部機值6000的理據。

我認為G3x最多只值4000，所以十分後悔當時用成6千買呢部機。

24mm至600mm鏡頭
防震好得
1吋cmos，畫質不錯
可反轉螢光幕自拍

要加錢買觀景器
長距時光圈細
轉接器上裝濾鏡的設計好唔得

帶它去了英國旅遊兩週，單反大部份時間收起。在白金漢宮影御林軍換班時,雖然下着微雨,人在鐵閘外一大堆人羣中,但高倍變焦鏡頭完全發揮到作用,無論拍攝個別御林軍大特寫或一班人步操,都有不錯畫質的效果。反觀身邊幾個拿單反和無反的中外師兄,在人們互相推撞及下雨的情況下，根本不能及時更換鏡頭。就算帶了兩部機，在人群中支大炮亦無法輕鬆用到。
去到各處名勝，無論教堂上的金頂，牆上的石像，均能很清楚地拍下來。
都不知點設計？要將轉接器裝上鏡頭上才能在轉接器上加濾鏡，結果小部份雨水從轉接器與鏡頭間的空隙滴入鏡頭的表面。

1. 24-600mm，廣角夠用，影月亮亦清晰
2. 5軸防震好掂，600mm手持無問題
3. iso去到3200個人可接受，變相夜晚可提高快門速度
4. 變焦快，加上可一鏈變回廣角端，唔怕走失目標
5. 電量絕對不只官方公布的300張
6. 內閃可手動作跳閃
7. 與同類1寸長炮機比較，g3x焦段最長，而且較細較輕

1. 屏幕偏綠，長炮機但無evf (用外置evf可解決這兩個問題)
2. 鏡頭環竟然不能用作變焦
3. AEL鏈不好按
4. 手掌大的話不好揸手，尾指放不到

用了一星期，方便，基本上600mm乜到影到，
當然畫質只係1寸，不可能同大sensor比，
但係不要睇少呢1寸，你覺得畫質差只係因為有對比，
1寸本身絕對不失禮。

1吋cmos畫質相比1/1.7 "， 2/3"size sensor更有保證，這是科技進步的成果，新的小型dc發展趨勢亦應該向高畫質大sensor的路去發展才是。
外型好看，於眾多1吋長炮機來說，它的外型是最沒侵略性，拿出來影相冇咁易比人“眼啤啤“
24-600焦段好用，日光下外加數碼變焦影相都見得吓人。
就算是有一段距離的（約70m）昏暗環境下攝影，我開到iso1250 用135mm焦段 1／5s慢快門（不開閃燈）都可以足不出戶就影到白底紅字指示牌上的細小的字，這對我在工作上有大幫助。亦是之前用開的長炮dc是做不到的，因為那些細小sensor的dc在光線不足的環境下，就算給你用iso800 150-200mm焦段 同樣是慢快門（不開閃燈）是比較難保證會攝影成功，就算影到了都不能確保可以影出主體上的紋理，這就是1吋與1/2.3 ，1/1.7與及2/3的分別。
上下翻芒取景方便，電池亦頗耐用。

可能為了確保高度的便携性，沒有內置evf，但若然真是內置了evf，相機體積可能就不一樣了。
高iso的表現就真是不要妄想到與apsc size 的機種去比較，但我個人認為iso1600是可用的。
手持夜景功能好用，但畫質不能與sony的rx系與nex系作比較。

我認為不能因為sensor大了一點就對這類dc有苛刻的畫質要求。但這款g3x卻是平衡了長焦距 (20x up) 一定程度的畫質 輕巧的便携性，縱使在1吋長焦機種上其畫質不是最佳，但論方便 輕巧的携带性卻是數一數二的優秀。