係九龍灣經過見到有架新＂豬扒 / Supra＂FT-1，真係好concept嘅concept car，心血來潮想影相整張牆紙，睇一睇係晚上車行已經收左工無得入去影，加上週圍好多發光體反晒d光去塊落地玻璃度，車圍住又有個玻璃圍欄，個腦度一度發現都應該handle到，就用細光圈影左兩張（一光一暗），好啦返ps慢慢玩～
Canon 6d + Sigma 85 f1.4 art
Original / 現場條件問題只可以影唔同光度再用ps慢慢執
Step 1 / 通常第一步要先了解所有要解決的問題，前方玻璃圍欄，亂到爆的光影分怖，因為隔住塊玻璃影所以車身好多反光倒影，車底下個影要做過，諗諗下想將車身轉黑色，要記住大光源係車頂，做背景要就返
Step 2 / 首先扭返正架車先，要先除左前面玻璃圍欄條線
Step 3 / 跟手要勾車身，拆開唔同部份一part一part去處理，例如頭燈、車呔、玻璃，再做車身轉色
Step 4 / 車底影要做過，可以用原底修改，但要blur左複製再合成
Step 5 / 基本野已經7788，要平衡返所有光暗分怖，例如車身對比度
Step 6 / 好啦到背景同色tone，想要個簡單偏少少藍嘅灰色用ps做已經ok，車頭Logo都勾起左，之前太黑了
Step 7 / 因為光質太完美會令到成件事有d假，所以要人造返d一d浮動高光同暗位出黎，另外改左車頭燈色試一試
Step 8 / 去到尾段要完美化所有事，怖光同小問題如花痕或車身滑唔滑等等
Step 9 / 要增加光源複雜性所以用一d只有光影嘅相做layer mask人造個頂光出黎，改返暗擋風玻璃
Step 10 / 自己鐘意綠色，所以改左綠燈
After / 最後自己整埋個logo，完成！
後話
其實後制真係好窮人恩物，幻想下週街影都可以擺返入stuido咁影其實好過癮！有錢買機鏡無錢練後制一直係我近年格言，尤其一開始時並不想攻頂因為我好明白凡事有得有失同先苦後甜的道理，所以一有時間就日以繼夜，夜以繼日咁操ps，呢張相執一執已經玩左兩三個鐘，成品並不完美因為拍攝環境條件並不優秀但玩完滿足感滿分！
爹娘喜歡攝影想分享想進步可加以下group 呀親！
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/inghohk
www.facebook.com/adorbyhongkong
www.adorbyhk.com
