一直對華為呢個品牌無咩好感，有次意外見到朋友部華為影嘅相真係個心都離一離，甚至有少少一刻愛上，到Mate 10上市價錢公道，大電量大芒雙鏡，雖然無今期流行嘅全屏但都好近重點係機面無Logo即時Sharp醒曬，所以決定入手，俾次機會國產品牌，好彩暫時佢已經令我有少少一刻愛上。
機身造功不錯，尤其黑色，邊位同底蓋好似一體，係有d擔心用料會甩漆，因為機背鏡面係指紋收集器同易花，用套都係指定動作，對喜愛裸跑的我係有少少失望嘅。
原來依家Android手機操控已經好成熟 (可以修改定制設置範圍非常廣闊)，影相Apps亦令我非常滿意，起動快方便易用有raw有4K，人造大光圈仲可以手動控制力道，影相模式好多有排你玩，今次入手最重要原因係二千萬像嘅＂黑白＂鏡頭，有埋紅點加持真係極吸引！實試幾日已經感受到嗰種好似手機嘅相機嘅手機嘅感覺，好坦白如果只計黑白暫時絕對無對手，原相直出就算放大都完全無問題，畫質直迫Sony怪獸1”機仔系列，彩色鏡頭都好但不及黑白出類拔萃，我會話同其他大牌嘅旗艦手機同級，廢話少講，重點黑白試相來了！
Huawei Mate 10 Black
只調光暗加Logo
其實只要簡單影一張放大你就會知道咩事，解像力絕對無呃人
對逆光反應都好好，但反而無我好鏡意嘅曜光，少了一點感覺
層次真係好好，無話癡埋一舊
人造散景應用有d學問，最好主體邊緣平滑或不在散景區域
自定ev+ISO+防手震已經係夜拍利器
慢快門pan車完全無難度！
反差大都無問題，當然測光要準需有d技巧同經驗
從未諗過手機二千萬像會嚇我一跳
現場反差大到喊
呢個角度應用人造大光圈最好
日常帶住可以機不離手，正！
扮下巴膠先
慢快門勁好玩哩
係有少少嫌佢對光源反應好細，少了點性格
記事一流，咩都濕都爆左
Snap真係要隨時隨地先係重點，好多畫面一瞬即逝
微距，合格啦
ISO最好控制係400以下，防手震幫到好多
呢條後巷近乎全黑，暗位竟然拉得起......Amazing！
用手機拍攝係鍛練構圖好幫手
原來中國夢可以24小時不停Loop......
機身處理影像效果非常討好，只需用Apps拉一拉暗位已OK
睇黎離手機追上高質相機仔的日子不遠矣
超低光，大反差
暗位好多細節，完全令我對國產手機改觀
呢種角度最能發揮＂大光圈＂嘅威力
白色車細節毫無遺漏，一張過高中低光有齊
呢個其實係錯誤示範，留意恐龍腳就會發現穿崩了
追焦慢始終係手機大敵，貓星人有一下跳走回頭唔算快但都追唔切
彩色雖然未有令人嘩一聲嘅質素但可以講係目前手機最高級別，期待下代再有突破！
後話
從來都無諗過自己會買國產手機，就算好靚仔嘅小米mix2我試完都係無乜感覺，今次Mate10係用真材實料迫我科水，個人俾呢部手機評價極高尤其係黑白鏡頭同手機電量，如果硬要講缺點就真係始終係品牌比較欠魅力，追焦反應同彩色鏡頭相機尚有進步空間，如果有多d原裝鏡頭配件例如廣角遠攝鏡+手柄就更好了，其實已經對PorscheDesign有d心動，但價錢真的嚇到我個心又離一離，發下白日夢，有LeicaPhone就真係過萬都要衝啦！
爹娘喜歡攝影想分享想進步可加以下group 呀親！
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/adorbyhongkong
