平時去開的圖書館,有的太細太少書種,有的坐位不夠,有的連窗也沒有,想同小朋友舒舒服服坐耐一點也有難度,今日介紹一間位於天水圍的圖書館俾大家,之前已經有媒體以文青為主題介紹過,但因為圖書館其實不建議拍攝,所以如果純粹想拍拖影相打卡就不要去影響其他讀者吧,圖書館內還是靜靜看書好了。
沙田同銅鑼灣的較大型公共圖書館已經去過好多次,今次介紹的屏山天水圍公共圖書館單是設計已經令人耳目一新,樓高7層,1樓以上已經係圖書館,整體建築物料以水泥+木+玻璃為主,中間樓梯位有好多玻璃窗令日光由頂部直接穿透建築物各層,令室內光源非常自然舒適,座位十分的多,可以話係我去過的圖書館之中最多,就算係窗邊靚位也總有空位,要讚!
兒童圖書館分類做得不錯,阿女都可以搵到想要的書,斜面枱睇書一流,唯一係兒童遊戲室好似乜都無,如果有少少木主題遊戲就一流了。
今日因為知道圖書館內不能拍攝,所以只帶了iPhone怕會影響人,而室內相筆者有先向館方人員表明目的得到准許才於不影響其他人的情況下拍攝,但其實圖書館外也有很多地方值得影,去相!
iPhone 6s Plus + Enlight
阿女勁鐘意坐輕鐵,仲要試下買飛,都好既,我都驚佢幾廿歲都唔識買飛入閘......
成個圖書館設計都好簡約,台日韓感重
地下有泳池,樓上開始已經係圖書館
買了新鞋後最愛同水氹玩遊戲......
跳格仔,正!
想小朋友望上面,可以叫佢數下牆身有幾多格長方形?或者上面有無蝴蝶?以發掘同玩做主導為最自然
設計走工業風,希望香港可以有更多型格公共共享空間及建築物,阿女聽緊雀仔唱歌
其實旁邊已經係西鐵天水圍站,c出口已經直到,好方便,室外有綠化,如果好天真係一流
水泥設計現代感重
先指聲明,圖書館內不可拍攝, 真的有需要請事先向館內人員查詢及取得許可
好鐘意呢個木池,記得要著著襪先入得
座位勁多,超舒適地好好看書
兒童書好多種類都齊,看一整天絕無問題
仲有幾個室外睇書空間, 如果好天不得了
有一個小食小飲區,外望遠山景,夠曬relax
中空設計,自然日光非常充裕
老老豆豆,咁睇書真係無得輸
簡約就是美,其待更多類似的圖書館出現!
後話
之前有媒體介紹此圖書館但引來部分網友負評,怕宣傳會有好多人蜂擁而至只為了扮文青真打卡,其實圖書館內氣氛相當好,目測絕大部分人都係真睇書而館理員見到有人於館內影相亦會立即勸阻,個人認為媒體報導好地方俾讀者實在正常,沒有分享那有快樂?聽到不少於一次有青年説著住左天水圍咁耐都唔知有呢個咁靚嘅圖書館,可以令更多人來閲讀不是很好嘛!所以請館內睇書,館外先影相吧!
作為父母我們當然希望拖慢小朋友的數碼化進程,打好文化基礎,小朋友生於呢個i年代,咩都智能,睇書風氣弱得可憐,打下書釘已經可以升呢做文青,相比以前週街都有人拎住金庸,張小嫻或外國小説,依家清一色低頭族贏曬有點令人唏噓,看書不單是看書,更可培養情緒令人靜心思考,之前很開心有誠品進駐香港,希望有更多有品味的睇書同共享空間,令香港呢個城市更多人情同書卷味!
爹娘喜歡攝影想分享想進步可加以下group 呀親!
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/inghohk
www.facebook.com/adorbyhongkong
www.adorbyhk.com