阿女仲有幾日就5歲，雖然有個攝影爸爸但從未試過用工作層面去幫女女同朋友仔影相，今日約左幾位同學好好玩一個下午，希望可以幫她留下一些幼稚園的美麗回憶。
本來想弄好多道具同主題，但想一想還是希望今次感覺更生活更自然一點，所以就留著下一次的主題攝影，今次只是拍攝簡單的幼稚園放學後生活日記就好了，非常感謝各位媽媽的幫忙，希望你們和小朋友也有一個愉快的時光！
依家嘅小朋友好多都未用過屋企電話，電話亭對佢地來講已近乎文物，原來打個電話又幾好玩噃，唔好打999呀女......
你個小朋友食飯會話飽但見到雪糕就2噸都同你食曬佢，唉
識游水即刻大膽豬，你要用水泡呢
等小輪中梗係跳下舞先，又幾好睇喎
講下笑話四個小妹妹就笑到傻左，記得同小朋友玩要忘我，快樂是可以很簡單的
今日好大浪，坐小輪坐到似過山車，拖住坐最好玩！
每個小朋友都有佢吸引可愛的一面，爸爸媽媽們努力發掘吧
扮火車，突然間諗起n年前九鐵廣告......巧驚驚
每人有一張即影相，真心好喜歡阿女對玩的投入，那種直接令人很舒服
感受大自然的時候又到了，花真係好女孩子的一件事
認真mode on，原來睇緊小昆蟲
不知不覺阿女已經5歲了，爸爸也要更加油了，生命只有一次，我們一起活得更精彩吧
每個小朋友都有屬於自己的溫度，冷也可以是美麗的
登登登登 Barbie 出現注意，特別嗚謝阿女借出公仔大家一齊玩
幫公仔換裙可以有幾認真？
Barbie family~
本來每人行一次catwalk，但可惜管理員來說不可以係上面行，所以只有一位小朋友行catwalk了，放心媽媽係旁邊ps走左啫
創造力量同幻想會嚇你一跳系列之Barbie帽
呢張好表達到孩子的多樣性，只要爸媽正面發放正能量同愛就不怕一切挑戰了
狐狸先生幾多點原來咁好玩，放電放電
後話
因為阿女我選擇了攝影，不穩定的工作種類卻可以穩定地用更多時間陪伴她成長，作為爸爸我會寧願用錢用物質換時間去多陪她玩，了解關心她聽她的心，教她我懂的，一起學習我們不認識的，和她一起的每一刻每一分每一秒也是珍貴回憶，是無價的，願你生日快樂，内心美麗，身體健康，最愛你的爸爸上XOXOXO~
爹娘喜歡攝影想分享想進步可加以下group 呀親！
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/adorbyhongkong
