阿女要準備入小一所以無左年度旅行，但因為要去探親戚所以就一家人黎左個大灣區番禺三日兩夜，行程主要去兩個地方，長隆野生動物園同岭南印象园，阿女第一次返大陸，已經打定底同佢講會有些不文明行為會經常發生，最重要係佢明白這個世界會不似預期，做好自己不影響他人就可以了。
今次住祈福新村，樓下有個大商場，勁多野玩同野食，我諗真係你講得出都有得食，簡直係一個小型美食城，仲要唔貴六大一小每餐都係五舊水有找，老婆已經諗好下次約埋朋友上黎食多次！另外有驚喜係買衫，好多淘寶貨靚衫係度如果減價其實同上網買只差好少，重點係有得摸有得試，所以同嫲嫲認唔到手買左幾件俾阿女每件都係100人仔左右，料靚款都靚，可見大陸都開始知道要做好品牌先有出路。
動物園本身絕對值回票價，行足一日大把野你睇，可惜天氣差我地無去睇埋馬戲團，下次要去睇！
個商場大到喊，size大約2-3個又一城左右，可惜係無冷氣嘅......
好多小朋友遊樂設備，玩水，高空障礙，玩水池，賽車，仲有好多玩具店，唔怕細菌其實好屈機
大大個波波池，你唔叫阿女真係可以玩一世
彈彈床係香港好少有，但要小心玩因為無指導員又無指引
單位比想像中細，但地區配套真心幾好
大陸特色之一，就係咩都可以拎黎做生意，餵魚，按摩椅，一人唱K，電動遊戲車阿女大叫新奇
第一日hea住食下同阿女放下電就返左去休息，打左四圈就覺覺豬了，原來電動麻雀枱真係好方便，但無得游水好似硬係爭D野咁......
第2日就係長隆野生動物園
早餐食腸粉大小姐好滿意
巴士站就係商場地下，好方便！
半個鐘已經入到動物園，用klook買飛都好方便
動物園比想像乾淨得多，同香港未有得比但至少有進步
唉，有時睇大陸人行為真係好睇過動物，教育真係好重要！
動物種類多，要大有大，絕對值回票價
餐廳有得填顏色，仲有大熊貓睇，但價呢就好主題公園啦，同迪迪尼無咩分別
餵大象好玩，但小心基本上一野就餵完，要影到相要準備好啦
唔係講笑，真係feel到佢笑，動物園本身就似一個監獄，見到呢個表情多多少少減少DD罪惡感......
餵長頸鹿都一樣佢一口已經食左
如果鐘意鳥類幾多品種睇
入黎重點之一，東北虎，見到好多大陸人大力拍打玻璃真係睇到心都離一離，唉
BB老虎勁得意，阿女又話想養返隻
全場阿女最愛，白虎，識爬樹又靚，所以最多人睇，阿女即刻話要買條尾扮佢
食蟻獸原來都幾大隻
好多種猴類睇，有D真係好特別
成個園最伏就係恐龍區，又長又悶，好彩最後隻T Rex都夠大同叫得下
去到我最愛嘅一part坐車睇動物，可選擇自駕或租車，但其實坐動物園觀光車仲C服
呢一區最free有放養feel，當然D危險動物梗係有條河仔隔住啦
動物真係夠曬多，但記得坐右邊！
真係ByeBye你條尾啦呢次，盛惠1舊水人仔
夜晚返去祈福食客家菜
唔係講笑，個場9成餐廳都裝修得好靚
都係嗰句，平均六大一小都係500人仔仲要好食，真係日日淨係食都抵！
第3日就爺爺嫲嫲去岭南印象园
租嘅屋有800呎左右，乾淨C服都係3百幾人仔
一早係樓下食左個肉饃，十蚊但好鬼好食，外脆內軟，其實小食仲有好多，有間羊肉串同水餃又係一流，食呀食呀
唉，大個唔俾影，35mm好難用
今日自駕入岭南印象园，我地係北門入但其實南門入泊車先方便
名人鄉親圖，原來我同宇宙最強係同鄉
睇皮影戲，阿女好奇待！
故事係講隻龜玩隻鶴，阿女問隻龜係咪bad guy？
好多手制品，有D真係幾靚
可惜我地食飯太耐miss左另一場表演，但室外睇真係熱到hihi
OMG 三蚊支維他奶
竹打麵好食，點心反而麻麻地
其實人並不多，反而行得巧C服
練溪村舊建築物好有傳統味道
好多紀念品店，估你唔到紀念品又好平喎
呢個好玩，基本上可無限連玩，最衰我太重......
好荔園嘅機動火車，太熱放棄了
又係手動遊戲，要人推嘅海盜船，攰死人咩
大陸D公仔仲係好怪，但Halloween用就好有潛力
阿女話鐘意屋企個門口咁大，唔......有taste
真係周圍都wechat pay，連街市都用......
岭南水鄉韵味
手工麥芽糖，阿女勁爆鐘意，又想食但又唔捨得
我話呢隻係以前嘅的士，阿女問點解的士無冷氣？
珠江一條，有D臭但樹蔭下真係好涼爽
去返南門阿女跳返隻走人舞先
門口街邊檔椰青，出奇地清甜！
連續幾日5點左右就落雨，今日都唔例外
為左避雨去左Ikea行街街，阿女可以係兒童區玩，保安都好嚴格下，我簽個名簽得樣衰都差D拎唔返個女
好多野香港都無，又唔貴喎
大就梗架啦，基本上呢D先係正常Ikea size
民主設計咁大逆不道真係西方勢力先夠膽講
貨倉級空間，行得好C服
後話
要利申下先呢篇唔係咩推廣大灣區高鐵文，小弟已經有兩年無返大陸，今次都係因為同阿女返去探親，幾深感受有......
1. 祈福令我地喜出望外，尤其係食
2. Wechat pay真係近乎100%覆蓋，有D舖頭直頭cash都唔收，只做online order
3. 大陸人多左識得排隊，但依然會同你人肉碰碰車，大熱天時仲要濕身真係dll......
4. 仲係會週街大小便，阿女都睇到嘩嘩聲
5. 好多野都靚左，尤其品牌形象同裝修
6. 如果想用數據上到Fb whatsapp記得要係香港買定prepaid sim，大陸大部分地方都要實名買sim card，香港買價錢大約幾十蚊1g，百零蚊5g左右
上大陸旅遊其實係非常吸引嘅，地方大進步快，當然整體市民文化水平依然偏低，但有時嘗試欣賞比定然拒絕更有用哦，其實由細到大都會返大陸探親，近年因為好多事令好多香港人對大陸反感，行後D睇，大陸政黨的不好不須意氣用事去討厭關於中國的一切，因為無論如何我們與中國有非常密切聯繫都是事實，所以我相信要更了解中國知道情況大家先會有更好未來～
下個目標就係珠海長隆水族館～
爹娘喜歡攝影想分享想進步可加以下group 呀親！
@愛拍攝爹娘親兒協進同鄉會
https://www.facebook.com/groups/198397067322909/?fref=nf
