還原靚靚拳．膚色篇（有廣東話高清片）

＂膚色還原／優化＂－係好基本又好深嘅一門學問，尤其亞洲人膚色比白種人包含更多黃色，今次同大家分享少少自己關於膚色還原Camera Raw轉Jpg嘅一d經驗。

唔同人種有唔到膚色屬性，大部份人種都由主色群＂紅橙黃＂包辦，不同光線同色溫會隨時令其他顔色干擾例如水面反光嘅藍/飲宴場地射燈嘅紫/招牌嘅桃紅/䓍地嘅綠/日落陽光嘅橙，色溫越接近對人色影響越大，好似日落陽光嘅橙，因為同人色撞埋一齊所以如果影自然光日落人像要份外小心正光，因為影響係可以無可救藥，反而面青青就容易處理得多，只要影raw，青色基本上一抽就起，所以對環境嘅了解可以完全直接影響人色。

raw

after

另外拍攝自然光人像Raw時最重要係令曝光同色溫正確，尤其曝光，因為太暗會令細節及顏色流失同會産生雜訊，呢d問題係後制都解決唔到嘅結構性錯誤，所以拍攝時要特別小心，我會建議大部分時間都係以人面為測光主體，極端情況如大背光就盡可能要影多過一張去令細節不至於大量流失。盡可能多了解你嘅機身影出黎嘅Raw嘅資料量亦非常重要，簡單講就係幾白先死白無得救？幾黑先會無晒細節甚至有嚴重雜訊？越了解越輕易做到更有利嘅機身設定從而方便拍攝。

raw

after

而人色其實係無絕對正確，只有適或不適合，因為有d時候你可能想要更有氣氛更多感覺嘅色調去深化相片，比如日系嘅冷調或者日落嘅溫暖，所以唔係話人色正常就係絕對正確，要睇下你想成品帶俾人咩感受，但大部分情況，正常嘅人色當然係會令人睇得得更舒服，尤其亞洲人面色嘅黃同橙比例分怖比白種西人影響大得多，識睇人面色好緊要哦。

raw

after

Tips
剛開始學習調人色記得唔好懶要做多幾個色辦去鍛練眼睛，日子有功，耐左你會發現唔駛下下比較已經睇到顏色大約嘅設定

想進一步提高每張相嘅穩定性，學習手動設置White Balance係必須的，尤其係光源變化不大嘅環境，手動白平衡可大量減少後期嘅調整處理時間

Save 定一d你鐘意嘅人像作品作參考可幫助增強調色控制力

raw

after

後話
膚色還原／優化係一個好深入嘅課題，因為無一個絕對嘅標準所以提升自身判斷力非常重要，要鍛練亦無捷徑可言，多睇多做多試永遠是對的。

如果你影一輯自然光人像相發現張張唔同色上落好大，或者面色又藍又青又紫，室內黃咁咁，背光黑麻麻，想改善可能係時候要想想俾d心機學下調校人色哦～

www.facebook.com/inghohk

www.facebook.com/adorbyhongkong

www.adorbyhk.com