而家好似已經冇咩人寫心得，但第一次玩Honor機，都有唔少感想記錄低
優點：
- 個系統真係順到不得了，我完全以為用緊iPhone，順唔係指一味快，而係成個操作animation節奏好符合普通人既手指反應，呢d順暢感唔係一朝一夕磨到出黎
- mon非常出色，睇得好舒服，有時有錯覺自己唔係睇緊mon，好似睇緊紙咁自然，唔知大家明唔明
- 相機遠zoom好強，開機，轉鏡頭反應快，6倍真係同主鏡頭冇咩分別，超遠zoom AI介入還原真係非常非常好用，仲有就係Harcourt人像模式真係唔錯
- 電算幾襟，普通用應該一日半都冇問題，兩日都可能得但有dd勉強
- 最想讚係個喇叭，我覺得比iPhone 16 pro max更加出色，係我聽過手機最強既外放喇叭表現
- 重量算控制得還可以，4鏡頭黎講，頭重腳輕算輕微，重量分佈均勻，而且拎上手真係滿滿premium 感覺，呢樣野唔係好多大陸機比到我

缺點：
- 我比多d買行貨，就係想避免大大少少系統兼容問題，但好似都避唔晒，例如老麥app係直到最近一次更新先運作到， WhatsApp 偶爾都會遇到唔識彈出通知問題
- 指紋解鎖唔太穩定，時快時慢，慢係講緊2-3秒左右，唔知點解
- 新買上手時，廠商為左標榜電量，過份殺後台令人非常困擾，例如智能手錶，disconnect 再re-connect係非常耐，有時甚至唔識自動re-connect，要手動開返手錶個app先連返，要逐個app入去set先解決到
- 相機，老實講，整體黎講係名大於實，最重要係，auto模式運算真係及唔上iPhone 同Pixel，對焦點選擇奇怪，各鏡頭色溫唔一致，非鷹眼模式下隨手開機影移動物體殘影明顯，我知道可以撳多粒掣開鷹眼，但成個體驗就係差果少少，而且鷹眼影出既影像，同你撳掣果個moment 係有幾明顯滯後，其實體驗唔太好，iPhone Pixel就係方便在隨手開相機影相都高質，總之暫時honor相機就只有遠zoom同Harcourt人像係令我讚嘆，但其餘都有d失望，要扣少少分，希望經常軟體更新會越變越好

整體黎講都推既，價錢算抵玩，呢個價玩到8 elite呢粒U都算幾好，而且好多缺點感覺上都可以靠軟體更新改善，優點係硬優點，缺點係軟缺點，呢個就係我感想，希望幫到大家

1／輕巧
2／防震
3／反應快
4／價錢合理

1/唯一缺點，真係日光下ok，如果晚上用唔夠。

一直想找支鏡行山時用，基本要求可以用來影花、打雀，“射程“一定要夠，成像幾sharp都好，叫我托支鐵行成日山，真係頂唔順，唔會帶去。
入手呢支鏡，新年期間帶去影吊鐘花和櫻花，d花稍高都可以“打中”，見到相思雀順手“打”埋都仲可以，好滿意。
有c兄話膠鏡身、伸出唔穩陣，我覺得支鏡行山輕巧細支方便入背囊，唔會好大負擔，對我而言反而是好處。
總結此鏡絕對是行山攝影最佳選擇，唯一後悔是太遲入手。

機身輕巧，手感十分好無入門機廉價感覺，對焦快而且對焦模式完全同Z8等一樣（連3D 追蹤都有）有鳥眼對焦和pre-shooting，高感十分好！價錢平！

機身無防震，單SD卡，電池續航一粒大約半天（要帶spare電池），無咗joystick ，按鈕比較細.

輕巧機身設計手感一流，開機速度，機身設定和對焦速度可以比美高檔Z8，每個掣位都可按個人做機身設定，EVF 光亮，性價比一流！

我買行貨時，免費送1.4增距環！

光圈不夠大！

重量不算重，
配合1.4x 去到840mm
行貨價錢合理，
對焦快，
成像不錯。

Biogon 接近0變形100%。
全新鏡連保養於大阪入手。
日常實用鏡，長插A7RV 無問題。
35mm F2 蔡藍影天影地影人無問題。
唯F2時要注意光暗位，會長曝。

AF同其他a系機比非常相近
shutter lag同a系機一樣 （官網數字）
有no crop 4K 25P
有3咪靚聲
有反mon
可揀白色機身連銀色鏡，唔好唔記得e mount有好多白鏡可選

價格反映一切，所以下面問題不是問題。
無機身防震
無得設定追焦，如靈感度
快門設計差全幅a系機少少
電池用舊款電量較少

*** 無實體mode轉盤，不過，你可以將功能鍵設定為mode鍵，不用入Q menu，一樣可解決這個問題。

價格完美：百老匯kit set 4490，有信用卡回贈，仲有記憶卡保護貼電池等等。
當一部疫情前GR只值4千幾全新機，當fuji x100要炒價，當m43 2手機都要2-3000起。呢部係2021年款，全新機，有強大e mount鏡可選，輕身，AF完美。
其實買呢部，加枝batis 25或Sony 24.8，才是王道。

1) 摸上去造工不錯, 比上代f/1.4G 600克輕很多, 重量平均, 體感會比實重的415克更輕。
2) 九片圓形光圈葉片, 防塵防水滴設計, 金屬濾鏡環蓋, 鏡筒不會因為對焦而轉動或伸縮, 又有兩個自定義用途環
3) 中央畫質不錯, 收一兩級非常好, 就算全開f/1.4也足夠拍人像
4) 對焦安靜迅速, 呼吸效應低, 用ZF拍迎面而來的跑步者, 成功率都很高
5) 發色偏冷, 比較清麗(個人主觀喜好)

1) 鏡身沒有AF/MF快速鍵
2) 415克重量, 鏡身比較長, 算不上便攜和低調
3) 邊緣畫質差, 收光圈仍不及1.8S
4) 光學矯正不如1.8S, 例如色差, 彗差, 耀光, 場曲
5) 鏡身比1.8S多出一點曲線, 但外貌還是不如G鏡好看 (個人主觀喜好)

想起當年35/1.4G賣HKD 15XXX, 現在用4000初可以入手原廠行貨(水貨當然更便宜), 而且畫質更好。

Z35/1.4是優點和缺點都很明顯的一支鏡頭, 為了f/1.4、 中央畫質和價格, 犧牲了一些邊緣畫質和一些光學矯正。散景偏古典, 帶點二線性, 沒有1.8S柔順, 也可以說是更有個性, 而散景的喜好是很主觀的。

用來拍環境或工作用, 1.8S版本因為更場曲更少, 光學修正更完善會更好, 如果是用來拍生活紀錄, 無疑是1.4版更好控制由更多虛化到更清晰畫面的景深切換, 而且拍人都是人在中央畫面, 邊緣畫質, 彗差真的不會看, 而且那些邊角缺憾很多時要在比較大對比的環境, 全開光圈才明顯。

我是拍了很多年, 有些厭倦24-70一類標準變焦(因為有時更像打工鏡, 特別那天是拿135FF時...), 35mm作為生活常用焦距是很好用的, 不像50mm常常變大頭照, 也不是85mm機械式淺景深糖水照, 而是要思考構圖, 感覺更好玩。至於視角不夠寬或不夠遠時, 拍不到就拍不到了, 又不是做記者要交差。
(真的要拍風景, 我用超廣角變焦更方便, 就算定焦也是找20mm或24mm)

如果我是器材愛好者, 喜歡放大100%細看邊角, 我應該會選S或C牌的高階35/1.4, 或是再等傳聞中的z35/1.2, 當然價格不在同一檔次, 但光圈全開表現肯定更好。我135FF只有Nikon, 目前只有兩支原生35mm, 二選一。我買鏡頭是真的在實際生活用拍人, 所以Z35/1.4在我眼中就贏了一個馬鼻。

機身手感輕巧，拍攝質素可以，120W充電，snapdragon新U很好。平價機這部算ok