優點:
1. White Balance 好多地方試都好準. (科技進步)
2. 多角度 LV 好用又易用.
3. LCD View Angle好好, 同一齊睇相好方便.
4. 電力強, 去旅行時常用 LV 都用到一日.
5. 原廠手柄好用, 之前 D5D 用副廠手柄都係差好多.
6. AF 快.
7. SSS 好有用, 好多時可以手持影相.
8. 14MP Chop 相好有用.
9. CCD 影人顏色好 (我個用 D80 朋友的 Comment).
缺點:
1. Eye Start 煩, 用咗幾日都忍唔住 Disable 佢.
2. OVF 比 A200 和 A700 細. 不過我用來影相又唔覺得有影響. 當然有大 d OVF 就更好.
3. 因為個 LCD 大咗, 個十字掣比 D5D 近握手位, 用九點對焦時會誤按”右”掣, 令對焦點變咗去”右”. (可能係我問題)
4. 無咗 AEL Toggle Spot, 得 AEL Toggle. 其實應該唔影響成本, 唔明 Sony 要 Cut 咗佢.
5. 無咗 DMF 和 DOF Preview. 不過我一直都無用, 對我無影響. 其他人話用 LV 都可以慢 MF.
6. 唔計 M/KM 鏡, 少中低價鏡. 雖然我自己已經有 50.7, 不過我都想 Sony 出有 D 版的 50.7 同 70-200/4.
評價:
作為 KM D5D 用家, A350 十分易上手. 其實 Sony 已經將 A350 的操作簡化, 令佢更適合初入門用家. 其實我自己之前打算買 A700, 不過在 Showroom 試過 A350 個 Liveview (LV) 之後, 就決定買 A350. 買了回來之後去過影夜境, 去旅行用, 幫同事影婚宴及行山又影吓, 影咗四千幾張相後, 更加覺得個 LV 好有用. 之前都聽過人話數碼機可以多影幾張, 唔啱影到啱, 唔洗用 LV. 但當無時間俾你慢試, 個 Quick AF LV 就真係好有用. 另外一個 LV 最有用時候, 就係當搵 d 唔係用開 DSLR d 人幫手影相時, 好似去旅行時搵團友, 女友時, 以前無 LV, 好多時佢哋都會手足無措. 但依家轉定 LV 係佢哋, 佢哋都會好樂意幫手影. 而 Sony 亦將 LV <-> OVF 轉換設計得好簡單, 大大增加用 LV 的機會.
至於 SuprSteadyShoot (SSS) 用落感覺上同以前 AS 一樣, 在低光時好有用. 有人話用腳架仲好, 我都有帶腳架去旅行, 但係你話點可以聖彼得大教堂內或羅浮搏物館呢 d 低光地方 set 腳架照呢?
今次香港 A350 以低價出售, 作為用家絕 Happy. 其實對其他牌子用家都有好處, 因為其他牌子受壓減價, 大家都可以齊齊用平機. Happy Shooting.
如果新手買機, 就一定要親身拎部機 (任何牌子都係) 上手試手感同 OVF, 唔好齋聽我哋吹水.
大家有時間可以睇吓我 d 旅行拙作, 有 d 相都係低炒同慢快門影的.
雖然唔係大師, 希望可以作為一個普通用家作品俾大家參考.