係好耐以前，我曾經發過一個夢，夢入面我部未來iPhone係一塊透明膠片，仲可以影到專業嘅前清後濛人像相，估唔到唔駛10年，apple令我夢想成真，咁下年部iPhone 8會唔會係一塊透明膠片？？？
next year ceramic iPhone 8 please! 
要先聲明，我係一個ok忠實嘅apple fans，由n年前讀書開始用iMac已經好鐘意apple嘅一切，十幾二十年前係香港只有designer或發燒友會用mac到今時今日iPhone、iPad、iMac、Macbook等等已經係無人唔識，apple同靚設計、高質、超卓穩定性、有品味已經畫上等號，最記得當window仲一日輕幾次機而部mac可以成年唔熄機仲順到爆，仲有陪老闆用成差不多3萬銀去買2部第一代iPhone…… 好啦咁2016年嘅iPhone帶俾大家嘅係乜？就係要打破電話感光元件細+鏡頭限制做唔到淺景深效果呢個死結，用Software配合一支56mm f2.8嘅副號鏡去創造不可能嘅淺景深－人像模式（只限iPhone 7 Plus）！
Apple今次野心好大，係我眼中呢個係對傳統dc仔進一步嘅追殺，幻想下唔駛用大大部相機，唔駛換鏡，影完又可以即share呢d對初階用家都有極大吸引力，長遠甚至對無反單反都有d影響，因為呢個人像模式可進步嘅空間同發展潛力非常大：景深度嘅控制、更快嘅處理速度、拍攝dng嘅可能性？當然係現階段試用左幾日，已經發現係人像模式有好多限制同不足之處：處理頭髮同複雜背景有待改進、多過一個人或物會亂對焦、追焦較弱對焦亦較慢、只可後景淺，前景唔識淺、被攝主體及背景如果顏色太近會化埋一舊、人或物建議要係八尺內、好明顯自動推高左iso加快快門令成像變差、要光源充足等等，好似好多問題未解決，咁究竟得唔得先？暫時其實只要多留意構圖同顏色要影到自然靚相一d都唔難，網上已經有好多基本對iOS 10.1beta嘅安裝教學同測試，而真心同iPhone 6/6s比相質其實只係好左少少同發色靚左dd，所以今次主力就係iPhone 7 Plus人像模式實戰分析，去相！
iPhone 7 Plus 256gb
主廣角鏡頭 28mm f1.8 有防震
副鏡頭 56mm f2.8 人像模式
被攝主體如果邊緣位置 / 背景複雜放大就可以發現效果並唔算好，但縮圖就收貨吧，現階段仲係beta版希望正式推出會有改善
可以見到平滑邊緣既物件做淺景深相係有最好效果
距離其實近少少都ok，好似咁樣用接近淨色嘅背景同主體有較大反差效果會最好
多過一個人要小心，因為只要有一前一後software都會虛化後面嗰位，所以多過一個人合照要盡可能平排，btw好明顯自動推高左iso加快快門令成像變差
唔聞相只係網上＂些牙＂下其實好夠用
留意透明杯頂右邊因為邊緣對比不足顏色太近已經同背景一齊被淺景深化
位置構圖都夾好曬真係你話係電話影我都唔多信
主體不在淺景深化範圍亦係一個好方法
另一重點係iPhone 7有得影raw (dng)！配合等3方拍攝apps (LR / Procam 4 / FiLMiC Pro) 應該可以更盡情地發揮感光元件同雙鏡頭嘅威力！
iPhone 7 Plus + LR Mobile
tips
要淺景深做得靚，構圖同拍攝角度好重要，最好淨色背景，被攝主體邊緣分明
暫時呢個都係好＂日光＂嘅玩法，唔夠光基本上唔駛玩
要影淺景深團體相記得要一字排開就perfect
後話
真的不得不佩服apple團隊嘅優化技術手段，其實就如同好多其他apple產品同技術，apple並非始創者但總有辦法做得更好用更user friendly，甚至比始創者得到更多掌聲，好似iPhone第一代順暢無比嘅touch screen體驗，iPhone 4嘅高解像顯示，iPhone 5s嘅指紋解鎖等等，重視實際使用體驗係apple一直可以比對手更勝一籌嘅重要因素，十分期待發展落去嘅淺景深化人像模式更方便更易用！插左支定焦鏡嘅iPhone真係好好玩！
www.facebook.com/adorbyhongkong
