感謝兄弟J先生提供住宿令我可以一邊工作一邊陪屋企人朋友過大海，但去得太多都係賭賭賭賭賭所以今次同朋友去會睇下大自然一面的澳門，btw依家好多酒店做緊優惠一千多就包埋船飛同早餐，今次我地住嘅巴黎人都有近似優惠，想plan親子遊可以參考一下哦~
今次唔係懶係要練下手，所以試下只用一支85mm影晒，真係幾難但又幾好玩，85mm的澳門原來也很不錯！
Canon 6d + Sigma 85mm f1.4 Art
尖沙咀港澳碼頭好鬼少船，無買定攪到要等成個鐘，唯有帶阿女去睇下海豚
見到海豚啦，阿女話點解嘅？？？
陽光其實係好好嘅燈具，只要注意white balance同用重點測光其實好易影
85Art 質素無可挑剔，只有一個缺點：重
忽發奇想，人生搵次坐下直升機去澳門都幾好
阿女真係大得好快，件衫著左兩次已經唔係好啱身......
一去到就落路環食個晚飯先
巴黎人正門出面其實好靚，記得出黎打下卡
個大堂好靚，d房反而無咩特別
Bubble bath 開心到核爆！
好多表演者係商場，有d國內同胞真係俾佢嚇到個心離一離
阿女公主病發作中仲要唱埋歌......
朝早去左玩水，中午就去官也街食譚家魚翅同還原水牛雜，翅就真係食幾十蚊都夠，還原水手雜真係好食！
周圍都有嘅電單車
阿女已經養成周圍畫畫嘅習慣，簡單一張單據背後已經可以畫，好過俾電話同iPad佢，仲越畫越好添
大家高高興興買手信，包你一定歡喜......eeeee有聲嘅？
黑沙水庫郊野公園，之前打風，d樹好多都爛晒
有免費滑真草，但阿女瞓左......5點收工架啦
遠望黑沙海灘
返巴黎人上埋鐵搭先
個鐵塔其實只有37樓高，要俾錢就未必會上啦
係7樓都有情人鎖可以俾你掛
風景其實都ok，如果高多一倍會好好多
單一發展真的好嘛？爭d唔記原來自己係澳門出世
心血來潮去左筷子基老記食粥同煲仔飯，依舊好食但好似貴左好多？
f1.4室內完美發揮威力
第二日早餐梗係去安德魯食葡撻
畫畫時間又到了
個早餐真係好豐富，正！
朋友仔一齊畫
可惜打風條橋爛左，要行多5分鐘入去
黑沙水庫有得租船玩（四人船$40）好抵！
今日終於玩到滑草，排隊先！
Yeah~ 可以話你知呢個遊戲佢地可以無限次咁一直玩，一直玩，一直玩......
表情已經話俾你知勁好玩囉
頭搖又尾擺，漂移境界......
你睇到成個山頭d樹就會知個風幾勁
仲有個小迷宮，搵唔到媽咪嘅阿女
玩完，食飯！
去左竹灣酒店食西餐
靚靚自然光
環境一流，好似拍戲場境
一行落去就係竹灣海灘，睇日落好正！
阿女見到沙又hi爆
搵蟹中
搵到微型貝殼
對小朋友來講玩沙又係可以玩一世嘅遊戲
好認真分類貝殼中
去舊船廠個邊好有大澳feel
攰到爆左zzzzzzz
去漢記飲手打咖啡，外邊已經聞到咖啡香
真係好raw嘅製作過程
海邊舊船廠，幾時變埋賭場？
過左隧道就係橫琴
朋友帶左我地去澳門大學一遊
真心好靚，大到完全唔似澳門
每次見到澳門d奇怪建築都覺得好格格不入，都係鐘意葡國風情多d
後話
本來可以去埋氹仔公園，媽祖文化村或睇下熊貓，但去澳門都係hea好d太趕不如留返係香港，兩日一夜已經可以有一個好開心嘅親子周末，另外如果唔想去黑沙咁遠或者淨係想滑草可以考慮去大潭山郊野公園滑假草哦，btw証實左其實85mm係有d難用都唔係好遠啫，下次試下全程135先，多謝收看~
爹娘喜歡攝影想分享想進步可加以下group 呀親！
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/adorbyhongkong
